सध्या संपूर्ण वातावरण शिवमय झाल्याचे दिसून येत आहे. प्रत्येक व्यक्ती, प्रत्येक घर आपले आराध्य शिवाच्या भक्तीत तल्लीन झाले आहे. श्रावण महिना म्हणजे शिव पूजेसाठी अतिशय चांगला आणि महत्वाचा समजला जातो. सृष्टीचे संहारक असलेले भगवान शिव चतुर्मासात भगवान विष्णूंच्या निद्राधीन झाल्यानंतर याच सृष्टीचे पालकत्व घेतात आणि तिचा सांभाळ करतात. भगवान शिवाची महती खूपच मोठी आणि अतुलनीय आहे. आजवर आपण कायम भगवान विष्णूंच्या विविध अवतारांबद्दल ऐकत असतो, वाचत असतो, पाहात असतो. मात्र महादेवांनी देखील विविध अवतार घेत आपले कर्तव्य पार पाडले आहे. (Marathi News)
महादेवाने देखील काळानुसार अनेक अवतार घेतले. त्यांच्या काही अवतारांना कालभैरव तर काही अवतारांना बीजपत्र असे म्हणतात. आपल्या धार्मिक पुराणांनुसार भगवान शंकराचे एकूण १९ अवतार झाले आहेत. भगवान शिव हिंदू धर्मातील सर्वात महत्त्वाच्या देवतांपैकी एक आहेत. शिवपुराणानुसार भगवान शंकराचे एकूण १९ अवतार आहेत, तर कूर्म पुराणात त्यांचे २८ अवतार सांगितले आहेत. शिवपुराणात भगवान शिवाच्या विविध अवतारांच्या कथा सांगितल्या आहेत. आज आपण शिवाच्या काही अवतारांबद्दल जाणून घेणार आहोत. (Todays Marathi Headline)
वीरभद्र अवतार
जेव्हा माता सतीने दक्षाच्या यज्ञकुंडात आपले शरीर दान केले तेव्हा भगवान शिवाने वीरभद्राचा अवतार घेतला. भगवान शिवाच्या या अवताराने राजा दक्षाचा यज्ञ नष्ट केला आणि त्याचा शिरच्छेद करून त्याला मृत्युदंड दिला.
भैरव अवतार
शिव महापुराणानुसार, भैरव अवताराचे वर्णन देवाधिदेव महादेव शिवाचे पूर्ण रूप आहे. त्यांचे सर्वात प्रसिद्ध मंदिर काशी येथे आहे.
अश्वत्थामा अवतार
महाकाव्य महाभारतात असे सांगितले आहे की गुरु द्रोणांचा पुत्र अश्वत्थामा हा काल, क्रोध, यम आणि भगवान शिव यांचा अवतार होता. महाभारत काळातील तो शूर योद्धा आजही जिवंत असल्याचे मानले जाते. अश्वत्थामाला सात चिरंजीवींपैकी एक चिरंजीवी म्हणून देखील ओळखले जाते. (Marathi Latest Headline)
शरभ अवतार
हिंदू पुराणानुसार, या अवतारातील भगवान शिवाचे रूप अर्धे हरणाचे आणि उरलेले रूप शरभ पक्ष्याचे होते. पुराणात असे म्हटले आहे की, शरभ पक्षी ८ पायांचा प्राणी होता आणि सिंहापेक्षा अधिक शक्तिशाली होता. असे मानले जाते की भगवान शिवाने हा अवतार घेण्याचे कारण भगवान विष्णूच्या नरसिंह अवताराचा राग शांत करण्यासाठी होता. (Marathi Latest News)
ऋषी दुर्वासा
ऋषी दुर्वासा हे भगवान शिवाच्या पहिल्या अवतारांपैकी एक मानले जातात. दुर्वासा ऋषी आपल्या रागावरून जगभर प्रसिद्ध होते. असे मानले जाते की ऋषी दुर्वास ज्याच्यावर कोपत असत, त्यांचे नेहमी कल्याण होते.
हनुमान अवतार
हनुमान हा भगवान शिवाचा रुद्र अवतार आणि सर्व अवतारांमध्ये श्रेष्ठ मानला जातो. भगवान शिव या अवतारात वानराच्या रूपात जन्माला आले आणि त्यांनी आपले संपूर्ण आयुष्य रामाच्या भक्तीमध्ये व्यतीत केले. असे मानले जाते की, हनुमान देखील सात चिरंजीवांपैकी एक असून आजही ते या पृथ्वीवर असल्याचे म्हटले जाते. (Marathi Top News)
वृषभ अवतार
वृषभ अवतार हा भगवान शिवाच्या विशेष परिस्थितीत घेतलेल्या अवतारांपैकी एक आहे, हिंदू पुराणानुसार, या अवतारात भगवान शिवाने भगवान विष्णूच्या अहंकारी पुत्रांचा वध केला. (Marathi Trending News)
कृष्ण अवतार
या अवतारात भगवान शिवाने पृथ्वीवरील यज्ञासारख्या धार्मिक कार्याचे महत्त्व सांगितले. भगवान शिवाचा हा अवतार पूर्णपणे धर्माचे प्रतीक मानला जातो.
अवधूत अवतार
जेव्हा देवतांचा राजा इंद्राचा अहंकार खूप वाढला होता, तेव्हा भगवान शिवाने अवधूत अवतार घेऊन स्वर्गपती देवराज इंद्राचा अहंकार मोडला.
सुरेश्वर अवतार
या अवतारात, भगवान शिव, लहान मुलाच्या उपमन्यूच्या भक्तीवर प्रसन्न होऊन, त्याला आपला परम भक्त आणि परम अमर होण्याचे वरदान दिले.
पिप्पलाद अवतार
भगवान शिवाच्या पिप्पलाद अवताराचे मानवी जीवनात खूप महत्त्व आहे. पिप्पलादच्या कृपेनेच शनीच्या दुःखाचे निवारण शक्य झाले. याबद्दलची एक आख्यायिका आहे की, पिप्पलादांनी देवांना विचारले – माझे वडील दधीची मला जन्मापूर्वी सोडून गेल्याचे कारण काय आहे? शनीच्या दर्शनामुळेच असे दुर्दैव निर्माण झाल्याचे देवतांनी सांगितले. हे ऐकून पिप्पलादला खूप राग आला. त्याने शनीला नक्षत्रातून पडण्याचा शाप दिला. शापाच्या प्रभावामुळे त्याच वेळी शनि आकाशातून पडू लागले. देवतांच्या विनंतीवरून, पिप्पलादने शनीला माफ केले शिव महापुराणानुसार, स्वतः ब्रह्मदेवानेच शिवाच्या या अवताराचे नाव ठेवले. (Top Trending News)
========
हे देखील वाचा :
Nagpanchami : नागपंचमीच्या दिवशी ‘हे’ उपाय करा आणि कालसर्प दोषापासून मुक्ती मिळवा
Shravan : श्रावणातल्या रविवारी करा आदित्यराणूबाईचे व्रत
=========
गृहपती अवतार
भगवान शंकराचा सातवा अवतार म्हणजे गृहपती. नर्मदेच्या तीरावर धरमपूर नावाचे नगर होते. तेथे विश्वनर ऋषी आणि त्याची पत्नी शुचिष्मती राहत होते. शुचिष्मती दीर्घकाळ निपुत्रिक होती. तिची आपल्या पतीपासून शिवासारखा पुत्र मिळावा अशी इच्छा होती. मुनी विश्वनर आपल्या पत्नीची इच्छा पूर्ण करण्यासाठी काशीला आले. येथे त्यांनी कठोर तपश्चर्या करून भगवान शिवाच्या वीरेश लिंगाची पूजा केली. एके दिवशी ऋषींना वीरेश लिंगाच्या मध्यभागी त्यांना एक बालक दिसले. ऋषींनी शिवाची बालरूपात पूजा केली. त्यांच्या उपासनेने प्रसन्न होऊन भगवान शंकरांनी त्यांना शुचिष्मतीच्या गर्भातून अवतार घेण्याचे वरदान दिले. नंतर शुचिष्मती गर्भवती झाली आणि शुचिष्मतीच्या गर्भातून भगवान शंकर पुत्राच्या रूपात प्रकट झाले. असे म्हणतात की पितामह ब्रह्मदेवाने त्या बालकाचे नाव गृहपती ठेवले होते. (Top Stories)
याशिवाय भगवान शंकरांनी भिक्षुवर्य अवतार, सुरेश अवतारा, किरात अवतार, सुन्तान्तरका अवतार, ब्रह्मचारी अवतार, यक्ष अवतार, मल्हार मार्तंड अवतार, ज्योतिबा अवतार, मंगेशी अवतार, रवळनाथ अवतार, म्हस्कोबा अवतार आदी अवतार घेतले आहेत. (Social Updates)
Latest Marathi News | News in Marathi | Live news Updates in Marathi on Trending Topics
