दिवाळीला हिंदू धर्मात खूप महत्त्व आहे. दरवर्षी कार्तिक महिन्याच्या कृष्ण पक्षातील अमावस्येला दिवाळी येते. दिवाळीच्या संध्याकाळी देवी लक्ष्मी आणि भगवान गणेश यांची विशेष पूजा केली जाते. तिमिरातुनी तेजाकडे जाण्याचा अतिशय सुंदर संदेश देणारी दिवाळी आपल्या सगळ्यांच्याच आयुष्यातून नकारात्मकतेचा अंधार दूर सारत सकारात्मकतेचा प्रकाश आणते. सर्वात मोठा आणि महत्त्वाचा सण असलेल्या या दिवाळीची रौनक पाच दिवस चालते. मात्र मुख्य दिवस हा लक्ष्मीपूजनाचाच असतो. या दिवशी धनाची, संपत्तीची देवता असलेल्या लक्ष्मीची मनोभावे पूजा केली जाते आणि तिच्याकडे आर्थिक प्रगतीसाठी आशीर्वाद मागितला जातो. (Diwali)
लक्ष्मी पूजनाच्या दिवशी संध्याकाळी देवीची पूजा केली जाते. या पूजेदरम्यान देवीला प्रसन्न करण्यासाठी भक्त विविध उपाय करतात. देवीला आवडणाऱ्या वस्तू तिला अर्पण करतात. यात विविध प्रकारची फळे, वस्तू, फुलं आदींचा समावेश असतो. या दिवशी लक्ष्मीला कमळाचे फुल देखील वाहिले जाते. मात्र यासोबतच या दिवशी देवी लक्ष्मीला अजून एक फुल वाहिल्यास तुम्हाला नक्कीच त्याचा लाभ होईल. लक्ष्मी पूजनाच्या निमित्ताने जाणून घेऊया याच खास फुलाबद्दल. (Marathi News)
देवी लक्ष्मीला कमळासोबतच आवडणारे दुसरे फुल म्हणजे ‘पारिजातक’. हो पारिजातकाचे फुल देवी लक्ष्मीला खूप आवडते. या फुलाची देखील एक खास आख्ययिका देखील आहे. पारिजातकाच्या फुलांना स्वर्गदूत असेही म्हटले जाते. ही फुले देवी लक्ष्मीला अत्यंत प्रिय आहेत. लक्ष्मी पूजनाला पारिजातकाची फुलं देवी लक्ष्मीला अर्पण केल्यास घरात सुख-समृद्धी येते अशी मान्यता आहे. पारिजातकाची फुलं देवीला अर्पण केल्याने तिची कृपा होते आणि घरात सकारात्मक ऊर्जा येते. पैशांची कमतरता भासत नाही. संपत्तीत वाढ होऊ लागते. पारिजातकाच्या फुलांचे झाड जर अंगणात असेल तर लक्ष्मीचा वास त्यांच्या घरात असतो असे देखील म्हणतात. (Todays marathi Headline)
पौराणिक मान्यतेनुसार पारिजातकाचे झाड स्वर्गातून कृष्णाने पृथ्वीवर आणले असल्याचे सांगितले जाते. पारिजातकाच्या नाजूक आणि सुंदर फुलांचा सुगंध अतिशय आकर्षक असतो. खूप दूरपर्यंत या फुलांचा सुगंध दरवळतो. यामुळे घराबाहेर जर पारिजातकाचे झाड असेल तर त्याचा सुवास घरभर पसरतो आणि घरातील वातावरण प्रसन्न होते. ज्याच्या घरात पारिजातकाचे झाड आहे त्यांना कायमच पहाटे उठल्यानंतर अंगणात पारिजातकाच्या फुलांचा सडा पडलेला दिसतो. खाली पडलेली पांढरी आणि केशरी दांडा असलेली नाजूक फुले पाहून मन मोहित होते. जिथे हे झाड असते तिथे देवी लक्ष्मी सुद्धा वास करते. त्यामुळे पारिजातकाची फुलं आपल्या अंगणात पडल्यास त्या घरात लक्ष्मीची कृपा होते अशी मान्यता आहे. (Latest Marathi News)
पारिजातक कथा
श्रीकृष्णाने पारिजातकाचे झाड स्वर्गातून पृथ्वीवर आणले अशी पौराणिक मान्यता आहे. यावेळी कृष्ण हे झाड घेऊन येतात त्यांना पाहून रुक्मिणी आणि सत्यभामा दोघी आनंदी होतात. दोघींना वाटते हे झाड आपल्या अंगणी असावे. मात्र श्रीकृष्ण तर लीला करण्यात माहीर आहे हे आपण जाणतो. कृष्णाने ते झाड सत्यभामाच्या अंगणी अशा ठिकाणी लावले की पारिजातकाची फुले उमलल्यावर ती रुक्मिणीच्या अंगणी पडतील. यामुळेच पारिजातकाचा सडा दुसऱ्याच्या अंगणी ही म्हणच प्रचलित झाली. (Top Marathi Headline)
पारिजातकाची फुले देवी लक्ष्मीला तर प्रिय आहेतच मात्र यामुळे घरातील वास्तुदोष देखील दूर होतात असे मानले जाते. पौराणिक कथेनुसार समुद्रमंथनातून प्राजक्त वृक्षाचा उदय झाला. समुद्रमंथनातून माता लक्ष्मीही बाहेर आली आहे. इंद्राने स्वर्ग वाटिकेत प्राजक्ताचे वृक्ष लावले होते. हे झाड दीर्घायुष्य देते, असे मानले जाते. तसेच भरपूर संपत्ती आणि संपत्ती मिळते. घरामध्ये प्राजक्ताचे रोप लावल्याने मानसिक तणाव दूर राहतो आणि घरात सुख-समृद्धी राहते. वास्तुशास्त्रानुसार ही वनस्पती नकारात्मकता दूर करते. जिथे ही वनस्पती आहे तिथे सकारात्मक उर्जेचा संचार होतो. पारिजात फुलांच्या सुगंधाने मन शांत होते आणि मानसिक तणाव दूर होतो. (Top Trending News)
========
Diwali 2025: यंदा लक्ष्मीपूजन कधी? वाचा पूजा-विधीसह शुभ मुहूर्त
Diwali : दिवाळीत लक्ष्मीपूजनाला का आहे एवढे महत्व?
========
घराच्या उत्तर किंवा पूर्व दिशेला हरसिंगार किंवा प्राजक्ताचे रोप लावणे चांगले. यामुळे घरातील नकारात्मकता दूर होते. यासोबतच घरात सुख, शांती, समृद्धी येते. हे रोप घराच्या पश्चिम दिशेलाही लावता येवू शकते. घराच्या अंगणात प्राजक्ताचे रोप लावल्याने भरपूर संपत्ती मिळते आणि पापांपासून मुक्तीही मिळते. असे मानले जाते की घरामध्ये पारिजात रोप लावल्याने घरातील सदस्यांचे आरोग्य सुधारते आणि दीर्घायुष्याचे वरदानही मिळते. (Social News)
Latest Marathi News | News in Marathi | Live news Updates in Marathi on Trending Topics
