आज मार्गशीर्ष महिन्यातला शेवटचा गुरुवार. मागील तीन गुरुवार आपण मोठ्या भक्तिभावाने देवी लक्ष्मीची उपासना करत हे मार्गशीर्ष गुरुवारची व्रत केले. आज या व्रताचे उद्यापन केले जात आहे. त्यामुळे आजच्या शेवटच्या गुरुवारी देवीला काहीतरी मस्त आणि वेगळा नैवेद्य दाखवायची इच्छा प्रत्येक स्त्रीची असेल. त्यामुळेच आज आम्ही तुम्हाला मार्गशीर्ष महिन्यातल्या या शेवटच्या गुरुवारी देवीला नैवेद्य म्हणून दाखवण्यासाठी अतिशय चविष्ट आणि झटपट होणाऱ्या पदार्थांची रेसिपी घेऊन आलो आहोत. (Margshirsh Guruvar)
गव्हाच्या पिठाचा शिरा
साहित्य:
२५० ग्रॅम गव्हाचे पीठ, १५० ग्रॅम गूळ, २०० ग्रॅम साजूक तूप, थोडी वेलची पूड, १ / ४ लीटर पाणी
कृती:
प्रथम पाण्यामध्ये गूळ घालून तो विरघळण्यास बाजूला ठेऊन द्या. नंतर एका कढईत तूप टाकावे ते गरम झाल्यानंतर त्यात कणीक घालावी आणि ती तुपात परतून घ्यावी. नंतर तयार केलेले गुळाचे पाणी त्या कणकीत टाकावे मग कणीक त्यापाण्यात चांगली शिजून घ्यावी. झाला गुळाचा आणि कणकेचा पौष्टिक स्वादिष्ट शिरा झटपट तयार. यामध्ये तुम्ही पाण्याऐवजी दूध देखील वापरू शकता. (Todays Marathi Headline)
______________________________________________________________________________________________________________________________________
रव्याचे लाडू
साहित्य
बारीक रवा, तूप, पिठीसाखर, वेलची पूड ,ड्रायफ्रुटस
कृती
एका जाड बुडाच्या कढईत तूप गरम करून त्यात बारीक रवा सोनेरी होईपर्यंत मंद आचेवर भाजून घ्या. रवा करपणार नाही याची काळजी घ्या. भाजलेला रवा एका भांड्यात काढून घ्या. त्यात पिठीसाखर, वेलची पूड आणि आवडीनुसार ड्रायफ्रुट्स मिसळा. मिश्रण थोडे गरम असतानाच लाडू वळायला सुरुवात करा. जर मिश्रण कोरडे वाटले, तर थोडे गरम दूध किंवा साय घालून चांगले मिक्स करा. मिश्रण हाताला गरम लागेल इतके असतानाच त्याचे छोटे छोटे लाडू वळायला सुरुवात करा. गरम असतानाच वळल्याने लाडू बांधले जातात. (Latest Marathi News)
______________________________________________________________________________________________________________________________________
मुगडाळ हलवा
साहित्य
मुगडाळ, तूप, साखर, दूध, वेलची पूड, सुका मेवा
कृती
मूगाची डाळ चार ते पाच तास पाण्यात भिजत घाला. डाळ भिजल्यावर चाळणीत उपसून निथळत ठेवा. डाळीतील पाणी पूर्ण निघून गेल्यावर डाळ बारीक वाटून घ्या. एका कढईत तूप गरम करून त्यात वाटलेली मूगाची डाळ घाला आणि मंद आचेवर गुलाबी रंग येईपर्यंत भाजा. भाजत आली की तूप सुटू लागते. दुसरीकडे एका पातेल्यात दूध उकळून घ्या आणि खमंग भाजलेल्या डाळीत हळूहळू दूध घालून गुठळ्या न होऊ देता मंद आचेवर शिजवा. आळत आले की साखर घालून चांगले परता. हलवा घट्ट होईपर्यंत शिजवा. त्यात वेलची पूड, बेदाणे, बदामाचे काप घालू शकता. तयार हलवा आज शेवटच्या मार्गशीर्ष गुरुवारी देवीला नैवेद्य म्हणून दाखवा. (Top Stories)
______________________________________________________________________________________________________________________________________
बेसन बर्फी
साहित्य
१ वाटी- बेसन, १ वाटी- साखर, १ वाटी तूप, अर्धी वाटी- मावा, ४ चमचे- दूध, १ टीस्पून- वेलची पावडर, ड्रायफ्रुट्स
कृती
एका जाड बुडाच्या कढईत तूप गरम करून त्यात बेसन घाला आणि मंद आचेवर सोनेरी रंग येईपर्यंत आणि छान सुगंध येईपर्यंत भाजून घ्या. जर तुम्हाला रवा वापरायचा असेल तर तोही तुपात भाजून घ्या. भाजल्यानंतर बेसनाचा रंग बदलला त्यात मावा घाला. गॅस बंद करा आणि बेसन थोडं थंड होऊ द्या. दुसऱ्या भांड्यात साखर थोडे पाणी आणि वेलची पूड घालून एकतारी पाक तयार करा. पाक घट्ट झाल्यावर गॅस बंद करा. भाजलेले बेसन आणि साखरेचा पाक एकत्र करून चांगले मिसळा. तुपाचा हात लावलेल्या ट्रेमध्ये हे मिश्रण ओतून थोडं घट्टसर पसरवा. वरून सुकामेव्याचे काप पसरा. मिश्रण सेट होऊ द्या. सेट झाल्यावर चाकूने बर्फीचे चौकोनी किंवा आयताकृती तुकडे करा आणि सर्व्ह करा. (Top Marathi News)
______________________________________________________________________________________________________________________________________
मावा मिश्री लाडू
साहित्य
मावा – १.५ कप (३०० ग्रॅम), पनीर – ¾ कप (१५० ग्रॅम), खडीसाखर – १५० ग्रॅम, वेलचीपूड, पिस्त्याचे तुकडे – १ चमचा
कृती
एका पॅनमध्ये मावा घाला आणि तो चांगला परतून घ्या. मावा हाताने थोडा मॅश करा आणि पॅनमध्ये ठेवा आणि आच मध्यम ठेवा. मावा सतत ढवळत राहा आणि त्याचा रंग बदलेपर्यंत आणि तूप सुटेपर्यंत तळा. मावा तूप सुटेपर्यंत, त्यात किसलेले पनीर घाला आणि मिक्स करताना चांगले परतून घ्या. आता ते कोरडे होईपर्यंत परता, नंतर आच बंद करा आणि गरम पॅनमध्ये थोडे हलवा आणि एका भांड्यात काढा आणि थंड होऊ द्या. मावा पनीर थंड होईपर्यंत, १५० ग्रॅम खडीसाखर मिक्सरमध्ये फिरवून जरा बारीक करा. नंतर ते चाळणीतून गाळून घ्या, आता उरलेली खडबडीत पावडर पुन्हा बारीक करा आणि जाळून घ्या. सर्व साखरेची कँडी त्याच प्रकारे बारीक करा. मावा थंड झाल्यावर त्यात खडीसाखर मिसळा. अर्धा लहान चमचा वेलचीपूड घालून मिश्रण हाताने चांगले मिसळा. मिक्स केल्यानंतर थोडे हातात घ्या आणि लाडू बनवा. (Latest Marathi Headline)
______________________________________________________________________________________________________________________________________
नारळ बर्फी
साहित्य
एक वाटी- खवलेला ताजा नारळ, ३/४ वाटी- साखर, अर्धा वाटी- दूध किंवा कंडेन्स्ड मिल्क, एक चमचा- वेलची पावडर, एक चमचा- तूप, काजू/बदाम
कृती
सर्वात आधी एका मायक्रोवेव्ह-सेफ भांड्यात खवलेला नारळ किस, साखर, तूप आणि दूध मिक्स करा. भांडे मायक्रोवेव्हमध्ये ठेवा आणि दोन मिनिटे हाय पॉवरवर गरम करा. दर एक मिनिटाला काढून ढवळा. मिश्रण घट्ट होईपर्यंत दोन मिनिटे अंतराने गरम करा मिश्रण चिकट आणि एकजीव झाले की तयार आहे. आता वेलची पावडर घाला आणि नीट ढवळा. एका तूप लावलेल्या ट्रेमध्ये मिश्रण पसरवा. वर काजू/बदाम पेरा गार्निश करा आणि दहा मिनिटे थंड होऊ द्या. आता मिश्रण सेट झाल्यावर पाहिजे त्या आकारात बर्फी कापा. (Top Trending News)
______________________________________________________________________________________________________________________________________
========
Margshirsha : उद्या मार्गशीर्षातला शेवटचा गुरुवार जाणून घ्या व्रताचा उद्यापन विधी
========
काजू रबडी
साहित्य
फुल क्रीम दूध – एक लिटर, काजू – २०-२५ बारीक चिरलेले, साखर – चार टेबलस्पून, वेलची पूड – अर्धा टीस्पून, केसर धागे – ४ ते ५, गुलाबपाणी – एक टीस्पून, चिरलेले बदाम आणि पिस्ता
कृती
सर्वात आधी एका जाड बुडाच्या पॅनमध्ये दूध घाला आणि मध्यम आचेवर उकळी आणा. दूध उकळू लागल्यावर ते मंद आचेवर ठेवा आणि सतत ढवळत राहा जेणेकरून दूध तळाशी चिकटणार नाही. दूध अर्धे होईपर्यंत शिजवा. आता चिरलेले किंवा बारीक चिरलेले काजू घाला आणि चांगले मिसळा. ५-७ मिनिटे शिजवा जेणेकरून काजू थोडे मऊ होतील आणि दुधाची चव देखील घेतील. आता साखर घाला आणि ते विरघळेपर्यंत शिजवा. नंतर वेलची पूड, केशराचे धागे आणि गुलाबपाणी घाला. रबरी घट्ट झाल्यावर आणि सर्व साहित्य चांगले मिसळल्यावर, गॅस बंद करा. (Social News)
Latest Marathi News | News in Marathi | Live news Updates in Marathi on Trending Topics
