ऑगस्ट महिन्याचा दुसरा आठवडा कुठल्या राशींना भाग्यकारक आणि कुठल्या राशीला त्रासदायक जाणार.. पाहूया या आठवड्याचे राशिभविष्य (August Weekly Horoscope)
मेष – भाग्यस्थानातील धनु राशीतून चंद्राचे भ्रमण होत आहे. राशी स्वामी मंगळाची धनस्थानातून चंद्रावर दृष्टी असल्यामुळे अतिशय उत्साहाने आणि धाडसाने काम करण्याच्या वृत्तीत वाढ होईल. नोकरी व्यवसायात अधिकार प्राप्ती होईल. जुन्या मैत्रीला उजाळा मिळेल. उत्तरार्धात भेटवस्तू मिळतील. लेखकांना कलाकारांना विशेष प्रसिद्धीचे योग येतील. पुरस्कार जाहीर होतील. अनपेक्षित धनप्राप्ती होईल.
शुभ दिनांक – 11, 12
वृषभ – आठवड्याच्या सुरुवातीला आपल्या राशीच्या अष्टमस्थानातून चंद्राचे भ्रमण होत आहे, तर व्ययेश मंगळाचे लग्नस्थानातून भ्रमण होत आहे. प्रवासात आपले खिसा पाकीट सांभाळावे. स्वकर्तृत्वाने मेहनतीने हाती घेतलेल्या कार्याचे उत्तम नियोजन करून आपण त्यात यशस्वी व्हाल. आपला आत्मविश्वास वाढेल. आठवड्याच्या उत्तरार्धात नवीन व्यावसायिक करार केले जातील. आपल्या कामाला योग्य न्याय मिळेल.August Weekly Horoscope)
शुभ दिनांक – 12, 13
मिथुन – राशीच्या सप्तमस्थानातून होणारे चंद्राचे भ्रमण आपल्या जोडीदाराच्या उत्कर्षाची वार्ता देणारे राहील. भागीदारी व्यवसायात सुसंधी लाभतील. महत्त्वाचे निर्णय घेताना मात्र योग्य व्यक्तीचा सल्ला घेण्याची गरज आहे. रहस्यमय गुप्त वार्ता कानी येतील. अचानक धनलाभ होण्याची शक्यता आहे. उत्तरार्धात प्रवासयोग घडतील. उच्च शिक्षणासाठी परदेशी जाणाऱ्या विद्यार्थ्यांसाठी अनुकूल ग्रहमान आहे.
शुभ दिनांक- 13, 14
कर्क – आठवड्याच्या सुरुवातीला मातुल घराण्याकडून लाभ होतील. मौल्यवान वस्तूंची खरेदी केली जाईल. आपल्या कर्तृत्वाला झळाळी येणाऱ्या घटना घडतील. अतिशय विचारपूर्वक निर्णय घेऊन आपण योग्य ते अंमलबजावणी करण्यात यशस्वी व्हाल. उत्तरार्धात प्रवास घडतील. पूर्वी केलेल्या गुंतवणुकीतून लाभ होतील. वाहन चालवताना सावधगिरी बाळगावी. August Weekly Horoscope)
शुभ दिनांक – 10, 11
सिंह – या आठवड्यात कोणताही ग्रह पालट नाही. आपल्या राशीच्या नवमस्थानातून चंद्राचे भ्रमण होत आहे. बौद्धिक क्षेत्रात विशेष कार्य केले जाईल. संततीच्या उत्कर्षाची वार्ता कानी येईल. लेखकांच्या हातून दर्जेदार लिखाण होईल. नोकरीत वरिष्ठांची मर्जी संपादन कराल. नोकरीच्या शोधात असणार्‍या तरुणांना सुसंधी लाभतील. संयमाने विचाराने आणि आपल्या वाक्चातुर्याच्या जोरावर महत्त्वाची कामे मार्गी लावाल.
शुभ दिनांक – 9, 10
कन्या – सुखस्थानातून होणारे चंद्राचे भ्रमण घरातील वातावरण आनंदी उल्हसीत बनवणारे राहील. घरात पाहुण्यांची वर्दळ राहील. कौटुंबिक सौख्य लाभेल. विद्यार्थ्यांना स्पर्धा परीक्षा यशप्राप्ती होईल. करमणुकीच्या कार्यक्रमात सहभागी व्हाल. जुन्या मैत्रीला उजाळा मिळेल. पूर्वी केलेल्या गुंतवणुकीची पूर्तता झाल्यामुळे हाती पैसा येईल. नोकरीत झालेल्या अनुकूल घडामोडी मनाप्रमाणे फायदे करून देणाऱ्या राहतील, परंतु त्यामुळे विरोधकांचे फावणार आहे. सतर्क रहावे.
=====
हे देखील वाचा – घरांच्या भिंतीवर ‘या’ गोष्टी दिसत असतील तर दुर्लक्ष करु नका, अन्यथा…
=====
शुभ दिनांक – 11, 12
तूळ – आठवड्याच्या सुरुवातीला आपल्या राशीच्या तृतीय स्थानातून चंद्राचे भ्रमण होत आहे. परदेशस्थ भावंडांशी सुसंवाद साधला जाईल, त्यांचे सहकार्य लाभेल. गृहसजावटीसाठी आकर्षक मौल्यवान वस्तूंची खरेदी केली जाईल. सामाजिक कार्यात सहभागी व्हाल. कलाकारांना, लेखकांना विशेष प्रसिद्धीचे योग येतील, पुरस्कार मिळतील, नावलौकिक, प्रतिष्ठा प्राप्त होईल. उत्तरार्धात अंगभूत कलागुणांना वाव मिळेल.
शुभ दिनांक – 12, 13
वृश्चिक – धनस्थानातून होणारे चंद्राचे भ्रमण आपली आर्थिक बाजू उंचावणारे राहील. आपली नियोजित कामं करताना अडथळे येण्याची शक्यता राहील. परंतु त्यावर आपण युक्तीने मात कराल. कुटुंबातील सदस्यांसाठी हौसेने खर्च केला जाईल, त्यांच्यासाठी सुंदर भेटवस्तू खरेदी केल्या जातील. उत्तरार्धात आप्तस्वकीयांच्या गाठीभेटी होतील त्यातून आनंद मिळेल. मातृसौख्य लाभेल.
शुभ दिनांक – 11 ते 13
धनु – आपल्याच राशीतून चंद्राचे भ्रमण होत आहे. आपल्याला अनुकूल असेच या आठवड्यातील ग्रहमान आहे. वैयक्तिक उत्कर्ष होण्याच्या दृष्टीने सुसंधी लाभतील. कुटुंबातील व्यक्तींबद्दल सुवार्ता कानी येतील. पूर्वी केलेल्या गुंतवणुकीतून लाभ होतील. आठवड्याचे उत्तरार्धात सहलीचे आयोजन केले जाईल. इच्छापूर्ती करणारा हा आठवडा आहे. कौटुंबिक शुभ समारंभात सहभागी व्हाल. August Weekly Horoscope)
शुभ दिनांक – 13, 14
मकर – आठवड्याच्या सुरुवातीला आपल्या राशीच्या वेळेस स्थानातून चंद्राचे भ्रमण होत आहे. कामानिमित्त प्रवास घडतील. जनसंपर्कातून मोठे फायदे होतील. सामाजिक कार्यात सहभागी व्हाल. राशीतील शनि- चंद्राच्या होणाऱ्या युतीमुळे कठोर परिश्रमांनी वैयक्तिक उत्कर्ष साधता येईल. रेंगाळलेली कामे मार्गी लावण्यात यश मिळेल उत्तरार्धात चांगले अर्थार्जन होईल.
शुभ दिनांक – 10, 11
कुंभ – आठवड्याच्या सुरुवातीला आनंदी उत्साही वातावरण राहील. मनोरंजनाच्या कार्यक्रमात सहभागी व्हाल. जुन्या मैत्रीला उजाळा मिळेल. नोकरीच्या शोधात असणाऱ्या तरुणांना सुसंधी लाभतील. नोकरीत बढती बदलीचे योग संभवतात. वडीलधाऱ्या व्यक्तींबाबतची आपली कर्तव्य पार पाडाल. प्रकृतीच्या तक्रारींकडे मात्र दुर्लक्ष करू नका. विद्यार्थ्यांना स्पर्धा परीक्षांमध्ये यश लाभेल. कामानिमित्त अचानक प्रवास योग घडतील.
शुभ दिनांक- 9, 10
मीन – कर्मस्थानातून होणारे चंद्राचे भ्रमण नोकरीत सुसंधी देणारे राहील. वरिष्ठांची मर्जी संपादन कराल. वडीलधाऱ्या व्यक्तींचे सहकार्य लाभेल. सामाजिक कार्यात सहभागी व्हाल. समाजात आपल्याला नावलौकिक मानसन्मान प्राप्त होईल. लेखकांच्या हातून ललित लेखन होईल. विद्यार्थ्यांना स्पर्धा परीक्षांमध्ये यश प्राप्त होईल. आपल्या मेहनतीला योग्य न्याय मिळेल. आठवड्याच्या उत्तरार्धात प्रवास घडतील.( August Weekly Horoscope)
शुभ दिनांक – 10, 11
- श्री बालाजी ज्योतिषालय आणि वास्तू कन्सल्टन्सी, पुणे
9011149780 / 8668293104
टीप : या लेखातील माहिती आणि मते ही सर्वस्वी लेखकाची आहेत. क फॅक्टस टीम याची पुष्टी करत नाही. तसेच लेखकाच्या मतांशी आम्ही सहमत असू असेही नाही.
