Facelift Trend : नव्या पिढीचा ब्युटी ट्रेंड आजच्या युगात सोशल मीडियाने सौंदर्याचे मापदंड पूर्णपणे बदलून टाकले आहेत. परफेक्ट फेस, ग्लोइंग स्किन आणि एजलेस लुक मिळवण्यासाठी तरुणवर्ग आज विविध कॉस्मेटिक ट्रीटमेंटकडे झुकतो आहे. त्यातला एक प्रमुख ट्रेंड म्हणजे फेसलिफ्ट सर्जरी. पूर्वी ही सर्जरी ४० वर्षांवरील लोक घेत असत, पण आता २५-३० वर्षांच्या तरुणांमध्येही या ट्रेंडची लाट आली आहे. डॉक्टर सांगतात की सोशल मीडियावरील फिल्टर ब्यूटी आणि इन्फ्लुएंसर लुक मिळवण्याची स्पर्धा यामागे मोठं कारण आहे. (Facelift Trend)
फेसलिफ्ट म्हणजे काय आणि कसे होते? फेसलिफ्ट ही एक प्रकारची कॉस्मेटिक सर्जरी आहे ज्याद्वारे चेहऱ्यावरील सैल झालेली त्वचा, सुरकुत्या आणि फाइन लाइन्स काढून चेहऱ्याला तरुण लुक दिला जातो. या प्रक्रियेत त्वचेखालील ऊती (muscles) घट्ट केले जातात आणि अतिरिक्त त्वचा काढून टाकली जाते. काही लोक सर्जिकल फेसलिफ्ट करतात, तर काहीजण नॉन-सर्जिकल पद्धती जसे की थ्रेड लिफ्ट, फिलर किंवा बोटॉक्स इंजेक्शन वापरतात. हे परिणाम काही महिन्यांपासून ते काही वर्षांपर्यंत टिकतात. (Facelift Trend)
Facelift Trend
कमी वयात फेसलिफ्टची वाढती मागणी का? विशेषज्ञांच्या म्हणण्यानुसार, कमी वयात फेसलिफ्ट घेणाऱ्यांची संख्या मागील काही वर्षांत झपाट्याने वाढली आहे. यामागे सोशल मीडियाचा दबाव, इन्फ्लुएंसर कल्चर, करिअरमध्ये प्रेझेंटेबल दिसण्याची गरज ही मुख्य कारणं आहेत. आजचे तरुण कॅमेरा रेडी लुक कायम ठेवू इच्छितात. काहीजणांना त्वचेवरील बदल लवकर जाणवतात, तर काहीजण ‘एजिंग’ टाळण्यासाठी प्रतिबंधात्मक उपाय म्हणून सर्जरी करतात.
फायदे आणि धोके दोन्ही आहेत फेसलिफ्टने त्वचा ताजी आणि घट्ट दिसते, आत्मविश्वास वाढतो आणि तरुणपणाचा लुक परत मिळतो. मात्र डॉक्टर सांगतात की ही प्रक्रिया तज्ज्ञांच्या देखरेखीखालीच करावी. चुकीची सर्जरी झाल्यास स्किन इन्फेक्शन, नसांचे नुकसान, सूज, किंवा चेहऱ्याचा नैसर्गिक भाव हरवणे असे दुष्परिणाम होऊ शकतात. म्हणूनच सर्जरीपूर्वी अनुभवी सर्जनचा सल्ला घेणे आणि योग्य माहिती मिळवणे अत्यंत गरजेचे आहे. (Facelift Trend)
===================
हे देखिल वाचा :
Health : ‘हे’ सोपे उपाय करा आणि हिवाळ्यात ओठांना कोरडे होण्यापासून वाचवा
Skin Care : प्रायव्हेट पार्टवरील काळेपणा दूर करायचा…? मग करा ‘हे’ सोपे उपाय
======================
सौंदर्य नैसर्गिक पद्धतीने टिकवणेही महत्त्वाचे तज्ज्ञ सांगतात की तरुणवयात त्वचेची योग्य काळजी घेतल्यास फेसलिफ्टसारखी प्रक्रिया उशिरा करावी लागू शकते. नियमित झोप, पौष्टिक आहार, पुरेसे पाणी, सनस्क्रीनचा वापर आणि स्ट्रेस मॅनेजमेंट हे त्वचेचे आरोग्य टिकवून ठेवण्याचे सर्वोत्तम उपाय आहेत. फेसलिफ्ट ही फक्त एक कॉस्मेटिक मदत आहे, पण खरे सौंदर्य हे आरोग्यदायी आणि आत्मविश्वासपूर्ण चेहऱ्यात असते, हे लक्षात ठेवणे गरजेचे आहे.
Latest Marathi News | News in Marathi | Live news Updates in Marathi on Trending Topics
