Joint Pains: हिवाळ्यात सांधेदुखीचा त्रास वाढलाय? वाचा कारणे आणि सोपे उपाय

Joint Pains: हिवाळा सुरु होताच अनेकांना सांधेदुखी, स्नायूंमध्ये ताण आणि कडकपणा जाणवू लागतो. तापमान कमी झाल्यावर शरीरात होणाऱ्या बदलांचा परिणाम थेट सांध्यांवर दिसून येतो.  गुडघे, खांदे, पाठ आणि कोपरांच्या सांध्यात हा त्रास अधिक जाणवतो. तज्ज्ञांच्या मते थंडीमुळे रक्तप्रवाह मंदावतो, स्नायू आकुंचन पावतात आणि शरीरातील फ्लुइड्सची हालचाल कमी होते. त्यामुळे हालचाल करताना वेदना जाणवणे किंवा सांधे “स्टिफ” होणे सामान्य आहे. मात्र काही घरगुती उपाय आणि योग्य दिनचर्येमुळे हा त्रास खूप कमी करता येऊ शकतो. (Joint Pains)

थंडी वाढली की सांधे का दुखतात? हिवाळ्यात शरीराचे तापमान नैसर्गिकरित्या कमी होत असल्याने रक्तवाहिन्या आकुंचन घेतात. यामुळे सांध्यांना जाणारा रक्तप्रवाह घटतो. परिणामी अर्टिक्युलेशन फ्लुइडची हालचाल मंदावते आणि सांधे कडक होतात. काही लोकांना थंडीमुळे “बारोमेट्रिक प्रेशर” कमी झाल्यावरही वेदना वाढतात. तसेच आर्थरायटिस, ऑस्टिओपोरोसिस किंवा जुन्या दुखापती असणाऱ्यांना तर थंडीत सांधेदुखी अधिक त्रासदायक ठरते. डॉक्टर सांगतात की शरीराची हालचाल कमी झाल्यास स्नायू गोठतात आणि सकाळी उठताना तर विशेष वेदना जाणवते. (Joint Pains)

Joint Pains

उबदारपणा देणारे घरगुती उपाय हिवाळ्यात सांधेदुखीपासून आराम मिळवण्यासाठी सर्वात पहिला उपाय म्हणजे शरीराला पुरेशी उबदारता देणे. गरम पाण्याने स्नान करणे, गरम पाण्याची बॉटल किंवा हॉट पॅकने सांध्यांना उब देणे फायदेशीर ठरते. हळद व आल्याचे दूध किंवा हर्बल चहा शरीरातील दाह कमी करून वेदना कमी करतो. सांध्यांवर गरम तेलाची नियमित मालिश (सारसों तेल, नारळ तेल किंवा तीळ तेल) केल्यास कडकपणा कमी होतो आणि रक्तप्रवाह सुधारतो. काही लोक मीठाच्या पाण्याने पाय ठेवून देखील वेदना कमी करतात, कारण यात स्नायूंचा ताण राहत नाही. (Joint Pains)

योगा आणि स्ट्रेचिंगने मिळतो जलद आराम हिवाळ्यात व्यायाम टाळणं हे सांधेदुखी वाढण्याचं सर्वात मोठं कारण आहे. हलक्या प्रकारचा योगा, स्ट्रेचिंग आणि वॉकिंग सांध्यांना सक्रिय ठेवतात. कॅट-काऊ स्ट्रेच, काय पेल्विक टिल्ट, लेग स्ट्रेच यांसारखे सोपे व्यायाम रक्तप्रवाह वाढवून कडक स्नायूंना सैल करतात. योग तज्ञ सांगतात की दररोज फक्त 20–25 मिनिटे अंग मोकळे करणारा व्यायाम केल्याने सांधेदुखी 40–50% पर्यंत कमी जाणवते. त्यामुळे थंडीमध्येही नियमित व्यायाम करणे अत्यंत आवश्यक आहे. (Joint Pains)

आहारात काय बदल करावेत? शरीरातील दाह कमी करणे हे सांधेदुखी कमी करण्याचा प्रभावी मार्ग आहे. म्हणून हिवाळ्यात आहारात ओमेगा-3 फॅटी अॅसिड, व्हिटॅमिन D, कॅल्शियम यांचा समावेश करावा. बदाम, अक्रोड, तिळाचे लाडू, मेथीचे लाडू, तूप, हळद, माशांचे सेवन सांध्यांसाठी खूप फायदेशीर आहे. दिवसा कोमट पाणी पिण्याची सवय लावल्यास शरीरातील टॉक्सिन्स बाहेर पडतात व इन्फ्लेमेशन कमी होते. जास्त थंड, तळलेले आणि जंक फूड टाळलेलेच बरे.

Latest Marathi News | News in Marathi |  Live news Updates in Marathi on Trending Topics