मकर संक्रांतीच्या मुहूर्तावर कुंडलीतील सूर्य मकर राशीमध्ये प्रवेश करतो. पौष महिन्यातील सूर्य उत्तरायण होऊन मकर राशीमध्ये प्रवेश करतो. मकर संक्रांत भारतातील वेगवेगळ्या भागांमध्ये वेगवेगळ्या पद्धतीनं साजरा केली जाते. मकर संक्रांतीचा हा सण भारतामध्ये १४ जानेवारी रोजी साजरा केला जाणार आहे. नवीन वर्षात येणारा पहिला सण म्हणजे मकरसंक्रांती. या दिवशी महिला काळ्या रंगाची साडी परिधान करतात. तसेच या दिवशी प्रत्येक घरात जाऊन तीळ गूळ वाटले जातात. तर अनेक घरांमध्ये हळदीकुंकू ठेवले जाते. पतंग उडवल्या जातात. भारतामध्ये हा सण विविध नावांनी आणि आपल्या पूर्वापार चालत आलेल्या प्रथेनुसार साजरा केला जातो. (Sankranti)
महाराष्ट्रामध्ये मकर संक्रांतीला अनेक ठिकाणी काळ्या रंगाचे वस्त्र परिधान केले जातात. संक्रांतीचा सण जवळ येऊ लागला की, बाजारामध्ये काळ्या कपड्यांची चलती दिसते. सगळ्या दुकानांमध्ये, दुकानांच्या बाहेर काळ्या साड्या, काळ्या ड्रेस लावलेले आपल्याला दिसते. हिंदू धर्मामध्ये काळ्या रंगाला अशुभ समजले जाते. कोणत्याही सणवारामध्ये, शुभ प्रसंगी काळा रंग वापरता येत नाही. मग असे असूनही संक्रांतीला काळ्या रंगाला एवढे महत्त्व का दिले जाते?, का या सणाच्या दिवशी काळ्या रंगाचे कपडे घातले जातात? जाणून घेऊया यामागचे शास्त्र. (Marathi News)
मकर संक्रांत म्हणजे या दिवशी सूर्य धनु राशीतून मकर राशीत प्रवेश करतो आणि सूर्याच्या या राशीपरिवर्तनाला मकर संक्रांत असे संबोधित करण्यात येते. हिवाळ्यातील सर्वात जास्त थंड असा हा दिवस असतो आणि रात्रही मोठी असते. या मोठ्या रात्रीच्या काळोखाला चांगला निरोप देण्यासाठी या दिवशी काळ्या रंगाचे कपडे घातले जातात असे सांगितले जाते. सूर्य जेव्हा मकर राशीमध्ये प्रवेश करतो त्यावेळी त्याची पत्नी छाया म्हणजेच सावली यांनी काळ्या रंगाचे वस्त्र परिधान केले होते ज्यामुळे हि प्रथा पुढे कायम राहिली. या कारणामुळे मकर संक्रांतीच्या दिवशी काळ्या टिपक्यांची काळी साडी नेसली जाते. या काळ्या रंगाच्या साडीला ‘काळी चंद्रकाळ’ देखील म्हटले जाते. (Todays Marathi Headline)
या दिवसांमध्ये सर्दी सुरु होते आणि पाणझडीचे दिवस देखील असतात. थंडीपासून बचाव करण्यासाठी काळ्या रंगाचे कपडे घातले जातात. काळ्या रंगाच्या कपड्यांमध्ये उष्णता निर्माण केली जाते. शरीर गरम राहण्यास मदत होते. थंडीच्या दिवसात तीळ हे शरीरास अत्यंत उपयोगी आहे. म्हणून तीळ-गूळ देण्याची प्रथा पडली. मकर संक्रांतीच्या दिवशी काळे वस्त्रे परिधान करण्याची प्रथा आहे. काळा रंग हा अशुभ नाही. सौभाग्य लेणं मंगळसूत्राच्या मण्यांचा रंगही काळाच असतो. मकर संक्रांतीच्या दिवशी रात्र मोठी असते. या दिवसापासून दिनमान वाढायला सुरुवात होते. काळोख्या मोठ्या रात्रीला काळ्या रंगाची वस्त्रे नेसून निरोप दिला जातो. (Top Marathi News)
मकर संक्रांतीसाठी शरीरात ऊर्जा आणि उष्णता निर्माण करणाऱ्या सर्व गोष्टींचा वापर केला जातो. सुगडाची पूजा करताना त्यात ऊसाचे तुकडे टाकले जातात. त्यासह तिळगूळ, गाजर, बोरं, गव्हाच्या ओंब्याही यामध्ये समाविष्ट असतात. बऱ्याचदा सुगड हादेखील काळ्या रंगाचाच असतो. एकंदरीतच थंडीच्या दिवसात ऊब मिळावी आणि तुमचे थंडीपासून संरक्षण व्हावे यासाठीच हा सण महत्त्वाचा ठरतो. (Top Trending Headline)
========
Kinkrant : जाणून घ्या संक्रांतीच्या दुसऱ्या दिवशी साजऱ्या होणाऱ्या किंक्रांतचे महत्त्व
Makar Sankranti : वर्षातला पहिला सण असलेल्या मकरसंक्रांतीची माहिती आणि महत्त्व
========
नवविवाहित वधूच्या पहिल्या संक्रांतीला तिला काळी साडी व हलव्याचे दागिने भेट दिली जातात. बाळाच्या पहिल्या संक्रांतीनिमित्त त्यालाही काळ्या रंगाचे कपडे व हलव्याचे दागिने घातले जातात. त्यामुळं या वस्तूंची खरेदी संक्रातीला प्रामुख्याने केली जाते. हलव्याचे तयार दागिनेही बाजारात उपलब्ध असून त्यात हार, नेकलेस, कानातले, बिंदी, बांगड्या, कंबरपट्टा, बाजूबंद, मंगळसूत्र, कानाचे वेल, मुकूट असे अनेक प्रकार उपलब्ध आहेत. याशिवाय आपल्या मागणीनुसार दागिने तयार करुन दिले जात आहेत. (Social News)
(टीप – या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. कोणताही उपाय करण्यापूर्वी संबंधित विषयातील तज्ज्ञांचा सल्ला घ्या.)
Latest Marathi News | News in Marathi | Live news Updates in Marathi on Trending Topics
