आपण जेवणासाठी वेगळी भांडी वापरतो. अशातच वेज आणि नॉन-वेजची भांडी ही वेगळीच ठेवतो. परंतु त्या भांड्यात जेवण बनवल्यानंतर ती स्वच्छ ठेवणे फार महत्वाचे असते. अशातच सध्या विविध प्रकारची भांडी जसे की, माती, पितळेची भांडी जेवण बनवण्यासाठी वापरली जातात. तसेच लाकडाच्या भांड्याचा वापर ही सहज केला जातो. परंतु काही वेळेस त्या भांड्यांवर खाण्याचे डाग राहतात. यामुळे ते खराब दिसतातच पण त्या भांड्यांमधून एक वेगळा वास ही येऊ लागतो.अशातच ते वापरल्यानंतर योग्य पद्धतीने स्वच्छ कसे करायचे हे काही जणांना समजत नाही. तसेच लाकडी भांडी स्वच्छ करणे थोडं अवघड असतेच. पण घरातील लाकडाची भांडी घरगुती उपायांनी कशी स्वच्छ कराल याच बद्दलच्या टीप्स पाहूयात. (Wooden utensils cleaning tips)
मीठाचा वापर
सर्वात प्रथम तुम्ही लाकडाची भांडी गरम साबणाच्या पाण्यात स्वच्छ धुवा. जेणेकरुन त्यावरील बॅक्टेरिया निघून जाईल. आता त्यावर पुरेशा प्रमाणात जाड नमक टाका आणि अर्धा कापलेला लिंबू घेत त्याने घासा. असे केल्यानंतर थंड पाण्याने ती स्वच्छ धुवा आणि सुकण्यासाठी ठेवा.
लिंबूचा रस
लिंबूचा वापर हा भांड्यांना आलेली दुर्गंधीसह डाग दूर करण्यास मदत करतो. तुम्हाला केवळ इतकेच करायचे आहे की, भांडी गरम पाण्यात बुडवून ठेवायची आहेत. त्यामध्ये लिंबूचा रस टाका. ५-१० मिनिटानंतर ती भांडी स्वच्छ धुवून घ्या.
बेकिंग सोडा
जर लिंबूचा रस काम करत नसेल तर बेकिंग सोड्याचा वापर करा. डाग लागलेल्या ठिकाणी बेकिंग सोडा वापरा आणि लिंबूचा रस ही वापरा. डाग लागलेली जागा स्वच्छ करण्यासाठी स्वच्छ कपड्याचा वापर करा आणि धुवा. असे केल्यानंतर उन्हात थोडावेळ सुकण्यासाठी ठेवा.
विनेगरचा वापर
लाकडाच्या भांड्यावर लागलेले डाग काढण्यासाठी तुम्ही विनेगरचा वापर करु शकता. विनेगरच्या पाण्यात तुम्ही घरातील तापमानानुसार भांडी रात्रभर भिजवून ठेवा. यामुळे जेथे तुमच्या भांड्याला डाग लागले आहेत ते निघून जातील. (Wooden utensils cleaning tips)
हे देखील वाचा- लहान मुलांना चांदीच्या भांड्यातून जेवण भरवल्याने होतात ‘हे’ फायदे
सँन्डपेपरचा वापर
वरील काही टीप्स तुम्हाला काम करत नाहीत असे वाटत असेल तर डाग काढण्यासाठी सँन्डपेपरचा वापर करा. सँन्डिंगमुळे वरचा थर निघून जातो आणि नव्यासारखे लाकूड दिसते. याचा वापर केल्यास कोणतेही शिल्लक राहिलेले डाग काढण्यास मदत होते. तसेच लाकडी भांड्यांना एक उत्तम प्रकारे गुळगुळीत फिनिशिंग देते.
