Success Story : सुपम माहेश्वरी हे भारतातील प्रसिद्ध ई-कॉमर्स ब्रँड FirstCry.com चे सह-संस्थापक आणि माजी CEO आहेत. आज FirstCry ही भारतातील सर्वात मोठी बेबी आणि किड्स प्रॉडक्ट ई-कॉमर्स कंपनी म्हणून ओळखली जाते. पण या यशामागे असलेली सुपम माहेश्वरी यांची संघर्षमय आणि प्रेरणादायी वाटचाल अनेकांसाठी प्रेरणास्त्रोत ठरते.
सुपम माहेश्वरी यांचे शिक्षण दिल्ली IIT मधून झाले असून त्यांनी पुढे IIM अहमदाबाद येथून व्यवस्थापनात पदवी घेतली. शिक्षणानंतर त्यांनी काही काळ कॉर्पोरेट क्षेत्रात काम केले. मात्र, त्यांचा खरा ओढा उद्योजकतेकडे होता. आधी त्यांनी Brainvisa Technologies नावाची एक एज्युकेशन टेक कंपनी सुरू केली होती, जी पुढे एका आंतरराष्ट्रीय कंपनीला विकली.
Success Story
फर्स्टक्रायची संकल्पना:
सुपम यांना लहान मुलांसाठी आवश्यक असलेल्या वस्तू खरेदी करताना आलेल्या अडचणीमुळे FirstCry सुरू करण्याची प्रेरणा मिळाली. एकदा त्यांच्या जवळच्या व्यक्तीने परदेशातून लहान बाळासाठी वस्तू आणल्या होत्या कारण भारतात त्या सहज उपलब्ध नव्हत्या. या अनुभवामुळे त्यांना जाणवले की भारतात बेबी प्रॉडक्ट्ससाठी एक चांगले, विश्वासार्ह व्यासपीठ असावे.
२०१० साली त्यांनी FirstCry.com ची सुरुवात पुण्यातून केली. सुरुवातीला फक्त ऑनलाइन विक्री असली तरी लवकरच त्यांनी हायब्रिड मॉडेल (ऑनलाइन + ऑफलाइन) स्वीकारले आणि छोट्या शहरांपर्यंत पोहोचण्यासाठी फ्रँचायझी रिटेल स्टोअर्स सुरू केले. आज भारतात FirstCry चे 400+ पेक्षा अधिक स्टोअर्स आहेत.
अडचणी आणि यश:
सुरुवातीच्या काळात भारतीय बाजारपेठ अजूनही ऑनलाइन शॉपिंगच्या दृष्टीने तयार नव्हती. ग्राहकांचा विश्वास मिळवणे, दर्जेदार उत्पादने पोहोचवणे, वेळेवर डिलिव्हरी देणे यासारख्या अनेक अडचणी होत्या. मात्र, सुपम यांच्या दूरदृष्टीमुळे FirstCry ने आपले वेगळेपण टिकवले. त्यांनी मोठमोठ्या ब्रँडसोबत भागीदारी केली आणि हळूहळू ग्राहकांचा विश्वास संपादन केला.
==========
हे ही वाचा :
Success Story : ‘मसाला ते लज्जतदार लोणच्यांपर्यंत’, वाचा पुण्यातील बेडेकर कुटुंबाची यशोगाथा
===========
Time Group च्या Brainbees Solutions अंतर्गत सुरू झालेल्या FirstCry ला Sequoia Capital, SoftBank Vision Fund, Mahindra ग्रुप अशा मोठ्या गुंतवणूकदारांचा पाठिंबा लाभला. २०२० मध्ये FirstCry युनिकॉर्न क्लबमध्ये सामील झाली, म्हणजेच तिची बाजारमूल्य 1 अब्ज डॉलर्सच्या पुढे गेली. FirstCry ने केवळ व्यवसायिक यश मिळवले नाही तर पालकत्वविषयी जागरूकता, बाळांच्या आरोग्याचे महत्त्व, शैक्षणिक खेळणी यासारख्या अनेक उपक्रमांद्वारे समाजात सकारात्मक बदल घडवण्याचा प्रयत्न केला आहे.
Latest Marathi News | News in Marathi | Live news Updates in Marathi on Trending Topics
