Success Story : आजच्या घडीला दात घासायचा विचार आला की बहुतेक लोकांच्या डोक्यात पहिलं नाव येतं ते म्हणजे कोलगेट. शहरी असो वा ग्रामीण भाग, कोलगेटने आपलं नाव प्रत्येक घरात पोहोचवलं आहे. पण हे यश एका दिवसात मिळालेलं नाही. त्यामागे आहे अनेक दशकांची मेहनत, विश्वास आणि गुणवत्ता टिकवून ठेवण्याची जिद्द.
कोलगेट या ब्रँडची सुरुवात झाली १८०६ साली अमेरिकेत, जेव्हा विल्यम कोलगेट नावाच्या उद्योजकाने साबण आणि मेणबत्त्या बनवण्याचा व्यवसाय सुरू केला. पुढे १८७३ साली त्यांनी पहिला टुथपावडर बाजारात आणला. तेव्हापासून ते आजपर्यंत कोलगेटने आपली ओळख जपली आणि सुधारणाही केली. सुरुवातीला टिनच्या डब्यात मिळणारा टुथपावडर आज ट्युबमधल्या टुथपेस्टमध्ये रुपांतरीत झाला आहे, आणि हे सर्व घडलं आहे ग्राहकांच्या गरजेनुसार.
Success Story
भारतात कोलगेटचा प्रवेश झाला १९३७ साली, आणि १९५७ पासून कोलगेट पामोलिव (इंडिया) लिमिटेड ही स्वतंत्र कंपनी म्हणून काम करू लागली. तेव्हापासून कोलगेटने ग्रामीण भागातही स्वतःचा प्रभाव टाकायला सुरुवात केली. गावांमध्ये होणारे “दातांचे आरोग्य शिबीर”, “स्कूल हेल्थ प्रोग्रॅम”, आणि रेडिओवरून होणाऱ्या जाहिरातींनी ब्रँडला लोकांच्या मनात जागा मिळवून दिली.
कोलगेटने कायम आपल्या उत्पादनामध्ये दर्जा आणि नविन तंत्रज्ञान यांचा समतोल ठेवला. विविध प्रकारच्या पेस्ट – जसं की कोलगेट हर्बल, कोलगेट अ‍ॅक्टिव्ह सॉल्ट, कोलगेट व्हाइटनिंग, आणि लहान मुलांसाठी खास तयार केलेल्या पेस्ट – यामुळं ग्राहकांची विविध गरज पूर्ण करण्याचा प्रयत्न केला. लोकांनी केवळ पेस्ट नव्हे, तर ब्रँडवर विश्वास ठेवला.(Success Story)
===========
हे देखील वाचा :
सुपम माहेश्वरी यांनी असा उभारला FirstCry चा व्यवसाय, वाचा Success Story
Success Story : ‘मसाला ते लज्जतदार लोणच्यांपर्यंत’, वाचा पुण्यातील बेडेकर कुटुंबाची यशोगाथा
===========
आज कोलगेट भारतातील सर्वात जास्त वापरली जाणारी टुथपेस्ट आहे. गावोगावी, अगदी किराणा दुकानापासून ते सुपरमार्केटपर्यंत कोलगेट सहज मिळते. लोकांना त्यांच्या दातांच्या आरोग्यासाठी कोलगेट हाच पहिला पर्याय वाटतो, याचं कारण म्हणजे त्याने वेळोवेळी दिलेली गुणवत्ता आणि जनतेशी ठेवलेला संबंध. कोलगेटची यशोगाथा हे एक उत्तम उदाहरण आहे की, योग्य वेळ, योग्य गुणवत्ता आणि लोकांच्या गरजा ओळखून कोणताही ब्रँड आंतरराष्ट्रीय पातळीवर यशस्वी होऊ शकतो.
Latest Marathi News | News in Marathi | Live news Updates in Marathi on Trending Topics
