Silver Benefits : चांदीला भारतीय संस्कृतीत नेहमीच विशेष स्थान आहे. दागिने, वापराची भांडी किंवा धार्मिक विधी—सिल्वरचा वापर प्राचीन काळापासून होत आला आहे. अनेक लोक चांदीला केवळ शोभेची वस्तू समजतात, परंतु तज्ज्ञ सांगतात की चांदीमध्ये असलेले गुणधर्म आरोग्यासाठी अतिशय फायदेशीर असतात. तिच्यातील नैसर्गिक *अँटी-बॅक्टेरियल, अँटी-व्हायरल आणि थंडाव्याचे* गुण शरीरावर सकारात्मक प्रभाव टाकतात. म्हणूनच जुने लोक म्हणायचे—“चांदी आरोग्याचे रक्षण करते”. जाणून घ्या चांदीचे असे कोणते फायदे आहेत ज्यामुळे ती सोण्यापेक्षा अधिक उपयुक्त ठरते. (Silver Benefits)
चांदीचे नैसर्गिक अँटी-बॅक्टेरियल गुण संसर्गापासून संरक्षण चांदीमध्ये नैसर्गिक अँटी-बॅक्टेरियल आणि अँटी-व्हायरल गुणधर्म असतात. त्यामुळे प्राचीन काळी नवजात बाळांना चांदीचा चमचा, पेला किंवा पायल घातले जात. चांदी शरीराला हानिकारक जीवाणूंपासून संरक्षण देते आणि त्वचेवरील संक्रमण कमी करते. सिल्वर आयन्स जंतूंना वाढू देत नाहीत, म्हणून अनेक हॉस्पिटल्समध्ये आजही सिल्वर-कोटेड बँडेज किंवा उपकरणे वापरली जातात. शरीराची इम्युनिटी कमजोर असेल तर चांदीचे दागिने वापरणे फायदेशीर ठरते असे आयुर्वेदातही नमूद आहे.(Silver Benefits)
शरीराला थंडावा देणारा धातू चांदी हा ‘कूलिंग मेटल’ म्हणून ओळखला जातो. शरीरातील उष्णता वाढलेली असेल, पित्त वाढत असेल किंवा वारंवार डोकेदुखी-गरमी जाणवत असेल तर चांदीचे दागिने शरीराचे तापमान संतुलित ठेवण्यास मदत करतात. उन्हाळ्यात चांदीची पैंजण, ब्रेसलेट किंवा रिंग घातल्यास heat regulation नैसर्गिक पद्धतीने होते. म्हणूनच पायात चांदीची पैंजण घातल्याने उष्णता खाली खेचली जाते आणि शरीराला दिलासा मिळतो.
रक्ताभिसरण सुधारते आणि ऊर्जा वाढते चांदीचा संपर्क शरीरातील ऊर्जा प्रवाहावर प्रभाव टाकतो असे आयुर्वेदिक ग्रंथ सांगतात. चांदी घातल्याने रक्ताभिसरण सुधारते, विशेषतः पायातील पैंजण गुडघे व पोटरीपर्यंत रक्तपुरवठा सुरळीत ठेवण्यासाठी फायदेशीर ठरते. अनेक महिलांना चांदी घातल्यावर थकवा कमी होतो, पाय सुजणे कमी होते आणि शरीरात हलकेपणा जाणवतो असे अनुभव आलेले आहेत. आधुनिक संशोधनातही सिल्वर आयन्स शरीरातील इलेक्ट्रिक सिग्नल्स regulate करण्यात मदत करतात असे आढळून आले आहे. (Silver Benefits)
त्वचेसाठी लाभदायी त्वचेची सूज व जळजळ कमी होते चांदीचे दागिने किंवा चांदीचा स्पर्श त्वचेवरील inflammation कमी करण्यास मदत करतो. पिंपल्स, लालसरपणा, खाज किंवा त्वचेची अ‍ॅलर्जी यावर सिल्वरचे गुण उपयुक्त ठरतात. म्हणूनच काही स्किनकेअर ब्रँड्स सिल्वर-इन्फ्यूज्ड जेल किंवा क्रीम बाजारात आणत आहेत. शिवाय, चांदीच्या भांड्यात पाणी पिणे त्वचेवर नैसर्गिक ग्लो आणण्यास मदत करत असल्याचे आयुर्वेदात सांगितले आहे.
===================
हे देखिल वाचा :
Skin Care : स्किनकेअर रूटीन करूनही मिळत नाही रिजल्ट? या चुका ठरतायत मोठी कारणं!
Stretch Marks : स्ट्रेच मार्क्स म्हणजे काय? कारणे, बचावाचे उपाय आणि ट्रीटमेंट पर्याय
==================
मानसिक शांतता आणि झोपेची गुणवत्ता सुधारते चांदी मनाला शांत ठेवण्याचे काम करते. तिच्यातील ‘कूलिंग इफेक्ट’ ताण कमी करण्यात आणि मानसिक स्थिरता राखण्यात मदत करतो. अनेकांना निद्रा लागत नाही किंवा मन अस्वस्थ राहते, अशांसाठी चांदीची चेन किंवा अंगठी वापरणे फायदेशीर मानले जाते. सकारात्मक ऊर्जा वाढवण्यासाठीही चांदी उपयुक्त मानली जाते, म्हणून अनेक जण चांदीचे धार्मिक दागिने किंवा ताबीज धारण करतात. (Silver Benefits)
Latest Marathi News | News in Marathi | Live news Updates in Marathi on Trending Topics
