पूर्वी माणसाच्या तीन मुख्य गरजा अन्न, वस्त्र, निवारा या तीन मुख्य होत्या. मात्र आजच्या आधुनिक काळात अन्न, वस्त्र, निवारा या तीन गरजांमध्ये सोशल मीडिया ही चौथी गरज जोडली गेली आहे. सोशल मीडियाच्या येण्यामुळे मनुष्याचे जीवन पूर्णपणे बदलून गेले आहे. अगदी लहानातल्या लहान गोष्टीपासून ते मोठ्यातल्या मोठ्या गोष्टीपर्यंत सर्वच बाबी सोशल मीडियावर व्हायरल होताना दिसतात. या सोशल मीडियाचे जेवढे फायदे तेवढे तोटे देखील आहेत. या सोशल मीडियाचा सर्वात मोठा तोटा कोणाला होत असेल तर तो सिनेसृष्टीला बसत आहे. कोणत्याही चित्रपटाबद्दल किंवा आगामी कलाकृतीबद्दल गुपित ठेवणे यामुळे अवघड झाले आहे. चित्रपटाच्या शूटिंग सेटवरील तर बरेच फोटो सोशल मीडियावर व्हायरल होतात आणि सिनेमाशी संबंधित अनेक गोष्टी बाहेर येतात. (Ranbir and Rashmika Mandanna leaked)
आता देखील असेच काही झाले आहे. रणबीर कपूर लवकरच ‘ॲनिमल’ नावाच्या चित्रपटात दिसणार असून, सध्या या सिनेमाचे शूटिंग सुरू आहे. संदीप रेड्‌डी वांगा दिग्दर्शित हा सिनेमा पुढच्या वर्षी २०२३ मध्ये प्रदर्शित होणार आहे. मनालीमध्ये सुरू असलेल्या सिनेमाच्या शूटिंग सेटवरचा फोटो सोशल मीडियावर व्हायरल झाला आहे (Ranbir and Rashmika Mandanna leaked). या व्हायरल झालेल्या फोटोमध्ये रणबीर कपूर आणि रश्मिका मंदाना दिसत आहे. या फोटोमध्ये रणबीर कपूर पांढऱ्या रंगाच्या कुर्ता पायजमामध्ये दिसत आहे, तर रश्मिकाने पांढऱ्या रंगाची लाल बॉर्डर असणारी साडी नेसली आहे. एका फॅनने हा फोटो सोशल मीडियावर शेअर केला आहे. रणबीर कपूरच्या बहुप्रतिक्षित चित्रपटांपैकी एक असलेल्या या सिनेमाची प्रेक्षकांना आतापासूनच उत्सुकता आहे. (Ranbir and Rashmika Mandanna leaked)
सर्वात आधी या सिनेमात रणबीर कपूरसोबत परिणीती चोप्रा दिसणार होती. तिच्या नावाची घोषणा देखील करण्यात आली, मात्र तिच्याकडे असलेल्या तारखांच्या कमतरतेमुळे तिने हा सिनेमा सोडला आणि त्यानंतर ‘ॲनिमल’मध्ये रश्मिका मंदानाची एन्ट्री झाली आहे. या सिनेमात रश्मिका रणबीर कपूरच्या पत्नीच्या भूमिकेत दिसणार आहे. निर्मात्यांना या सिनेमात एक नवीन आणि फ्रेश जोडी पाहिजे होती त्यामुळे रश्मिकाच्या नावावर शिक्कामोर्तब झाला. (Ranbir and Rashmika Mandanna leaked)
=========
हे देखील वाचा – लग्नाच्या बातम्यांमुळे मीडियामध्ये गाजणाऱ्या कियारा अडवाणी आणि सिद्धार्थ मल्होत्राचा झाला ब्रेकअप?
=========
तत्पूर्वी १४ एप्रिल रोजी रणबीर कपूरने त्याची गर्लफ्रेंड असलेल्या आलिया भट्टसोबत लग्न केले. त्यांचे लग्न अतिशय खासगी आणि मोजक्या लोकांच्या उपस्थितीत संपन्न झाले. लवकरच रणबीर आणि आलिया अयान मुखर्जीच्या ‘ब्रह्मास्त्र’ सिनेमात दिसणार आहे. तर रश्मिका काही महिन्यांपूर्वी प्रदर्शित झालेल्या ‘पुष्पा’ सिनेमात अल्लू अर्जुनसोबत दिसली होती हा सिनेमा तुफान गाजला.(Ranbir and Rashmika Mandanna leaked)
