मेष – आपल्या राशीच्या षष्ठ स्थानावरून होणारे चंद्राचे भ्रमण नोकरीत भाग्योदय घडवणारे राहील. बढती अथवा बदलीचे योग संभवतात. षष्ठेश बुध गुरुदृष्ट असल्यामुळे नवीन संधी चालून येतील. जोडीदाराशी वादंग टाळावेत. महिन्याच्या उत्तरार्धात शुक्र सिंह राशीत प्रवेश करत आहे तेथे होणाऱ्या रवी शुक्राच्या शुभ योगामुळे मौल्यवान वस्तूंची खरेदी केली जाईल. अनपेक्षित लाभ होतील. महत्त्वाच्या कागदपत्रांवर सह्या करण्यापूर्वी योग्य व्यक्तींचा सल्ला घ्यावा.
शुभ दिनांक – 2, 3.
वृषभ – आपल्या राशीच्या तृतीय स्थानातून सुखस्थानातील शुक्र प्रवेश करीत आहे. वाहन वस्तूचे योग येतील. संततीच्या उत्कर्षाची वार्ता कानी येईल. नवपरिणीतांना गोड बातमीची चाहूल लागेल. महत्त्वाची कागदपत्रे हाती लागतील. कामाचा व्याप वाढणार आहे तेव्हा प्रकृतीच्या तक्रारीकडे दुर्लक्ष करू नका. कोणत्याही भुलथापांना बळी पडू नका उत्तरार्धात जोडीदाराच्या प्रगतीची वार्ता कानी येईल. विवाहेच्छुक तरुणांना मनपसंत जोडीदार मिळेल.
शुभ दिनांक – 29, 30
मिथुन – राशीच्या धनस्थानातून पराक्रमस्थानात शुक्र प्रवेश करत आहे, तर सुखस्थानातून चंद्राचे भ्रमण होत आहे. कुटुंबीयांसोबत सहलीत सहभागी व्हाल. लघु उद्योगातून लाभ होतील.संतती संबंधी चिंता जाणवेल. मोठ्या प्रमाणात गुंतवणूक टाळावी. मोठे निर्णय घेणे टाळावे. उत्तरार्धांत नवीन व्यावसायिक संधी चालून येतील. वरिष्ठांची मर्जी संपादन कराल.
शुभ दिनांक – 30, 31
कर्क – लाभेश शुक्र आपल्या राशीतून धनस्थानात प्रवेश करत आहे. धनस्थानात धनेश रवी आहे. तर तृतीयस्थानातून बुधचंद्राचे होणारे भ्रमण आपणास भावंड सौख्य देणारे राहील. भावंडांच्या सहकार्याने मोठ्या जबाबदाऱ्या पार पाडल्या जातील. उंची वस्त्रालंकारांची खरेदी केली जाईल. घरात धार्मिक शुभ समारंभाचे आयोजन केले जाईल. अध्यात्मिक क्षेत्रात प्रगती होईल. जुन्या स्मृतींना उजाळा मिळेल. संतती सौख्य लाभेल. विद्यार्थ्यांना स्पर्धा परीक्षात यशप्राप्ती होईल.
शुभ दिनांक – 2, 3
सिंह – दशमेश शुक्र या आठवड्यात आपल्या राशीत प्रवेश करत आहे. सामाजिक पतप्रतिष्ठा उंचावेल. मौल्यवान वस्तूंची खरेदी कराल. जुनी येणी वसूल होतील. कुटुंबात शुभ समारंभाचे आयोजन होईल. धार्मिक स्थळांना भेटी द्याल. अध्यात्मिक प्रगती होईल. भावंडांना सहकार्य करावे लागेल. उत्तरार्धात गृहसुशोभीकरणासाठी खरेदी केली जाईल. घरात पाहुण्यांची वर्दळ राहील. या आठवड्यात आपल्याला मिळणारा आनंद अतिशय न्यारा असेल.
शुभ दिनांक – 29, 30
कन्या – राशी स्वामी बुधावरून लाभेश चंद्राचे भ्रमण होत आहे. आपला धनेश आणि भाग्येश शुक्र लाभस्थानातून व्ययस्थानात प्रवेश करत आहे. आपल्या संभाषण चतुर्यामुळे महत्त्वाची कामे मार्गी लावण्यात यश लाभेल. मित्र परिवाराचे सहकार्य लाभेल. पूर्वी केलेल्या गुंतवणुकीची पूर्तता झाल्यामुळे हाती पैसा येईल. सोन्याच्या अथवा हिऱ्याच्या दागिन्यांची खरेदी कराल. उत्तरार्धात कामानिमित्त परदेश प्रवास घडतील. विविध उपक्रम राबवता येतील.
शुभ दिनांक – 29, 30
तूळ – राशी स्वामी शुक्र दशमस्थानात आणि लाभस्थानातून भ्रमण करत आहे. आपल्या मनाजोग्या घटना घडतील. मित्रपरिवाराबरोबर वेळ मजेत घालवाल. मनोरंजनाच्या कार्यक्रमात सहभागी व्हाल. कवी, कलाकार, गायक यांच्यासाठी अनुकूल ग्रहमान आहे. नियोजित कामे ठरल्याप्रमाणे मार्गी लागतील. रेंगाळलेली सरकारी कामे मार्गी लागतील. कुटुंबातील व्यक्तींसाठी वेळ काढाल. धार्मिक शुभ समारंभात सहभागी व्हाल.
शुभ दिनांक 1, 2
वृश्चिक – लाभेश बुध लाभात असून तेथूनच चंद्राचे भ्रमण होत आहे, तर दशम स्थानातून रवी शुक्राचे भ्रमण होत आहे. सरकारी नोकरीच्या शोधात असणाऱ्या तरुणांना संधी लाभतील. नोकरीत बढती बदलीचे योग येतील. सामाजिक कार्यात सहभागी व्हाल. महत्वाची कागदपत्रे हाती लागतील. आपली इच्छापूर्ती होणाऱ्या घटना घडतील. कलाकारांना चांगल्या संधी लाभतील. उत्तरार्धात वैयक्तिक उत्कर्ष होईल.
शुभ दिनांक – 2, 3
धनु – षष्ठेश लाभेश शुक्र अष्टम आणि भाग्यस्थानातून भ्रमण करत आहे. वारसा हक्काने अनपेक्षित धनलाभ होतील. जोडीदाराच्या उत्कर्षाची वार्ता कानी येईल. नोकरीत वरिष्ठांची मर्जी संपादन कराल. महत्त्वाची कामे रेंगाळण्याची शक्यता आहे. अनोळखी व्यक्तीवर विश्वास ठेवू नका. धाडसी निर्णय घेणे टाळावे. भागीदारी व्यवसाय स्वतः लक्ष घालण्याची गरज आहे. महत्त्वाच्या कागदपत्रांवर सह्या करण्यापूर्वी योग्य व्यक्तीचा सल्ला घ्यावा. उत्तरार्धात सहलीत सहभागी व्हाल.
शुभ दिनांक – 29, 30
मकर – सप्तमातील शुक्र अष्टमस्थानात प्रवेश करत आहे, तर भाग्यस्थानातून भाग्येश बुधावरून चंद्राचे भ्रमण होत आहे. वडिलोपार्जित इस्टेटची कामे मार्गी लागतील. जोडीदारासंबंधीत सुवार्ता कानी येतील. परिवाराकडून मौल्यवान वस्तू भेट मिळतील. भागीदारी व्यवसायात कामाचा व्याप वाढेल. विद्यार्थ्यांना स्पर्धा परीक्षा यश मिळेल. नोकरीत सहकार्यांशी जुळवून घ्यावे लागेल. उत्तरार्धात जुन्या मैत्रीला उजाळा मिळेल. मनोरंजनाच्या कार्यक्रमातून आनंद घ्याल.
शुभ दिनांक – 1, 2
कुंभ – नोकरी व्यवसायात स्त्री अधिकाऱ्याचे सहकार्य लाभेल. विवाहेच्छूक तरुणांचे विवाह ठरतील. अष्टमस्थ बुधावरून चंद्राचे भ्रमण होत असल्यामुळे महत्त्वाच्या कागदपत्रांवर सह्या करण्यापूर्वी योग्य व्यक्तीचा सल्ला घ्यावा. कोणत्याही भुलथापांना बळी पडू नये. धार्मिक शुभ समारंभात सहभागी व्हाल. उच्च शिक्षणासाठी परदेशी जाण्याचा प्रयत्न करणाऱ्या विद्यार्थ्यांना यश लाभेल. वैयक्तिक उत्कर्ष साधता येईल. शुभ दिनांक – 2, 3
मीन – आठवड्याच्या सुरुवातीला आपल्या राशीच्या सप्तम स्थानातून चंद्राचे भ्रमण होत आहे. भागीदारी व्यवसायातून नवीन उपक्रम राबवता येतील. अनेकांचे सहकार्य लाभेल. रेंगाळलेली कामे जबाबदारीने पूर्ण करता येतील. अध्यात्मिक प्रगती होईल. लेखकांच्या हातून दर्जेदार लिखाण होईल. गुरु बुधाच्या होणाऱ्या समसप्तक योगामुळे आपल्याला मिळणारा आनंद हा अतिशय न्यारा असेल. जुन्या मैत्रीला उजाळा मिळेल. शुभ दिनांक – 29, 30.
श्री बालाजी ज्योतिषालय आणि वास्तू कन्सल्टन्सी, पुणे
9011149780 / 8668293104
टीप : या लेखातील माहिती आणि मते ही सर्वस्वी लेखकाची आहेत. क फॅक्टस टीम याची पुष्टी करत नाही. तसेच लेखकाच्या मतांशी आम्ही सहमत असू असेही नाही.
