कर्ज घेताना कोणत्या गोष्टी लक्षात ठेवाव्यात? अन्यथा होईल मोठे नुकसान

Tips to taking loan : आजच्या काळात घरखरेदी, व्यवसाय सुरु करणे, शिक्षण किंवा तत्काळ वैद्यकीय गरज यासाठी अनेकजण कर्ज घेण्याचा पर्याय निवडतात. लोन घेणे हे एक सोप्पं आणि उपयुक्त साधन आहे, परंतु यामागे काही महत्वाच्या जबाबदाऱ्या आणि धोकेही असतात. म्हणूनच लोन घेण्यापूर्वी काही महत्त्वाच्या बाबींचा विचार करणे आवश्यक असते. अन्यथा लोनचा बोजा दीर्घकाळासाठी तुमच्या आर्थिक नियोजनावर परिणाम करू शकतो.

लोन घेताना सर्वात पहिले महत्त्वाचे पाऊल म्हणजे आपली आर्थिक क्षमता ओळखणे. आपण किती लोन परत करू शकतो, हे ठरवण्यासाठी आपले मासिक उत्पन्न, खर्च, आधीचे लोन आणि बचत यांचा विचार करणे आवश्यक आहे. याशिवाय आपल्याकडे असलेले इतर कर्ज, क्रेडिट कार्डचे बिल्स, व EMI यांचाही आढावा घ्या. लोन घेताना आपण फक्त लोनची रक्कम पाहत नाही, तर त्यावर लागणारा व्याजदर, कालावधी आणि एकूण परतफेड रक्कम यांचाही विचार करावा लागतो.

Tips to taking loan

दुसरी महत्त्वाची गोष्ट म्हणजे क्रेडिट स्कोअर. कोणत्याही बँक किंवा फायनान्स कंपनीकडून लोन मंजूर होण्यामागे तुमचा क्रेडिट स्कोअर मोठी भूमिका बजावतो. जर तुमचा स्कोअर 750 पेक्षा अधिक असेल तर तुम्हाला लोन सहज मिळते, त्याचबरोबर कमी व्याजदराने मिळण्याचीही शक्यता असते. त्यामुळे लोन घेण्याच्या आधी आपला क्रेडिट स्कोअर तपासा आणि तो सुधारण्याचा प्रयत्न करा.

लोनचा प्रकार निवडतानाही काळजी घेणे गरजेचे आहे. उदाहरणार्थ, तुम्हाला घर घेण्यासाठी लोन हवे असल्यास ‘होम लोन’ निवडावा, व्यवसायासाठी ‘बिझनेस लोन’, तर व्यक्तिगत गरजांसाठी ‘पर्सनल लोन’ योग्य ठरतो. यामध्ये प्रत्येक प्रकाराचे नियम, व्याजदर, प्रक्रिया शुल्क वेगळे असतात. त्यामुळे कोणता लोन आपल्या गरजेसाठी योग्य आहे, हे समजून घेणे महत्त्वाचे ठरते.(Tips to taking loan)

===========

हे ही वाचा : 

Shakuntala Express : ‘या’ रेल्वेसाठी भारत आजही देतोय इंग्लंडला टॅक्स!

Jadugoda Dark Secret : भारतात इथे आजही मूलं अपंग जन्माला येतात!

=============

लोनसंबंधी करारनामा (Loan Agreement) वाचताना बारकाईने प्रत्येक अट तपासा. अनेकदा सूक्ष्म मुद्यांमध्ये छुपे शुल्क, फाइन प्रिंटमध्ये दंडात्मक अटी असतात. उदा. वेळेपूर्वी लोन फेडल्यास ‘Prepayment Charges’, उशिरा EMI भरल्यास ‘Late Payment Fees’, प्रक्रिया शुल्क, इन्शुरन्स, इत्यादी. या अटी समजून घेतल्यास भविष्यात होणाऱ्या अनपेक्षित अडचणी टाळता येतात.

शेवटी, EMI ठरवताना ती आपल्या मासिक उत्पन्नाच्या 30-40% पेक्षा अधिक नसावी, याची दक्षता घ्या. EMI अधिक झाल्यास तुमच्या इतर गरजांवर परिणाम होऊ शकतो. शक्य असल्यास आपत्कालीन परिस्थितीसाठी एक ‘इमर्जन्सी फंड’ राखून ठेवा. त्यामुळे जर काही कारणामुळे लोन फेडण्यात अडथळा आला, तर त्या फंडाचा उपयोग करता येईल.