Bollywood Actors : बॉलिवूडमधील बहुतांश कलाकार कोणत्या ना कोणत्या कारणास्तव चर्चेत असतात. हे कलाकार आपल्या प्रोफेशनल आयुष्यासह खासगी आयुष्यामुळेही बहुतांशवेळा लाइमलाइटमध्ये येतात. पण बॉलिवूडमधील काही कलाकार आहेत जे राजघराण्यांचे जावई आहेत. असे कलाकार कोण आहेत हे तुम्हाला माहितेयत का?
कुणाल खेमू
बॉलिवूड इंडस्ट्रीमधील सर्वाधिक चर्चेत राहणाऱ्या अभिनेत्यांपैकी एक म्हणजे कुणाल खेमू. त्याला अभिनयातून फारशी प्रसिद्धी मिळाली नाही. पण त्याने पतोडी परिवारातील मुलगी सोहा अली खान हिच्या सोबत लग्नगाठ बांधली. दोघेही मुंबईत आलिशान आयुष्य जगतात.
आमिर खान
आमिर खान याने दुसरा विवाह तेलंगणामधील शाही परिवारातील मुलीशी केला आणि तो त्यांचा जावई झाला. त्याची पत्नी किरण राव ही तेलंगणातील वनपर्ती शाही परिवाराचा हिस्सा आहे. या दोघांना एक मुलगा देखील आहे. किरण राव आणि आमिर खान हे दोघे 2021 मध्ये एकमेकांपासून विभक्त झाले आहेत.
सत्यदीप मिश्रा
अभिनेत्याची पहिली पत्नी राज घराण्यातील होती. अदिती राव हैदरी ही शाही परिवारातील आहे. सत्यदीप मिश्रा आणि अदिती हे दोघे 2013 मध्ये एकमेकांपासून विभक्त झाले. सत्यदीपने आता डिझाइनर मसाबा गुप्ता हिच्यासोबत लग्न केले आहे.
भाग्यश्री
भाग्यश्री ही बॉलिवूडमधील सुंदर आणि टॅलेंटेड अभिनेत्रींपैकी एक आहे. तिने हिमालय दासानी यांच्यासोबत लग्न केले. भाग्यश्री पटवर्धन शाही परिवारातील आहे. खरंतर ती सांगली शाही परिवारातील आहे. हे कपल फार आलिशान आयुष्य जगतात. (Bollywood Actors)
विवेक ओबेरॉय
ऐश्वर्या राय हिच्यासोबतच्या अफेअरनंतर विवेक ओबेरॉयने कर्नाटकातील नेता जीवराज अल्वा यांची मुलगी प्रियंका हिच्यासोबत विवाह केला. खरंतर प्रियंका राजघराण्यातील नाही. पण राजकीय परिवारातील ती असून तिचा परिवार फार श्रीमंत आहे.
