केसांच्या तेलकट मूळांमुळे होऊ शकते केसगळती, वाचा कारणे आणि उपाय

Hair fall due to oily scalp : आपल्या टाळूवर स्नेहग्रंथी (sebaceous glands) असतात, ज्या केसांच्या मुळाजवळ नैसर्गिक तेल म्हणजेच सेबम तयार करतात. हे तेल केसांना पोषण देण्यासाठी आवश्यक असते. मात्र, या ग्रंथी अतिप्रमाणात तेल निर्माण करू लागल्यास टाळू तेलकट होते, आणि त्यातून अनेक समस्यांचा उगम होतो — त्यात प्रमुख म्हणजे केसगळती.

1. तेलकटपणामुळे टाळूच्या छिद्रांवर परिणाम

अतिरिक्त तेलामुळे टाळूवरील त्वचेची छिद्रं (pores) बंद होतात. त्यामुळे केसांची मुळे ऑक्सिजन आणि पोषण मिळत नाही. परिणामी, केसांची वाढ खुंटते व हळूहळू केसगळती सुरू होते. याशिवाय, हे तेल धूळ, मृत त्वचा आणि घाम यांच्यासोबत मिसळल्यास एक चिकट थर तयार होतो, जो टाळूसाठी अपायकारक ठरतो.

2. बुरशी व जंतुसंसर्गाचा धोका

तेलकट टाळू हे बुरशी व बॅक्टेरिया वाढण्यासाठी अनुकूल वातावरण असते. त्यामुळे डँड्रफ, फंगल इन्फेक्शन आणि इतर त्वचाविकार होऊ शकतात. या विकारांमुळे टाळूवर खाज येणे, जळजळ, पांढऱ्या सुकलेल्या त्वचेचा थर यांसारखे त्रास होतात, ज्याचा थेट परिणाम केसगळतीवर होतो.

Hair fall due to oily scalp

3. अयोग्य केसांचे उत्पादन व सवयी

बरेच लोक तेलकट टाळूवरही वारंवार तेल लावतात, किंवा चुकीचे उत्पादने वापरतात, जे तेलाचे प्रमाण आणखी वाढवतात. तसेच, केस स्वच्छ न धुणे, ओलसर केस बांधणे, चुकीची डायट आणि झोपेचा अभाव यामुळेही टाळूवर अतिरिक्त तेल साचते, आणि केस गळण्याचा धोका वाढतो.(Latest Marathi News)

उपाय आणि काळजी

नियमित केस धुणे

तेलकट टाळू असलेल्या लोकांनी सप्ताहातून किमान 3 ते 4 वेळा सौम्य, सल्फेट-मुक्त शाम्पूने केस धुणे आवश्यक आहे. त्यामुळे टाळूवरील अतिरिक्त तेल, घाण आणि मृत त्वचा स्वच्छ होते.

योग्य आहार

आहारात झिंक, व्हिटॅमिन ए, बायोटीन आणि ओमेगा-3 फॅटी अ‍ॅसिड यांचा समावेश करावा. हे पोषणद्रव्यं केसांच्या मुळांना बळकटी देतात आणि स्नेहद्रव्यांची निर्मिती नियंत्रित करतात.(Hair fall due to oily scalp)

============

हे ही वाचा : 

Health Care : कॉस्मेटिकचा अत्याधिक वापर करताय? आधी हे वाचा

केसांना फाटे फुटण्याच्या समस्येवर 5 Home Made Hair Mask

============

केसांना स्पर्श कमी करणे

सतत केसांना हात लावणे, खाजवणे किंवा स्टायलिंग करणे टाळा. यामुळे तेलग्रंथी अधिक कार्यशील होतात.(Hair Care Tips)

घरगुती उपाय

• लिंबाचा रस किंवा एलोवेरा जेल टाळूला लावल्याने स्नेहद्रव्यांचे प्रमाण संतुलित होते.

• टी ट्री ऑइल किंवा नीम पानांचा रस बुरशीजन्य संसर्ग टाळतो.