सध्या सोशल मीडियात अब्दु रोजिक हा चर्चेत आहे. अब्दुचे सलमान खान ते सुप्रिद्ध गायक ए.आर. रहमान सारखे गायक ही त्याचे चाहते आहेत. अब्दुने या सर्वांवर आपली एक वेगळीच छाप पाडली असून त्याचे काही व्हिडिओ सुद्धा सोशल मीडियात तुफान व्हायरल होत आहे. नुकत्याच जेव्हा सलमान खान हा दुबईत एका कार्यक्रमासाठी गेला होता त्यावेळी अब्दु याच्यासोबत त्याची भेट झाली. ऐवढेच नव्हे भेटी दरम्यान अब्दुने ‘एक लडंकी को देखा तो ऐसा लगा’ हे गाणे सुद्धा गायले आणि सलमानचे मन जिंकले.याआधी सुद्धा अब्दुचा ए.आर. रहमान सोबतचा एक व्हिडिओ सोशल मीडियात चांगलाच गाजला होता. परंतु अब्दु रोजिक (Abdu Rozik) नक्की आहे तरी कोण? आणि त्याचे ऐवढे चाहते कसे? असे विविध प्रश्न आता सोशल मीडियात विचारले जात आहेत. आता तुम्हाला ही हाच प्रश्न पडला असेल ना नक्की अब्दु रोजिक कोण? अब्दु रोजिक बद्दल चला तर थोडक्यात जाणून घेऊयात.
कोण आहे अब्दु रोजिक?
अब्दु रोजिक हा तजाकिस्तान मध्ये राहणारा आहे. त्याचा जन्म ३ सप्टेंबर २००३ मध्ये झाला होता. १८ वर्षाचा असलेला अब्दु हा जगातील सर्वाधिक लहान गायक असल्याचे म्हटले जाते. खरंतर अब्दु रॅप सिंगर असला तरीही त्याचे गायन उत्तम आहे. तजाकिस्तानमध्ये अब्दुने रॅप गाणी गात आपले नाव प्रत्येकाच्या मनात कोरले आहे. या व्यतिरिक्त अब्दुचे एक युट्युब चॅनल Avlod Media नावाने आहे. गायक असण्यासह तो म्युजिशियन, ब्लॉगर आणि एक बॉक्सर ही आहे.
हे देखील वाचा- जस्टिन बीबर लढतोय ‘या’ आजाराशी, व्हिडिओ शेअर करुन दिली माहिती
अब्दु रोजिकची (Abdu Rozik) उंची का वाढली नाही?
हा प्रश्न प्रत्येकालाच पडला आहे की, अब्दुची उंची का वाढली नाही. खरंतर अब्दु रोजिक याची उंची ३ फूट २ इंच असल्याचे सांगितले जाते. अब्दुला लहानपणापासूनच रिकेट्स नावाचा आजार झाला आहे. शरिरात कॅल्शियम आणि विटामीन डी च्या कमतरतेमुळे ही समस्या उद्भवते. यामुळे शरिरातील हाडं ठिसूळ होऊ लागतात. या आजारामुळेच अब्दु रोजिक याची उंची वाढली नाही. त्याचसोबत गायकाच्या परिवाराला त्याच्यावर उपचार करण्यासाठी आर्थिक चणचण ही भासली. अब्दु रोजिक याच्या घरातील मंडळी ही Panjakent येथे राहत असून ती मंडळी गार्डनिंग सेक्टरमध्ये काम करतात.
अब्दु रोजिक याआधी खुप चर्चेत आला होता जेव्हा त्याचे भांडण Hasbulla Magomedov सोबत झाले होते. अब्दुचे बॉलिवूडमधील खुप चाहते आहेत. तर अब्दुचे सोशल मीडियातील अकाउंट पाहता तुम्हाला सोनू सूद, टायगर श्रॉफ, आणि यो यो हनी सिंहसह काही सेलेब्स सोबतचे त्याचे फोटो तुम्हाला दिसतील.