Pushpa-2 Movie Update : वर्ष 2024 मधील प्रेक्षकांकडून वाट पाहिल्या जाणाऱ्या सिनेमांपैकी एक म्हणजे ‘पुष्पा-2 द रुल’. हा सिनेमा कधी प्रदर्शित होतोय अशी उत्सुकता प्रेक्षकांमध्ये होती. पण आता सिनेमा रिलीज होण्याची तारीख पुढे ढकलण्यात आल्याचे समोर आले आहे. आधी सिनेमा 15 ऑगस्टला प्रदर्शित होणार होता. पण अभिनेता अल्लू अर्जुनने सिनेमाचे एक पोस्टर शेअर करत अखेर प्रदर्शित होण्याची नवी तारीख जाहीर केली आहे.
पुष्पा-2 द रुल सिनेमा येत्या 6 डिसेंबरला प्रदर्शित होणार आहे. या संदर्भात निर्मात्यांसह अभिनेता अल्लू अर्जुनने देखील सोशल मीडियात पोस्ट शेअर केली आहे. याशिवाय सिनेमाच्या रिलीजची तारीख पुढे का ढकलत आहोत याचे स्पष्टीकरण देखील दिले आहे. (Pushpa-2 Movie Update)
View this post on Instagram
पुष्पा-2 सिनेमाची गेल्या दोन वर्षांपासून प्रेक्षकांकडून वाट पाहिली जात आहे. सिनेमाची प्रसिद्धी ऐवढी झालीय की, यामधील गाणी आणि टीझरने ऑर्गेनिक पद्धतीने 100 मिलियन व्हूजचा टप्पा पार केला आहे. मॅथ्री मूव्ही मेकर्स आणि सुकुमार राइटिंग्स यांनी मिळून पुष्पा-2 द रुल प्रोड्यूस केला आहे. तर मेस्ट्रो सुकुमार यांनी दिग्दर्शित केला आहे. या सिनेमाने आयकॉन स्टार अल्लू अर्जुन, रश्मिका मंदाना आणि वर्सेटाइल अभिनेता फहद फासिल मुख्य भूमिकेत दिसणार आहे.
