Osama bin Laden’s house : अमेरिकेने मे 2011 मध्ये जगातील सर्वाधिक खुंखार दहशतवादी ओसामा बिन लादेन याला ठार केले. अमेरिकेच्या गुप्तचर एजेंसी 9/11 च्या दहशतवादी हल्ल्यानंतर सातत्याने ओसामा बिन लादेनला आपल्या निशाण्यावर ठेवत होते. तरीही त्यांना या दहशतवाद्यापर्यंत पोहोचण्यासाठी तब्बल दहा वर्षे लागली. ओसामा बिन लादेनला ठार करण्यामागे अमेरिकेच्या नौदलाच्या सील कमांडोंची फार मोठी भूमिका ठरली. हे कमांडो सीक्रेट आणि टॉप प्रायोरिटी असणारे अभियान पूर्ण करण्यासाठी ओखळले जातात.
2 मे च्या रात्री अमेरिकेतील नेवी सील कमांडो यांनी पाकिस्तानातील एबटाबाद येथील ओसामा बन लादेनच्या घरावर छापेमारी करत त्याचा खात्मा केला. हे घर एबटाबादमधील बिलाल टाउन परिसरात होते. जे खास सुरक्षिततेसह आणि गुप्त पद्धतीने डिझाइन केले होते. चहूबाजूंना उंच भींती, तारा आणि बाहेरची डिझाइन अत्यंत वेगळी होती. ओसामा बिन लादेन या ठिकाणी राहत असल्याची माहिती ना प्रशासन ना पोलिसांना माहिती होती.
ऑपरेशननंतर घराची स्थिती
अमेरिकेच्या ऑपरेशननंतर हे घर जगभरातील मीडिया आणि सुरक्षा एजिंसीसाठी आकर्षणाचे केंद्र बनले होते. पाकिस्तानच्या सरकारने या घरावर कठोर नजर ठेवण्यास सुरुवात केली होती. जेणेकरुन कोणतीही बाहेरची व्यक्ती किंवा पत्रकार घरामध्ये एन्ट्री करू नये. काही महिन्यानंतर फेब्रुवारी 2012 मध्ये पाकिस्तानच्या सरकारने लादेनच्या या घराला पूर्णपणे मोडले. असे करण्यामागील उद्देश असे होते की, हे ठिकाण दहशतवाद किंवा ओसामा बिन लादेनसंबंधित कोणतीही आठवण किंवा प्रतीकच्या रुपात रहावी. स्थानिक प्रशासनाने बुलडोझरच्या मदतीने घर पाडले आणि तेथे आता एक रिकामा प्लॉट आहे. या जागेवर कोणतीही इमारत देखील बांधण्यात आलेली नाही. आसपासच्या परिसरात नवी घरे, बिलाल टाउन पूर्णपणे नागरिकांनी भरला गेला आहे. पण लादेनच्या घराचे ठिकाण एका रिकाम्या मैदानाप्रमाणे राहिले आहे.
Osama bin Laden’s house
लादेनच्या शेजाऱ्यांनीही माहिती नव्हते
लादेनच्या शेजाऱ्यांनाही त्याचे घर तेथे असल्याचे माहिती नव्हते. पण आता त्याच्या घराच्या आजूबाजूला सर्वकाही सामान्य गोष्टी घडल्या जातात. पण स्थानिकांसाठी आजही लादेनचे घर चर्चेचा विषय आहे. जगभरात कुठेही ओसामा बिन लादेनच्या नावे अधिकृत ठिकाण, रस्ता किंवा इमारत नाही. खरंतर, कोणत्याही दहशतवाद्याच्या नावावर कोणतीही इमारत, मुर्ती किंवा रस्ता तयार करणे आंतरराष्ट्रीय नियमांसह सामाजिक आणि राजकीय रुपात मान्य नाही. ओसामा बिन लादेनला आंतरराष्ट्रीय स्तरावरील एक दहशतवादी आणि 9/11 सारख्या हल्ल्यातील मास्टरमाइंड मानला जातो. संयुक्त राष्ट्र, अमेरिका, युरोपीय संघांसह बहुतांश देशांनी अल कायला दहशतवादी संघटना घोषित केले आहे. लादेन हा अल कायद्याचा मोठा लीडर होता.(Osama bin Laden’s house)
================
हे ही वाचा :
Maowadi and Naxalwadi Difference : माओवादी आणि नक्षलवाद्यांमध्ये फरक काय?
Dowry Custom : आणि म्हणून भारतात हुंडा प्रथा सुरू झाली!
=================
एबटाबादच्या घरात 6 वर्ष राहिला
ओसामा बिन लादेन ज्या घरात ठार झाला त्यामध्ये तो पाच ते सहा वर्षे राहिला होता. काही रिपोर्ट्सनुसार, लादेन आणि त्याचा परिवार वर्ष 2005 पासून एबटाबाद येथील बिलाल टाउनच्या या घरात राहत होता. याआधी लादेन पाकिस्तानातील हरिपुर जिल्ह्यातील एका गावात जवळजवळ दीड वर्षे लपून राहिला होता. यानंतर 2005 मध्ये एबटाबाद येथे स्थायिक झाला. लादेन आणि त्याच्या परिवाराने पूर्णपणे गुप्त आणि सतर्क अशी लाइफस्टाइल फॉलो केली होती. जसे की, मुलांना शाळेत न पाठवणे, घरातील सदस्यांनी बाहेर न जाणे किंवा घरातील हालचालींबद्दल कोणालाही कळू न देणे. शेजाऱ्यांना केवळ एवढेच माहिती होते की, येथे वेगवेगळे परिवार राहत आहेत. पण कोणालाही कधीच कळले नाही की, येथे खरंतर ओसामा बिन लादेन राहत होता.(Marathi Latest News)
