शारदीय नवरात्र चालू झाल्यानंतर आपल्याला सर्वत्र भक्तिमय आणि शक्तीमय वातावरण झाल्याची अनुभूती मिळत आहे. शारदीय नवरात्र सुरु झाल्यानंतर देवीच्या विविध रूपांची पूजा केली जाते. नऊ दिवस देवीचा जागर होतो आणि तिची आराधना केली जाते. प्रत्येक जणं आपापल्या परीने देवीची सेवा करून तिला प्रसन्न करण्याचा प्रयत्न करत असतो. नवरात्रीच्या काळात पृथ्वीवर देवीतत्त्व अधिक असल्याने या काळात केलेली देवीची उपासना कधीच व्यर्थ जात नाही त्याचे फळ आपल्याला नक्कीच मिळते. आपण देवीबद्दल तिच्या रूपांबद्दल, तिच्या महतीबद्दल कायम थोरामोठ्यांकडून ऐकत असतो. आजवर आपण देवीबद्दल अनेक आख्ययिका ऐकल्या असतील, वाचल्या असतील. आज आम्ही तुम्हाला देवीशी संबंधित अशीच एक रंजक आणि प्रसिद्ध कथा सांगणार आहोत. (Navratri)
आपण जर पहिले तर हिंदू धर्मामध्ये सर्वच देवीदेवतांची आपले वाहन आहे. जसे गणपतीचे उंदीर, शंकराचे नंदी तसेच देवीचे वाहन म्हणून सिंहाला ओळखले जाते. कायम आपण देवीला मंदिरात, फोटोंमध्ये सिंहावर आरूढ झालेल्या रूपातच बघत असतो. सिंहाला देवीचे वाहन म्हणून एक वेगळीच ओळख देखील आहे. मात्र देवीने सिंहालाच का आपले वाहन म्हणून निवडले? याची माहिती आहे का तुम्हाला चला जाणून घेऊया याबद्दल. (Marathi News)
दुर्गा देवीच्या सिंहावरून स्वारी करण्यामागे अनेक कथा वाचायला मिळतात. यातील सर्वात जास्त प्रचलित कथेनुसार, पार्वतीने भगवान शिवाला पती रुपात मिळवण्यासाठी अनेक वर्षे तपस्या केली. त्या दरम्यान देवीचा रंग सावळा झाला होता. एके दिवशी पार्वती व भगवान शिव कैलास पर्वतावर बसून हास्य-विनोद करत होते. तेव्हा भगवान शिवाने पार्वतीला विनोदात काळी म्हंटले. पार्वतीच्या मनाला ही गोष्ट लागली तेव्हा पार्वती कैलास पर्वत सोडून परत तपस्या करण्यात लीन झाली. त्याच वेळी एक भुकेला सिंह पार्वतीला खाण्याच्या इच्छेने तिथे पोहचला परंतु तपस्येत गुंग असलेल्या पार्वतीला पाहून तो शांतपणे बसला. (Todays Marathi Headline)
सिंहाने विचार केला की जेव्हा देवी पार्वती तपस्येतून उठेल तेव्हा आपण तिला आपले भक्ष्य बनवूया. या दरम्यान अनेक वर्षे गेली पण सिंह आपल्या जागेवरून काही उठला नाही. तो सुद्धा भुकेलेले-तहानलेला होऊन तिथे बसून राहिला. पार्वतीची तपस्या पूर्ण झाल्यावर भगवान शिव प्रकट झाले व त्यांनी तिला गौरवर्णीय होण्याचा आशीर्वाद दिला. त्यानंतर जेव्हा पार्वती गंगेत स्नानासाठी गेली तेव्हा तिच्या शरीरातून एक सावळी देवी प्रकट झाली तिला कौशिकी म्हंटले गेले आणि गौरवर्णीय झाल्याने पार्वती देवीला महागौरी म्हणून ओळखले जाऊ लागले.(Top Marathi Headline)
पार्वतीने बघितले की, सिंह सुद्धा तिच्यासोबत तहान-भूक त्यागून तपस्या करत होता म्हणून तिने सिंहाला आपले वाहन बनवले. आपले भक्ष्य मिळवण्यासाठी सिंह पार्वती सोबत तपस्या करत होता. देवी पार्वतीने याला सिंहाची तपस्या समजले व त्याला आपल्या सेवेत घेतले. अशाप्रकारे ती आई शेरावाली नावाने ओळखली जाऊ लागली. म्हणूनच दुर्गा देवीचे सिंह व वृषभ असे दोन वाहन मानले जातात. (Latest Marathi Headline)
दुसरी एक कथा
दुसरी कथा स्कंद पुराणात मिळते. त्यानुसार, भगवान शिव आणि पार्वती यांचा मुलगा कार्तिकेय याने देवासुर संग्राम मध्ये दानव तारक आणि त्याचे दोन भाऊ सिंहमुखम, सुरापदमन या असुरांचा पराभव केला. सिंहमुखम ने कार्तीकेयची माफी मागितली ज्यावर प्रसन्न होऊन त्याने त्याला सिंह बनवले आणि दुर्गा देवीचे वाहन होण्याचा आशीर्वाद दिला. (Top Trending News)
========
Navrtari : तिसरी माळ : नवदुर्गेचे तिसरे स्वरूप- श्री चंद्रघंटा देवी
========
दुर्गा देवीचे मुख्य वाहन सिंह असले तरी देवी तिच्या घेतलेल्या विविध रूपांमध्ये विविध वाहनांवर आरूढ झाल्याचे आपल्याला पौराणातील कथांमधून लक्षात येते. दुर्गा देवी सिंहावर तर पार्वती वाघावर आरूढ असलेली दिसते. कात्यायनी देवी जिने महिषासुराचा वध केला होता तिचे वाहन सुद्धा सिंह आहे. देवी कुष्मांडा आणि माता चंद्रघंटा वाघावर स्वार आहे. अष्टमीला ज्या देवीची पूजा केली जाते ती महागौरी वृषभ वाहनावर स्वार असलेली दिसून येते. माता कालरात्री गाढवाची स्वारी करते तर माता सिद्धीदात्री कमळावर आरूढ आहे. (Social News)
Latest Marathi News | News in Marathi | Live news Updates in Marathi on Trending Topics
