भारताच्या इतिहासात 25 जून हा दिवस सोनेरी अक्षरांनी लिहिला जाणार आहे. बरोबर 41 वर्षांनी कॅप्टन शुभांशू शुक्ला हे आंतरराष्ट्रीय अंतराळ स्थानकात प्रवास करणारे पहिले अंतराळवीर झाले आहेत. 1984 मध्ये तत्कालीन सोव्हिएत युनियनच्या सॅल्युट-7 अंतराळ स्थानकाचा भाग म्हणून राकेश शर्मा यांनी कक्षेत आठ दिवस वास्तव्य केले होते. त्यानंतर शुभांशू शुक्ला यांच्या रुपानं आता भारताला यश मिळालं आहे. अ‍ॅक्सिओम स्पेसच्या व्यावसायिक मोहिमेवर अन्य तीन अंतराळवीरांसह शुभांशू शुक्ला यांनी उड्डान केले तेव्हा त्यांच्यासोबत करोडो भारतीयांच्या शुभेच्छा होत्या. (Shubanshu Shukla)
29 मे पासून सहा वेळा प्रक्षेपण पुढे ढकलण्यात आल्यानंतर, अ‍ॅक्सिओम-4 मोहिमेने अखेर भारतीय वेळेनुसार दुपारी 12.1 वाजता फ्लोरिडा येथील केनेडी स्पेस सेंटर येथून आयएसएससाठी उड्डाण केले. अंतराळ उड्डाणानंतर 10 मिनिटांनी शुभांशू शुक्ला ड्रॅगन स्पेसक्राफ्टमधून भारतीयांसाठी संदेशही पाठवला आहे. हा एक अद्भुत प्रवास होता. माझ्या खांद्यावर माझा तिरंगा आहे, जो मला सांगतो की मी तुम्हा सर्वांसोबत आहे. चला, आपण सर्वजण मिळून भारताचा मानवी अंतराळ कार्यक्रम सुरू करूया. या त्यांच्या संदेशामधूनच कॅप्टन शुभांशू आंतरराष्ट्रीय अंतराळ स्थानकात काय संशोधन करणार हे स्पष्ट झाले आहे. शुभांशू तिथे तब्बल 60 हून अधिक प्रयोग करणार आहेत. अवकाशातील पर्यावरणाचा मानवी शरीरावर होणारा परिणाम, अवकाशातील शेती आणि भारतीय आंतरराष्ट्रीय अंतराळ स्थानक स्थापन करण्याबाबतही ते संशोधन करणार आहेत. (Latest News)
अमेरिकन व्यावसायिक अंतराळ कंपनी अ‍ॅक्सिओमने आंतरराष्ट्रीय अंतराळ स्थानकात, अ‍ॅक्सिओम-4 मिशन लाँच केले आहे. भारताचे कॅप्टन शुभांशू शुक्ला हे या मोहिमेत पायलट म्हणून कामगिरी करत आहेत. केप कॅनावेरल येथून प्रक्षेपण केल्यानंतर, फाल्कन 9 रॉकेट अंतराळात पोहचणार आहे. मग ड्रॅगन कॅप्सूलपासून वेगळे होईल आणि कॅप्सूल त्याच्या गतीचा वापर करून आंतरराष्ट्रीय अंतराळ स्थानकात पोहचणार आहे. ड्रॅगन कॅप्सूल प्रक्षेपणानंतर सुमारे 28 तासांनी म्हणजेच 26 जून रोजी आयएसएसवर दाखल होणार आहे. अ‍ॅक्सिओम कंपनीने 2030 पर्यंत आपले अंतराळ स्थानक प्रक्षेपित करण्याचे उद्दिष्ट ठेवले आहे. अ‍ॅक्सिओमने यापूर्वी तीन मोहिमांद्वारे वेगवेगळ्या देशांतील प्रवाशांना अंतराळात पाठवले आहे. अ‍ॅक्सिओम-4 मिशन हे अ‍ॅक्सिओम कंपनीचे चौथे मानवयुक्त मिशन आहे. नासा आणि स्पेसएक्सच्या मदतीने हे मिशन होत आहे. यात आयएसएसवर 60 हून अधिक प्रयोग अंतराळवीर करणार आहेत. या प्रयोगांद्वारे, अवकाशातील पर्यावरणाचा मानवी शरीरावर होणारा परिणाम, अवकाशातील शेती यावरही संशोधन करणार आहे. (Shubanshu Shukla)
शिवाय मधुमेहाच्या औषधांत अंतराळात काय परिणाम होतो, यावरही संशोधन होणार आहे. भविष्यात मधुमेह असलेला अंतराळवीर आयएसएसवर पाठवणे सुरक्षित आहे का, हे यातून तपासले जाणार आहे. शुभांशू हे या मोहिमेत त्यांच्यासोबत सहा प्रकारची पिके घेऊन गेले आहेक. या 14 दिवसांच्या मोहिमेत ते सूक्ष्म गुरुत्वाकर्षणात या बियांच्या वाढीबद्दल महत्त्वाची माहिती जमा करणार आहेत. यातून भविष्यातील अवकाशात शेतीसाठी पर्याय शोधण्यात येत आहे. याशिवाय शुभांशू लहान जिवाणूंवर प्रयोग करणार आहेत. याद्वारे, अंतराळातील धोकादायक वातावरणात कोणते जीवाणू सुरक्षित राहू शकतात हे जाणून घेण्याचा प्रयत्न केला जाईल. सोबतच शून्य गुरुत्वाकर्षणात मानवी शरीरातील मांस कसे कमी होते आणि ते कसे हाताळता येईल हे समजून घेण्याचा प्रयत्न केला जाईल. (Latest News)
अंतराळवीर, दीर्घकाळाच्या मोहिमांनंतर स्नायूंच्या शोषाची तक्रार करतात. त्यावर शुभांशू संशोधन करणार आहेत. यासोबतच शुभांशू सूक्ष्म गुरुत्वाकर्षणाचा डोळ्यांवर होणाऱ्या परिणामांवरही अभ्यास करणार आहेत. या सर्वात शुभांशू अंतराळातील शेतीबाबत जे संशोधन करणार आहेत, ते भविष्यातील मोहीमांमध्ये मार्गदर्शक ठरणार आहे. या प्रयोगामुळे भविष्यात अंतराळवीरांवरील भार होणार आहे. या सर्वात शुभांशू शुक्ला यांना भारतीय अंतराळ संस्था आणि डीआरडीओ यांनी तयार केलेले अन्नही सोबत नेता आले आहे. यासाठी या दोन्हीही मान्यवर संस्थांनी अनेकवर्ष संशोधन केले आहे. यामध्ये गाजरच्या हलव्याचाही समावेश आहे. आता आयएसएसवर हे अन्न वापरल्यानंतर, इस्रो त्यांच्या गगनयान मोहिमेत निवडलेल्या अंतराळवीरांसाठी देखील हे अन्न नेण्याची परवानगी मिळणार आहे. त्याचा उपयोग 2027 मध्ये सुरु होणा-या इस्रोच्या गगनयान मोहिमेमध्ये होणार आहे. त्या मोहिमेचा शुभांशू देखील एक भाग असल्याने, अ‍ॅक्सिओम मिशन हे अंतराळात भारतीय अन्न आणि त्याची चव तपासण्याची एक उत्तम संधी ठरली आहे. (Shubanshu Shukla)
=============
हे ही वाचा : Shubhanshu Shukla : अंतराळवीर शुभांशु शुक्ला यांची प्रेमकहाणी देखील आहे खूपच खास
Shubhanshu Shukla : शुभांशु शुक्ला यांची गगनभरारी, मिशन Axiom-4 साठी अंतराळात रवाना
============
शुभांशूसोबत एक सॉफ्ट टॉयही पाठवण्यात आले आहे. जेव्हा हे अंतराळयान पृथ्वीच्या कक्षेतून बाहेर पडून अवकाशात पोहोचेल तेव्हा शून्य गुरुत्वाकर्षण सुरू होईल. हे दाखवण्यासाठी या सॉफ्ट टॉयचा उपयोग होणार आहे. शुभांशू शुक्ला आयएसएसमध्ये संशोधनात व्यस्त असले तरी ते भारतीय विद्यार्थ्यांसोबतच्या संवादही साधणार आहेत. तिथून अंतराळ स्थानकावरील जीवनाबद्दलचे त्यांचे अनुभव शुभांशू विद्यार्थ्यांसोबत शेअर करणार आहेत. शुभांशू यांच्यासोबत या मोहिमेत अमेरिकेच्या पेगी व्हिटसन, पोलिश शास्त्रज्ञ आणि अभियंता स्लावज उज्ना आणि हंगेरीचे टिबोर कापू हे अंतराळवीर सहभागी झाले आहेत. अ‍ॅक्सिओम मिशन अंतर्गत 14 दिवस हे अंतराळवीर आयएसएसमध्ये रहाणार आहेत. (Latest News)
सई बने
Latest Marathi News | News in Marathi | Live news Updates in Marathi on Trending Topics
