Mental Health Care : प्रत्येक व्यक्तीचे मानसिक आरोग्य हेल्दी राहणे अत्यंत महत्वाचे असते. पण सध्याच्या बिघडलेल्या लाइफस्टाइलमुळे मानसिक आरोग्यावर परिणाम होतो. यामागे काही कारणे असू शकतात. पण या सर्व गोष्टींवर मात करत तुम्ही मानसिक आरोग्य हेल्दी ठेवू शकता. जाणून घेऊया कोणत्या गोष्टींमुळे मानसिक आरोग्य बिघडले जाते आणि बचाव करण्याचे उपाय याबद्दल सविस्तर…
अधिक तणाव आणि चिंता
अधिक तणाव आणि चिंतेमुळे तुमचे मानसिक आरोग्य बिघडले जाऊ शकते. कामाचे प्रेशर, परिवारातील वाद, आर्थिक चणचण अशा गोष्टींमुळे तणाव वाढला जाऊ शकतो. यापासून दूर राहण्यासाठी दररोज थोडावेळ व्यायाम, मेडिटेशन अथवा आपल्या कामांना प्राथमिकता द्या. आपले छंद जोपासण्यासाठी वेळ काढा.
अपूर्ण झोप
अपूर्ण झोपेमुळे मानसिक आणि शारिरीक आरोग्य प्रभावित होते. यामुळे चिडचिडेपणा आणि थकवा शरिरात निर्माण होतो. यासाठी दररोज सात ते आठ तासांची झोप घेणे महत्वाचे असते. झोपण्यााधी मोबाईल आणि टीव्ही पासून एक तास तरी दूर रहा.
अनहेल्दी फूड्सचे सेवन
जंक फूड आणि चुकीच्या खाण्यापिण्याच्या सवयीमुळे मानसिक आरोग्य बिघडले जाते. फळ, भाज्या आणि नट्सचे सेवन करा. यामुळे तुमचे शरिर आणि मेंदू हेल्दी राहण्यास मदत होईल. पुरेशा प्रमाणात दिवसभरात पाणी प्या.
एकटेपणा
एकटेपणामुळे मानसिक आरोग्य बिघडले जाते. यापासून दूर राहण्यासाठी मित्रपरिवारासोबत वेळ घालवा. सामाजिक कार्यांमध्ये सहभागी व्हा. यामुळे मानसिक तणाव कमी होतो आणि तुम्ही आनंदी राहता.
नकारात्मक विचार
नकारात्मक विचारांचा आरोग्यावर परिणाम होतो. यामुळे आत्मविश्वासही कमी होतो. तुम्हाला प्रत्येकवेळी उदास वाटते. यापासून दूर राहण्यासाठी सकारात्मक विचार करा. आपल्या कामातून आनंद व्यक्त करा. (Mental Health Care)
बचाव करण्याचे उपाय
-दररोज व्यायाम अथवा मेडिटेशन करा
-हेल्दी डाएट आणि लाइफस्टाइल फॉलो करा
-मित्रपरिवारासोबत वेळ घालवा
-सकारात्मक विचार करा