Pure Silver Test : चांदीची ज्वेलरी महिलांना घालणे आवडते. यामुळेच मार्केटमध्ये चांदीचा भाव नेहमीच वाढलेला दिसतो. यामागे काही कारणेही आहेत. पण चांदीच्या वस्तू, दागिने नागरिक आवर्जून खरेदी करतात. ज्योतिष शास्रानुसार, चांदीचा थेट संबंध मनाशी येतो. चांदीमुळे मन शांत राहते, भावनांवर नियंत्रण राहते. यामुळेच चांदीची ज्वेलरी घालण्यास सांगितले जाते. पण मार्केटमध्ये खरी चांदी ओखळायची कशी असा प्रश्न बहुतांशजणांना पडतो. याबद्दलच्या काही टिप्स जाणून घेऊया सविस्तर….
हॉलमार्क
सोन्याप्रमाणे चांदीच्या दागिन्यांवरही हॉलमार्क असते. हे मार्क नेहमीच ज्वेलरीवर कुठे ना कुठेतरी असते. ते अक्षर किंवा एखाद्या सिम्बॉलच्या रुपात असू शकते. हॉलमार्क पाहण्यासाठी भिंगाचा वापर करू शकता.
चुंबकचा वापर
चांदी कधीच चुंबकाकडे आकर्षित होत नाही. यामुळे चांदीची ज्वेलरी खरेदी करण्यास जात असल्यास एक लहान आकाराचा चुंबक सोबत ठेवू शकता. जेणेकरून तुमची चांदी खरेदी करताना फसवणूक होणार नाही.(Pure Silver Test)
बर्फाचा तुकडा
खरी सिल्व्हर ज्वेलरी ओखळण्यासाठी बर्फाच्या तुकड्याचा वापर करू शकता. चांदीच्या ज्वेलरीवर बर्फाचा एक तुकडा ठेवा. यानंतर बर्फाचा तुकडा लगेच वितळण्यास सुरूवात झाल्यास समजून जा चांदी खरी आहे.