Skin Care Tips : लग्नाचा दिवस प्रत्येक मुलीसाठी खास असतो. यावेळी प्रत्येकाल सुंदर दिसावे असे वाटते. लग्नसोहळ्यावेळी त्वचा हेल्दी आणि सुंदर दिसण्यासाठी मुली लग्नाआधीच ब्युटी ट्रिटमेंट करण्यास सुरुवात करतात. यावेळी काही गोष्टींची काळजी घेणे अत्यावश्यक असते. अशातच तुम्ही लग्न करणार असल्यास अत्याधिक त्वचेची काळजी घेणे अत्यावश्यक आहे.
वारंवार एक्सफोलिट करू नका
चेहऱ्यावरील त्वचा स्क्रबच्या माध्यमातून एक्सफोलिएट केली जाते. जेणेकरुन त्वचेवरील डेड स्किन किंवा धूळ माती निघून जाईल. पण अत्याधिक स्क्रबिंगच्या माध्यमातून त्वचेला नुकसान पोहोचू शकते. यामुळे चेहऱ्यावर रॅशेज, इचिंग आणि ड्रायनेसची समस्या उद्भवू शकते. यावेळी अशा स्क्रबची निवड करा जो तुमच्या त्वचेला सूट होईल.
फेशिअल आणि वॅक्सिंग करणे
लग्नाआधी सातत्याने फेशिअल आणि वॅक्सिंग करण्याचा विचार करत असाल तर ही चूक करू नका. बहुतांशजणांना वॅक्सिंग केल्यानंतर रॅशेज, स्किन इरिटेशन सारखी समस्या उद्भवू शकते. ही समस्या ठिक होण्यासाठी काही वेळ लागू शकतो. खासकरुन सेंसिटिव्ह स्किन असणाऱ्यांनी त्वचेची खास काळजी घ्यावी.
ब्लीच करणार असाल तर काळजी घ्या
लग्नाआधी एक किंवा दोन दिवस आधी ब्लीच करणे टाळा. अन्यथा त्वचेला नुकसान पोहोचू शकते. यावेळी खास गोष्ट लक्षात ठेवा की, ब्लीच केल्यानंतर चेहऱ्यावर हळदीचा वापर करून नये. यामुळे त्वचेवर रिअॅक्शन होऊ शकते.
डीआयव्हाय हॅक्स वापरू नका
लग्नाआधी त्वचा अधिक सुंदर दिसण्यासाठी डीआयव्ह हॅक्स वापरू नका. याशिवाय नवे ब्युटी प्रोडक्ट्सही त्वचेवर वापरू नका. असे करणार असल्यास आधी पॅच टेस्ट जरुर करा. जेणेकरुन अॅलर्जीबद्दल कळेल. (Skin Care Tips)
लहान-लहान गोष्टींची काळजी घ्या
चेहरा चमकदार दिसण्यासाठी भरपूर पाणी प्या. दररोज सात ते आठ तासांची पुरेशी झोप घ्या. झोप पूर्ण न झाल्यास डोळ्यांखाली डार्क सर्कल येऊ शकतात. याव्यतिरिक्त डाएटमध्ये अधिक तेलकट पदार्थांचे सेवन करणे टाळा. अन्यथा चेहऱ्यावर पिंपल्सची समस्या उद्भवू शकते.