विवेक अग्रिहोत्री (Vivek Agnihotri) यांचा ‘द काश्मीर फाइल्स’ (The Kashmir File) हा चित्रपट प्रेक्षकांना खूप आवडला आहे. विवेक अग्निहोत्री दिग्दर्शित हा चित्रपट पाहून लोकांच्या डोळ्यातील अश्रू आवरता येत नाहीत, अशा परिस्थितीत जे लोक हा चित्रपट पाहून चित्रपटगृहाबाहेर पडत आहेत, ते त्याचे भरभरून कौतुक करत आहेत. त्यामुळे प्रेक्षक ‘द काश्मीर फाइल्स’कडे खेचले जात आहेत.
यासोबतच या चित्रपटाने बॉक्स ऑफिसवरही धमाकेदार कमाई केली आहे. द काश्मीर फाइल्स या चित्रपटाने आतापर्यंत १०० कोटींहून अधिक कमाई केली आहे. या चित्रपटाने (The Kashmir File Box Office) बॉक्स ऑफिसवर एकूण ११६ कोटींची कमाई केली आहे. अशा परिस्थितीत द काश्मीर फाइल्स दररोज भरपूर कमाई करत आहे.
यासह द काश्मीर फाइल्सच्या बॉक्स ऑफिसवर कलेक्शनचा प्रवास सुरूच आहे. मात्र, याच आठवड्यात अक्षय कुमारचा ‘बच्चन पांडे’ हा चित्रपटही प्रदर्शित झाला आहे.
मोठ्या स्टारकास्टचा हा चित्रपट प्रदर्शित होऊनही ‘द काश्मीर फाइल्स’च्या त्याच दिवशीच्या कलेक्शनमध्ये काही फरक पडला नाही, उलट या चित्रपटाने एक विक्रम आपल्या नावावर केला आहे.
====
हे देखील वाचा: ‘अनावश्यक गोंधळ घालणे योग्य नाही’, काश्मीर फाइल्सच्या वादावर नाना पाटेकर यांची प्रतिक्रिया
====
काश्मीर फाइल्सने केला विक्रम
विवेक अग्निहोत्रीच्या ‘द काश्मीर फाईल्स’ या चित्रपटाने आठव्या दिवशी १९ कोटी १५ लाखांची कमाई केली आहे. आतापर्यंत ‘बाहुबली 2’ या चित्रपटाने अशी कामगिरी केली आहे की, त्याची एक दिवसाची कमाई सर्वाधिक आहे. त्याचवेळी बाहुबलीनंतर आमिर खानच्या दंगलला हे स्थान मिळाले.
पण आता ‘द काश्मीर फाइल्स’ हा दुसऱ्या क्रमांकाचा ‘वँड डे अर्निंग’ चित्रपट ठरला आहे. बाहुबली 2 ने त्यावेळी 19 कोटी 75 लाख रुपये कमावले होते. त्याचवेळी दंगल चित्रपटाने 18 कोटी 59 लाखांची कमाई केली होती.
#TheKashmirFiles creates HISTORY… *Day 8* of #TKF [₹ 19.15 cr] is AT PAR with #Baahubali2 [₹ 19.75 cr] and HIGHER THAN #Dangal [₹ 18.59 cr], the two ICONIC HITS… #TKF is now in august company of ALL TIME BLOCKBUSTERS… [Week 2] Fri 19.15 cr. Total: ₹ 116.45 cr. #India biz. pic.twitter.com/sjLWXV78J9
— taran adarsh (@taran_adarsh) March 19, 2022
====
हे देखील वाचा: काश्मीर फाइल्स चित्रपटाचे दिग्दर्शक ‘विवेक अग्निहोत्री’ यांना सरकारकडून Y श्रेणीची सुरक्षा
====
आता पर्यंत किती कोटींची झाली कमाई?
विवेक अग्निहोत्रीची ‘द काश्मीर फाइल’ दुसऱ्या आठवड्यात पोहोचला आहे. अशा परिस्थितीत दुसऱ्या शुक्रवारी चित्रपटाने १९ कोटी १५ लाखांची कमाई केली. यासह, गेल्या आठवड्यातील कमाईसह, काश्मीर फाइल्सने १०० कोटींचा टप्पा ओलांडला आहे. या चित्रपटाने एकूण ११६ कोटी ४५ लाखांची कमाई केली आहे.
