नोव्हेंबर महिना सुरु झाला आहे. या महिन्याच्या दुसऱ्या आठवड्यात कुठल्या राशींना भाग्यकारक आणि कुठल्या राशीला त्रासदायक जाणार.. पाहूया या आठवड्याचे राशिभविष्य (Weekly Horoscope 07 November to 13 November)
मेष – आठवड्याच्या पहिल्याच दिवशी म्हणजे सात नोव्हेंबर रोजी पौर्णिमा असून आपल्याच राशीतून चंद्राचे भ्रमण होत आहे.तर राशी स्वामी मंगळाचे पराक्रम स्थानातून होणारे भ्रमण आपल्या वैयक्तिक उत्कर्षास अतिशय पूरक आहे. जी कामे होण्यासाठी आजवर आपण परिश्रम घेतलेत ती कामे अतिशय सहजतेने पूर्णत्वास जातील. धनस्थानातून होणाऱ्या चंद्रभ्रमणामुळे आर्थिक आवक वाढेल. अतिशय विचारपूर्वक आणि योग्य नियोजन पद्धतीने कामे केल्यामुळे यश लाभेल. कुटुंबातील सदस्यांचे सहकार्य लाभेल. कुटुंबातील वातावरण आनंदी, उत्साही राहील. आप्तस्वती यांच्या गाठीभेटीतून आनंद मिळेल. मानसिक स्वास्थ्य लाभेल. आठवड्याच्या उत्तरार्धात भावंडांचे सहकार्य लाभेल. कामानिमित्त प्रवास घडतील. आपल्या मतांचा आदर केला जाईल. व्यवसाय उद्योगात रचनात्मक कार्यक्रम राबवले जातील. मोठ्या आर्थिक उलाढाली होतील.
शुभ दिनांक – 9 ते 11
वृषभ – आठवड्याच्या सुरुवातीला आपल्या राशीच्या व्ययस्थानातून राहू आणि हर्षल वरून चंद्राचे प्रमाण होत आहे. तेथेच दिनांक 8 रोजी चंद्रग्रहण होत आहे. नोकरी व्यवसायातील कामानिमित्त प्रवास योग घडतील. कोणतेही महत्त्वाचे व्यवहार करताना योग्य व्यक्तीचा सल्ला घ्यावा. वैयक्तिक उत्कर्षाच्या दृष्टीने जरी अनुकूल ग्रहमान असले तरी अतिशय विचारपूर्वकच मोठे निर्णय घ्यावेत. घरगुती उत्सव समारंभात सहभागी व्हाल. समाजकारण व राजकारण यात सक्रिय सहभाग भेटला जाईल. आपल्या इच्छेनुसार सर्व गोष्टी प्राप्त करून घ्याल. नवीन क्षेत्रात पाय रोवण्यात यश लाभेल. आपल्या कामाची वरिष्ठांकडून दखल घेतली जाईल. आठवड्याच्या उत्तरार्धात अनपेक्षित खर्च उद्भवण्याची शक्यता राहते. त्यामुळे अतिशय संयमाची गरज आहे.
शुभ दिनांक – 11, 12
मिथुन – आपल्या राशीच्या लाभस्थानातून राहू व हर्षल वरून चंद्राचे भ्रमण होत आहे. मित्र परिवाराबरोबर कोणतेही व्यवहार, अथवा कोणत्याही महत्त्वाच्या विषयाबाबत सल्लामसलत करू नये. त्यांनी दिलेला सल्ला फसवा अथवा चुकीचा ठरू शकतो. आपली इच्छापूर्ती होणाऱ्या घटना घडतील. व्यवसाय उद्योगाच्या निमित्ताने परदेशस्थ व्यक्तींचे सहकार्य लाभेल. नवीन कल्पना अस्तित्वात येतील. जुनी येणी वसूल होतील आपली जिद्द आणि महत्त्वाकांक्षा वाढणार आहे. राशीतील मंगळ आपल्या कर्तृत्वाला चांगली, झळाळी देईल. आठवड्याच्या उत्तरार्धात जनहितार्थ कामे केली जातील. अनेकांचे सहकार्य लाभेल. आपल्या मतांचा इतरांकडून आदर केला जाईल. रागाचा पारा न चढू देता थोडा धीर धरला तर आपली कामे अगदी सहजतेने मार्गी लावण्यात यशस्वी व्हाल.
शुभ दिनांक – 12, 13
कर्क – आठवड्याच्या सुरुवातीला आपल्या राशीच्या कर्म स्थानातून चंद्राचे भ्रमण होत आहे. वरिष्ठांच्या मर्जीनुसार काम केले तर आपणास हवी असलेली सवलत निश्चितच लागू होईल. नोकरीत भरती बदलीचे योग येतील. व्यवसायात मात्र कोणतेही धाडसी निर्णय घेताना दहा वेळा विचार करावा. सामाजिक कार्यात सक्रिय सहभाग घेतला जाईल. मित्र परिवाराचे सहकार्य लाभेल. करमणुकीच्या कार्यक्रमातून आनंद मिळेल. आपली इच्छापूर्ती होणाऱ्या घटना घडतील. विवाहेच्छूक तरुणांना मनपसंत जोडीदार मिळेल. ओळखीतून अथवा मध्यस्थीतून रेंगाळलेल्या कामांना गती मिळेल. नवीन जबाबदाऱ्या स्वीकाराल. प्रकृतीच्या तक्रारींकडे मात्र दुर्लक्ष करू नका.
शुभ दिनांक – 7, 8
सिंह – भाग्यस्थानातीलतील राहू हर्षल वरून चंद्राचे भ्रमण होत आहे. कामानिमित्त परदेश प्रवास घडू शकतात. नोकरीत बढती बदलीचे योग येतील. आपल्या कामाची वरिष्ठांकडून प्रशंसा केली जाईल. अनेक सकारात्मक बदल झाल्यामुळे आपणास मनस्वास्थ्य लाभेल. नवीन जबाबदाऱ्या स्वीकारून यशस्वीपणे पार पाडता येतील. तरुणांना सुसंधी चालून येतील. तज्ञ व्यक्तींचे मार्गदर्शन लाभेल. व्यवसाय उद्योगाच्यासाठी लागणारी आधुनिक यंत्रसामग्री खरेदी कराल. विद्यार्थ्यांना स्पर्धा परीक्षांमध्ये यश लाभेल. आपली इच्छापूर्ती होणाऱ्या घटना घडतील. जुन्या मैत्रीला उजाळा मिळेल. मित्रांबरोबर वेळ मजेत घालवाल. आपल्या एखाद्या समस्येवर योग्य मार्ग निघेल.
शुभ दिनांक 12, 13
कन्या – अष्टमस्थ राहू केतू वरून चंद्राचे होणारे भ्रमण आपले मनस्वास्थ्य बिघडवणारे राहू शकते. प्रवासात आपले खिसा पाकीट सांभाळावे. कोणत्याही भूलथापांना बळी पडू नका. अनपेक्षित धनलाभ होऊ शकतो. जोडीदाराच्या उत्कर्षाची वार्ता कानी येईल. कोणतेही महत्त्वाचे निर्णय घेताना अतिशय संयमाने आणि विचारपूर्वक घ्यावेत. आपल्या प्रकृतीच्या तक्रारींकडे दुर्लक्ष करू नका. उच्च शिक्षणासाठी परदेशी जाण्याचे प्रयत्न करत असणाऱ्या विद्यार्थ्यांना स्पर्धा परीक्षातून यश लाभेल. आपल्या गोड बोलण्याने आपले हित साध्य करता येईल. आठवड्याच्या उत्तरार्धात नोकरी व्यवसायासंबंधीच्या अनेक संधी चालून येतील. धाडसी निर्णय घेतले जातील. आपल्या समस्यांवर योग्य तोडगा मिळेल.
शुभ दिनांक – 10, 11.
तूळ – राशीच्या सप्तम स्थानातून होणारे चंद्राचे भ्रमण जोडीदाराच्या उत्कर्षाची वार्ता देणारे राहील. भागीदारी व्यवसायातून चांगला फायदा होईल. नवीन कार्यारंभ केले जातील. समाजकारण राजकारण यात सक्रिय सहभाग राहील. आपली सामाजिक पतप्रतिष्ठाा उंचावेल. गोड बोलून आपले काम साधण्यात यश लाभेल. आपल्या सात्विक विचारांमुळे आपल्या मतांचा आदर केला जाईल. सकारात्मक घटना घडतील. स्थावर मालमत्तेतून लाभ होतील. अनोळखी व्यक्तींवर विश्वास ठेवू नका. आठवड्याच्या उत्तरार्धात सहलीचे आयोजन केले जाईल. करमणुकीच्या कार्यक्रमातून आनंद लुटाल. अनेकांचे सहकार्य लाभेल. भाग्यशस्थानातील मंगळामुळे धाडसी निर्णय घेतले जातील.
शुभ दिनांक – 12, 13.
वृश्चिक – आठवड्याच्या सुरुवातीला आपल्या राशीतील षष्ठ स्थानातील राहू आणि हर्षल यावरून चंद्राचे भ्रमण होत आहे. तरुणांना नोकरीच्या संधी चालून येतील. आपल्या कामाची वरिष्ठांकडून प्रशंसा केली जाईल. एखाद्या महत्त्वाच्या व्यावसायिक कोर्ससाठी प्रवेशश घेतला जाईल. उंची वस्त्रालंकारांची खरेदी केली जाईल. जोडीदाराचे चांगले सहकार्य लाभेल. विवाह इच्छुक तरुणांना मनपसंत जोडीदार मिळेल. जोडीदाराच्या प्रगतीची वार्ता कानी येईल. व्यवसाय उद्योगाच्या निमित्ताने परदेशस्थ व्यक्तींचे सहकार्य लाभेल. वडिलोपार्जित इस्टेटीतून लाभ होतील. आठवड्याच्या उत्तरार्धात अष्टमातील मंगळावरून होणाऱ्या चंद्राच्या भ्रमणामुळे प्रकृतीच्या जुन्या तक्रारी डोके वर काढतील. तेव्हा प्रकृतीच्या तक्रारींकडे दुर्लक्ष करू नका.
शुभ दिनांक – 9 ते 11
धनु – पंचमस्थानातून होणारे चंद्राचे भ्रमण संततीच्या प्रगतीची वार्ता देणारे राहील. विद्यार्थ्यांना स्पर्धा परीक्षातून यश लाभेल. वैयक्तिक उत्कर्षाच्या दृष्टीने अनुकूल ग्रहमान आहे. लेखकांच्या हातून दर्जेदार लिखाण होईल. सरकारी नोकरीत कार्यरत असणाऱ्या व्यक्तींना एखाद्या समस्येला सामोरे जावे लागेल. नोकरीत कामाचा व्याप वाढणार आहे. सप्तम स्थानातील मंगळामुळे जोडीदाराचे वर्चस्व वाढेल. तसेच भागीदारी व्यवसायातून नवीन कामे मिळतील. हाती घेतलेले काम मोठ्या उत्साहाने पार पाडाल. नवीन क्षेत्रात संधी मिळतील. हितचिंतकांचा सल्ला महत्त्वाचा ठरेल. धार्मिक ओढा वाढेल.
शुभ दिनांक -12,13
मकर – आठवड्याच्या सुरुवातीला आपल्या राशीच्या चतुर्थस्थानातील राहू आणि हर्षल यांच्या वरून चंद्राचे भ्रमण होत आहे. तेव्हा घरातील वातावरण शांत राहील याकडे लक्ष ठेवावे, कारण कुटुंबात मतभेद होण्याची शक्यता राहते. डोक्यावर बर्फ आणि तोंडात साखर ठेवूनच आपले काम साधून घ्यावे. संततीच्या उत्कर्षाची वार्ता कानी येईल. जुन्या मैत्रीला उजाळा मिळेल. आपली इच्छापूर्ती होणाऱ्या घटना घडतील. मित्र परिवाराच्या सहकार्याने आपली रेंगाळलेली कामे मार्गी लागतील. उत्तरार्धात नोकरीत वरिष्ठांच्या मर्जीनुसार काम केले तर आपणास हवी असलेली सवलत लागू होईल. प्रकृतीच्या तक्रारींकडे दुर्लक्ष करू नका. षष्ठ स्थानातील मंगळामुळे उष्णतेचे विकार, संधिवात अथवा रक्तदाब यासंबंधी त्रास जाणवण्याची शक्यता राहते.
शुभ दिनांक – 8, 9
कुंभ – आपल्या राशीच्या तृतियस्थानातून चंद्राचे भ्रमण होत आहे. भावंडांवर आपली मते लागू नका. व्यवसाय उद्योगाच्या निमित्ताने परदेशी प्रवास घडण्याची शक्यता राहते. व्यावसायिक उत्कर्ष साधता येईल. नवनवीन रचनात्मक उपक्रम राबवले जातील. गृह सजावटीसाठी आकर्षक वस्तूंची खरेदी केली जाईल. घरात शुभ समारंभाचे आयोजन केले जाईल. सतत पाहुण्यांची वर्दळ राहील. आप्तस्वकीयांच्या गाठीभेटीतून आनंद मिळेल. घरातील वातावरण अतिशय आनंदी उत्साही राहील. मातृसंख्य लाभेल. उत्तरार्धात पंचमस्थ मंगळामुळे संतती संबंधी महत्त्वाचे निर्णय घेतले जातील. सामाजिक क्षेत्रात पतप्रतिष्ठाउंचावेल. रेंगाळलेली कामे मोठ्या जबाबदारीने पूर्णत्वास नेली जातील.
शुभ दिनांक – 12, 13
मीन – धनस्थानातून होणारे चंद्राचे भ्रमण आपला आर्थिक उत्कर्ष करणारे राहील. जुनी येणी वसूल होतील. धार्मिक शुभ समारंभात सहभाग घ्याल. कामानिमित्त प्रवास घडतील कामाचा व्याप वाढेल. कुटुंबीयांवर आपली मते लागू नका. आपल्या अडचणींवर योग्य मार्ग मिळाल्यामुळे मानसिक स्वास्थ लाभेल आणि आपण चिंतामुक्त व्हाल. उत्तरार्धात गृह सजावटीसाठी आकर्षक वस्तूंची तसेच इलेक्ट्रॉनिक्सच्या वस्तूंची देखील खरेदी केली जाईल. नवीन वाहन वास्तूचे योग आहेत. नाविन्यपूर्ण घटना घडतील. दिनांक 8 9 आपणासाठी शुभ फलदायी राहतील.
शुभ दिनांक – 8, 9
दिनांक 8 नोव्हेंबर रोजी चंद्रग्रहण आहे. चंद्रग्रहणाच्या काळात गायत्री मंत्र, कुलदैवतेचा मंत्र, ओम नमः शिवाय अथवा चंद्राचा पुढील मंत्र म्हणावा - ओम क्षीरपुत्राय विद्महे अमृत तत्वाय धीमही तन्नो चंद्र: प्रचोदयात् |
– श्री बालाजी ज्योतिषालय आणि वास्तू कन्सल्टन्सी, पुणे
9011149780 / 8668293104
टीप : या लेखातील माहिती आणि मते ही सर्वस्वी लेखकाची आहेत. क फॅक्टस टीम याची पुष्टी करत नाही. तसेच लेखकाच्या मतांशी आम्ही सहमत असू असेही नाही.
