लग्न हा प्रत्येकाच्याच आयुष्यातील अतिशय महत्त्वाचा आणि अविस्मरणीय दिवस असतो. मुलगा असो किंवा मुलगी दोघांनी देखील त्यांच्या या खास दिवसासाठी अनेक स्वप्न सजवलेले असतात. या लग्नानंतर सर्वांचेच आयुष्य पूर्णपणे बदलून जाते. त्यामुळे लग्नाला सर्वच देशांमध्ये, धर्मामध्ये, जातीमध्ये अनन्यसाधारण महत्त्व आहे. आता प्रत्येक जातीमध्ये, धर्मामध्ये लग्नाशी संबंधित अनेक वेगवेगळ्या प्रथा आणि पद्धती आपल्याला पाहायला मिळतात. काही परंपरा ऐकून आपल्याला राग येतो, हसू येते, आश्चर्य वाटते पण काहीही झाले तरी या गोष्टी पाळल्या जातात. मात्र या पद्धती केवळ भारतातच असतात असे नाही तर भारताबाहेरील अनेक देशांमध्ये देखील लग्नाशी संबंधित विविध प्रथा पाहायला मिळतात. यातलीच एक अतिशय अनोखी, विचित्र प्रथा आज आम्ही तुम्हाला सांगणार आहोत. (Wedding)
भारताचा शेजारी असलेल्या चीन या देशात देखील लग्नाच्या अनेक प्रकारच्या परंपरा पाहायला मिळतात. आता लग्न म्हटले की वधू आणि वर सर्वात सुंदर दिसत असतात. सगळ्यांचेच लग्न या दोघांकडे असते. त्यांचे कपडे, दागिने, मेकअप, हेयरस्टाइल साडी सर्वच गोष्टी अतिशय हटके आणि सुंदर असतात. मात्र चीनमध्ये असलेल्या प्रथेमध्ये तर याच वधूच्या सुंदरतेवर घाला घातला जातो. कसा ते जाणून घेऊया. चीनमधील एका जमातीमध्ये एक खास पद्धत पाळली जाते. या प्रथेमध्ये लग्नापूर्वी वधूचे चक्क दोन दात तोडले जातात. वधूचा मामाच वधूचे दोन दात तोडतो. हे ऐकून अनेकांना विचित्र वाटले असेल, हसायला आले असेल, राग आला असेल. मात्र या पद्धतीमध्ये एक खास कारण असल्याचे सांगितले जाते. (Marathi)
चीनमधील गेलाओ जमातीमध्ये एक विचित्र परंपरा आहे. गेलाओ लोक हा प्रामुख्याने चीन आणि व्हिएतनाम मध्ये राहणारा एक समूदाय आहे. या जमातीमध्ये लग्नाआधी वधूचे पुढचे दोन दात तोडले जातात. गेलाओ जमातीच्या मान्यतेनुसार, वधूचे दात तुटले नाहीत, परंपरेचे पालन करण्यात आले नाही तर नवराच्या कुटुंबावर अनिश्चित आणि भयंकर संकट येऊ शकते. यासाठी होणाऱ्या जोडीदारावर आणि आपल्या घरावर कोणताही काळ येऊ नये यामुळे वधूचे पुढचे दोन दात तोडले जातात. अशा वेळी दातांचे संरक्षण करण्यासाठी कुत्र्यांचे दात त्याजागी बसवले जातात. (Latest Marathi HEadline)
गेलाओ जमातीत ही परंपरा गेल्या अनेक दशकांपासून सुरु आहे. महिला २० वर्षाची झाली की तिच्या लग्नाची तयापी सुरु होते. यावेळी तिचे पुढेचे दोन दात काढले जातात. जमातीच्या मान्यतेनुसार, महिलेच्या या कृतीला शौर्याचे आणि समर्पणाचे प्रतीक मानले जाते. वधूचे दात पाडण्यासाठी एक खास विधी पार पाडला जातो. मद्य असलेले एक भांडे तयार ठेवले जाते. त्यानंतर वधूच्य मामाला आमंत्रित केले जाते. परंपरेनुसार मामा एक छोटा हातोडा घेऊन नवरीचे दोन दात पाडतो. मामा हयात नसेल तर वधूच्या कुटुंबातील व्यक्ती दात पाडण्याचे काम करते. दात तोडल्यानंतर नवरीच्या हिरड्यांवर एक विशेष औषध लावले जाते. त्यानंतर वधूच्या हिरड्यांना झालेली जखम लवकर भरून निघते. (Top Stories)
========
Bhojshala Saraswati Temple : सरस्वती मंदिराचे रहस्य
========
दरम्यान गेलाओ या जमातीचे लोकं बहुतांश दक्षिण चीनच्या गुइझोऊ प्रांताच पश्चिम भागात राहतो. हे लोक पारंपारिकपणे शेतीवर अवलंबून असतात. भाताची लागवड या जमातीच्या लोकांकडून डोंगराळ आणि कोरड्या भागात केली जाते. दरम्यान, या प्रथेला आज अनेक ठिकाणी विरोध होत आहे. त्यामुळेच ही प्रथा आज नष्ट झालेली आहे. सध्या कोणत्याही नवरीचे दात पाडले जात नाहीत. फक्त प्रतिकात्मक रुपाने आज ही प्रथा पाळली जाते. (Social News)
Latest Marathi News | News in Marathi | Live news Updates in Marathi on Trending Topics
