‘या’ राशींना येणार बढती बदलीचे योग

प्रत्येकजणला आपल्या जीवनात पुढे काय होणार आहे हे जाणून घेण्याची उत्सुकता असते. मग ते करिअरच्या बाबतीत असो, आरोग्याच्या बाबतीत असो, धन लाभाच्या बाबतीत असो की अगदी प्रेमाच्या बाबतीत… त्यामुळे हा आठवडा बारा राशींसाठी कसा असेल, कोणत्या राशींवर कुठल्या ग्रहांचा प्रभाव असेल हे जाणून घेऊयात…(Weekly Horoscope 27 Feb to 05 Mar)

मेष – आठवड्याच्या सुरुवातीलाच म्हणजेच 27 फेब्रुवारी रोजी बुध आपल्या कर्मस्थानातून लाभस्थानात प्रवेश करत आहे. रवी, शनिचे लाभस्थानातून तर व्ययस्थानातून गुरु, शुक्राचे भ्रमण होत आहे. स्वतंत्र व्यावसायिकांसाठी ग्रहमान अतिशय अनुकूल असल्यामुळे व्यावसायिक दृष्ट्या अनेक महत्त्वाचे निर्णय घेतले जातील. धनस्थानातून मंगळावरून होणारे चंद्राचे भ्रमण आपली आर्थिक बाजू भक्कम करणारे राहील. कामानिमित्त प्रवास घडतील. अनेक नवीन लोकांच्या ओळखीतून रेंगाळलेली कामे मार्गी लावता येतील. आठवड्याच्या उत्तरार्धात घरात धार्मिक शुभ समारंभाचे आयोजन केले जाईल. आप्तस्वकीयांच्या गाठीभेटीतून आनंद मिळेल. मौल्यवान वस्तूंची खरेदी होईल.

शुभ दिनांक – 3 ते 5

वृषभ – आठवड्याच्या सुरुवातीला आपल्याच राशीतून मंगळावरून चंद्राचे भ्रमण होत आहे. तर धनेश बुध आपल्या कर्म स्थानात प्रवेश करत आहे. तरुणांना नोकरीच्या चांगल्या संधी चालून येतील. सरकारी नोकरीच्या प्रयत्नात असणाऱ्या तरुणांना यश लाभेल. रेंगाळलेली सरकारी कामे मार्गी लागतील. नवीन जबाबदाऱ्या स्वीकाराल. बढती बदलीचे योग येतील. जुनी व्यावसायिक येणी वसूल होतील. मित्र परिवाराबरोबर वेळ मजेत घालवाल. करमणुकीच्या कार्यक्रमातून आनंद मिळेल. भावंडांचे सहकार्य लाभेल. अनुकूल ग्रहमानामुळे सकारात्मक ऊर्जा मिळाल्याने सतत कार्यरत राहाल.

शुभ दिनांक – 27,28

मिथुन – राशीस्वामी बुधाचे भाग्यस्थानातील रवी व शनिवरून होणारे भ्रमण आपणांसाठी शुभफलदायी ठरेल. व्ययस्थानातील मंगळावरून होणारे चंद्राचे भ्रमण मानसिक अस्वस्थता निर्माण करू शकते, तेव्हा महत्त्वाचे निर्णय स्थिर राहून घेतल्यास यश लाभेल. कोणत्याही कामात घाई करून चालणार नाही. मित्र परिवाराचे सहकार्य घेताना आपली मते ठाम ठेवावीत. कुसंगती टाळावी. आपल्या ध्येयपूर्तीसाठी सतत कार्यरत राहावे लागेल. आपल्या वाक्चातुऱ्याच्या जोरावर मोठी मजल माराल. आर्थिक दृष्ट्या सक्षम राहाल. उष्णतेचे विकार, नेत्र विकार यांचा त्रास होऊ शकतो.

शुभ दिनांक – 1, 2

कर्क – आठवड्याच्या सुरुवातीला आपल्या राशीच्या लाभस्थानातील दशमेश मंगळावरून चंद्राचे भ्रमण होत आहे. आपल्या कर्तृत्वाला चांगली झळाळी येईल. नोकरी व्यवसायातून नवीन जबाबदाऱ्या स्वीकाराल. आपण केलेल्या कामाचे वरिष्ठानकडून कौतुक होईल. भाग्यस्थानातील गुरु, शुक्र आपणास अनुकूल फळे देणारे राहतील. वैयक्तिक भाग्योदय होईल. धार्मिक स्थळांना भेटी द्याल. धार्मिक शुभ समारंभात सहभागी व्हाल. भाग्यस्थानातून होणाऱ्या शुक्रभ्रमणामुळे आपल्या अंगभूत कलागुणांना चांगला वाव मिळेल. सहलीचे बेत आखले जातील. उत्तरार्धात कुटुंबात आपल्या मतांचा आदर केला जाईल. बड्या मंडळींच्या सहवासामुळे महत्त्वाची कामे मार्गी लावण्यात यश येईल.

शुभ दिनांक – 3 ते 5

सिंह – दशमस्थानातून चंद्राचे भाग्येश मंगळावरून होणारे भ्रमण नोकरी व्यवसायाच्या दृष्टीने नवीन संधी देणारे राहील. तर राशीस्वामी रवीची सप्तमस्थानातून सप्तमेश शनि व धनेश बुधाबरोबर युतीी होत आहे. या आठवड्यात आपणास अनुकूल असे लाभलेले हे ग्रहमान आपला वैयक्तिक उत्कर्ष घडवणारे राहील. जोडीदाराच्या उत्कर्षाची वार्ता कानी येईल, तसेच भागीदारी व्यवसायातून नवीन कार्यारंभ होतील. स्थावर मालमत्तेच्या व्यवहारातून लाभ होतील. अनपेक्षित धनलाभाचे योग आहेत परंतु कोणत्याही प्रलोभनांना बळी पडू नका. मित्र परिवाराच्या सहकार्याने रेंगाळलेली कामे मार्गी लावण्यात यश लाभेल.

शुभ दिनांक – 27, 28.

कन्या – आठवड्याच्या सुरुवातीला आपल्या राशीच्या भाग्यस्थानातून चंद्राचे होणारे भ्रमण कौटुंबिक सुवार्ता देणारे राहील. राशीस्वामी बुध आपल्या षष्ठस्थानात प्रवेश करत असल्याने नोकरीच्या चांगल्या संधी चालून येतील. वरिष्ठांची मर्जी संपादन कराल. वडीलधाऱ्या व्यक्तींचे चांगले सहकार्य लाभेल. विवाहेच्छूक तरुणांचे विवाह जमतील. भागीदारी व्यवसायातून नवीन कार्यारंभ केले जातील.आपली इच्छापूर्ती होणाऱ्या घटना घडतील. सकारात्मक ऊर्जा लाभल्यामुळे नव्या कामाला हुरूप येईल. रेंगाळलेली सरकारी कामे मार्गी लावता येतील. राजकीय, सामाजिक क्षेत्रात नावलौकिक लाभेल.

शुभ दिनांक – 1 ते 3

तूळ – अष्टमस्थानातील सप्तमेश मंगळावरून चंद्राचे होणारे भ्रमण अनपेक्षित आर्थिक लाभ दर्शवते. सासुरवाडी करून लाभ होऊ शकतो. भागीदारी व्यवसायातून जुनी येणी वसूल होतील. प्रवास करताना मात्र वाहनाच्या वेगावर नियंत्रण ठेवावे. कोणत्याही प्रलोभनांना बळी पडू नये. भाजणे, कापणे तसेच उष्णताजन्य विकारापासून त्रास होऊ शकतो. प्रवासात आपले खिसा पाकीट सांभाळावे. तीर्थस्थळांना भेटी द्याल. उत्तरार्धात नोकरी व्यवसायाच्या दृष्टीने नवीन संधी चालून येतील. पंचमस्थानात येणारा व्ययेश बुध हा कामाचे स्वरूप सुकर करणारा राहील. संततीच्या उत्कर्षाची वार्ता कानी येईल.

शुभ दिनांक – 1, 2

वृश्चिक – आठवड्याच्या सुरुवातीला आपल्या राशीच्या सप्तमस्थानातील मंगळावरून चंद्राचे भ्रमण होत आहे. जोडीदाराचे चांगले सहकार्य लाभेल. आपली महत्त्वाची कामे मार्गी लावताना जोडीदाराचा सल्ला उपयोगी पडेल. आपल्या मतांचा आग्रह धरू नका कोणत्याही अंधश्रद्धांना बळी पडू नका. प्रवासात आपल्या मौल्यवान वस्तू सांभाळा. सुखस्थानात येणारा बुध कौटुंबिक वातावरण आनंदी ठेवणारा राहील. गृह उद्योगातून लाभ होतील. घरातील सुख सुविधा वाढवण्यासाठी खरेदी केली जाईल. आठवड्याच्या उत्तरार्धात प्रवास घडतील. धार्मिक स्थळांना भेटी द्याल. अध्यात्मिक प्रगती होईल. वैयक्तिक उत्कर्ष साधता येईल.

शुभ दिनांक – 3 ते 5

धनु – आपल्या राशीच्या षष्ठस्थानातील मंगळावरून चंद्राचे भ्रमण होत आहे. तर पराक्रमस्थानातील रवी शनी बुधाची युती होत आहे. सुखस्थानातून गुरु शुक्राचे भ्रमण होत आहे. असे ग्रहमान नोकरी व्यवसायाच्या दृष्टीने आपणास अतिशय अनुकूल फलदायी आहे. नवीन कार्यारंभ केले जातील. मातुल घराण्यातील भावंडांच्या गाठीभेटीतून आनंद मिळेल, त्यांचे सहकार्य लाभेल. विवाहेच्छूक तरुणांचे विवाह जमतील. भागीदारीत व्यवसाय करणाऱ्यांना नवीन संधी चालून येतील. उत्तरार्धात कोणत्याही प्रलोभनांना मात्र बळी पडू नका. महत्त्वाचे निर्णय घेताना दहा वेळा विचार करूनच निर्णय घ्यावेत. प्रवासात आपल्या मौल्यवान वस्तू सांभाळा.

शुभ दिनांक – 1, 2

मकर – आपल्या राशीच्या धनस्थानात बुधाचा प्रवेश होत आहे, तर पंचमस्थानातील मंगळावरून चंद्राचे भ्रमण होत आहे. आर्थिक दृष्टीने अनुकूल असा हा काळ राहील. जुनी येणी वसूल होतील. अनेकांना सहकार्य कराल. संततीच्या उत्कर्षाची वार्ता कानी येईल. धाडसी निर्णय घेतले जातील. आजवर रेंगाळलेली सरकारी कामे मार्गी लागतील. नोकरीत वरिष्ठांची मर्जी संपादन कराल. प्रकृतीच्या तक्रारी दूर होतील. उत्तरार्धात जोडीदाराचे चांगले सहकार्य लाभेल. नवीन कार्यारंभ कराल. व्यावसायिक उत्कर्ष होईल.

शुभ दिनांक – 3 ते 5

कुंभ – आठवड्याच्या सुरुवातीलाच आपल्या राशीत बुध प्रवेश करत आहे. राशीतील रवी, शनी आपल्या मेहनतीला योग्य न्याय देतील. आणि तेथे येणाऱ्या बुध आर्थिक दृष्ट्या उत्कर्ष करणारा राहील. सुखस्थानातून होणाऱ्या मंगल चंद्राच्या भ्रमणामुळे नवीन वाहन वस्तूचे योग येतील अथवा घरातील सुखसुविधा वाढवण्याच्या दृष्टीने इलेक्ट्रॉनिकच्या वस्तूंची खरेदीेली जाईल. उच्च शिक्षणासाठी परदेशी जाण्याचे प्रयत्न करत असणाऱ्या विद्यार्थ्यांना यश लाभेल. हातून संशोधन पर लिखाण होईल. लेखकांच्या हातून दर्जेदार लिखाण होईल. राशीतील रवीमुळे आरोग्याच्या तक्रारी दूर होतील. कुटुंबातील वडीलधाऱ्या व्यक्तींच्या प्रकृतीची काळजी वाटेल.

शुभ दिनांक – 28, 2

मीन – राशीतून गुरू, शुक्राचे तर पराक्रम स्थानातून मंगळ, चंद्राचे भ्रमण होत आहे. अनेक नवीन सुसंधी चालून येतील. उंची वस्त्रालंकारांची खरेदी कराल. भावंडांचे सहकार्य लाभेल. धाडसी निर्णय घेतले जातील. हाती घेतलेल्या प्रत्येक कामात यश लाभेल. कवी, कलाकारांना चाहत्यांकडून चांगली दाद मिळेल. आठवड्याच्या सुरुवातीला व्ययस्थानात येणारा बुध परदेशात व्यवसाय वृद्धिंगत करणारा राहील. समोर आलेल्या संधीचे सोने कराल. उत्तरार्धात घरात शुभसमारंभाचे आयोजन होईल. पाहुण्यांची वर्दळ राहील. संततीच्या प्रगतीची वार्ता कानी येईल. आपली इच्छापूर्ती होणाऱ्या घटना घडतील.

शुभ दिनांक – 3 ते 5

• श्री बालाजी ज्योतिषालय आणि वास्तू कन्सल्टन्सी, पुणे 

9011149780 / 8668293104

टीप : या लेखातील माहिती आणि मते ही सर्वस्वी लेखकाची आहेत. क फॅक्टस टीम याची पुष्टी करत नाही. तसेच लेखकाच्या मतांशी आम्ही सहमत असू असेही नाही.