सध्या श्रावण महिना सुरु आहे. त्यामुळे विविध सणवार चालू आहेत. श्रावणातला नववधू आणि सवाष्णींसाठीचा एक मोठा आणि महत्वाचा सण म्हणजे मंगळागौर. नवीन लग्न झालेल्या वधूंसाठी या सणाचे विशेष महत्व असते.
श्रावणात सर्वच नवविवाहित महिला ही पूजा करतात. मराठी मनोरंजनविश्वातील प्रसिद्ध आणि लोकप्रिय गायिका असणाऱ्या मुग्धा वैशंपायनने देखील ही तिची पहिली मंगळागौर साजरी केली आहे.
मुग्धाने गायक प्रथमेश लघाटेसोबत डिसेंबर २०२३ मध्ये लगीनगाठ बांधली. ‘सारेगमप’ लिटिल चॅम्प्स या कार्यक्रमातील पंचरत्नांमधे प्रथमेश आणि मुग्धा यांची ओळख झाली होती.
मागच्यावर्षी मुग्धा आणि तिची बहीण मृदुल यांचे लग्न झाले. त्यामुळे दोघींची यावर्षी पहिली मंगळागौर होती. ही मंगळागौर झाल्यानंतर नुकतेच मुग्धाने तिच्या सोशल मीडिया अकाऊंटवरून याचे काही फोटो शेअर केले आहेत.
हे फोटो पाहिले तर लक्षात येईल, की दोघी बहिणींनी अतिशय पारंपरिक लूक केला आहे. मुग्धाने केशरी रंगाची साडी नेसली असून, तिची बहीण असलेल्या मृदुलने गुलाबी रंगाची साडी नेसली आहे.
जे मुग्धा आणि मृदुल यांच्या ज्वेलरीबद्दल बोलायचे झाले तर त्यांनी मंगळसूत्र, नथ, पाटल्या, बांगड्या घातल्या आहेत. तर केसांचा अंबाडा करत त्यात गजरा माळला आहे.
सध्या या दोघाचे फोटो चांगलेच व्हायरल होत असून, नेटकऱ्यांनी त्यांच्या लूकचे आणि त्यांचे आपल्या संस्कृतीवर असलेल्या प्रेमाचे भरभरून कौतुक केले आहे.मुग्धा वैशंपायन, प्रथमेश लघाटे, मंगळागौर