Holi Celebration : होळीचा सण आनंद, उत्सावाचा मानला जातो. या सणानिमित्त बॉलिवूड इंडस्ट्रीमध्ये मोठी धूम पाहायला मिळते. याआधी बहुतांश प्रसिद्ध कलाकार होळीच्या ग्रॅण्ड पार्टीचे आयोजन करायचे. पण आताच्या सेलेब्सबद्दल बोलायचे झाल्यास होळी पार्टीचे आयोजन केले जात नाही. जाणून घेऊया बॉलिवूड कलाकारांकडून होळी सेलिब्रेशन पार्टी का ठेवली जात नाही याबद्दल सविस्तर….
राज कपूर
राज कपूर त्यांच्या काळातील एक सुप्रसिद्ध अभिनेते होते. यांच्या घरी प्रत्येक वर्षी होळी पार्टीचे आयोजन केले जायचे. या पार्टीसाठी बॉलिवूड इंडस्ट्रीमधील कलाकार आवर्जुन उपस्थिती लावायचे. पण नंतर राज कपूर यांनी होळी पार्टीचे आयोजन करणे बंदद केले. खरंतर वर्ष 1988 मध्ये राज कपूर यांच्या निधनानंतर त्यांच्या घरील होळी पार्टीचे आयोजन बंद झाले.
यश चोप्रा
यशराज स्टुडिओमध्ये प्रत्येक वर्षी यश चोप्रा होळी पार्टीचे आयोजन करायचे. ही पार्टी अत्यंत खास असायची. या दरम्यान, इंडस्ट्रीमध्ये प्रसिद्ध कलाकार उपस्थितीत राहायचे. या पार्टीसाठी व्यावसायिक देखील यायचे. यश चोप्रा यांच्या निधनानंतर होळी सेलिब्रेशनची पार्टीचे आयोजनही बंद झाले. (Holi Celebration)
सुभाष घई
सुभाष घई आपल्या मड आयलँड येथील बंगल्यावर होळी पार्टीचे आयोजन करायचे. संपूर्ण दिवसभर या बंगल्यावर पार्टी व्हायची. यादरम्यान, बी-टाउनमधील होळी पार्टीसाठी यायचे. 80 च्या दशकानंतर त्यांनी होळी पार्टीचे आयोजन करणे अचानक बंद केले.
