मान्सूनमध्ये पिग्मेंटेशनची समस्या दूर करण्यासाठी घरच्याघरी तयार करा हे स्क्रब

Pigmentation Problem in Monsoon : पावसाळ्याचे दिवस बहुतांशजणांना आवडते. या ऋतूत पावसामुळे सर्वत्र थंडावा येतो. पण पावसाळ्यातील अत्याधिक ओलसरपणामुळे त्वचेसंबंधित काही समस्या उद्भवल्या जातात. याशिवाय त्वचेवर ब्रेकआउट्स ते हायपरपिग्मेंटेशनच्या समस्येचा धोका वाढला जातो. हेच कारण आहे की, मान्सूनच्या काळात त्वचेची अतिरिक्त काळजी करणे आवश्यक असते.

पावसाळ्यात बहुतांश महिला वेगवेगळ्या ब्युटी प्रोडक्ट्सचा वापर करतात. पण तुम्हाला हायपरपिग्मेंटेशनची समस्या असल्यास काही घरगुती स्क्रबचा वापर करू शकता. हे स्क्रब केवळ त्वचेवरील डेड स्किन सेल्स हटवण्यास मदत करतात. याशिवाय त्वचेचा रंग उजळला जातो. अशातच घरच्याघरी स्क्रब कसे तयार करायचे याबद्दल जाणून घेऊया…

ओटमील आणि दह्याचा स्क्रब

मान्सूनमध्ये ओटमील, दही आणि हळदीचा वापर करुन स्क्रब तयार करू शकता. ओटमील त्वचेवर जेंटल एक्सफोलिएंटच्या रुपात काम करत डेड स्किन सेल्स हटवण्यास मदत करते. दह्यात लॅक्टिक अॅसिड असते, जे पिगमेंटेशनची समस्या दूर करण्यासह त्वचा मॉश्चराइज करण्यास मदत करते. हळदीत अँटी-इंफ्लेमेंटरी आणि अँटी-ऑक्सिडेंट गुणधर्म असल्याने त्वचेवरील डार्क स्पॉट कमी होण्यास मदत होते.

आवश्यक सामग्री
-दोन मोठे चमचे ओटमील
-दोन मोठे चमचे दही
-एक चमचा हळद

असा करा वापर
-सर्व सामग्री एकत्रित करुन पेस्ट तयार करा
-स्क्रब चेहऱ्यावर लावून मसाज करा
-स्क्रब सुकल्यानंतर थंड पाण्याने धुवा

बदाम आणि दूधाचा स्क्रब

बदाममध्ये असलेले व्हिटॅमिन ई मुळे काळे डाक दूर होण्यास मदत होते. दूधात लॅक्टिक अॅसिड असल्याने त्वचा एक्सफोलिएट करण्यासह पिगमेंटेशनची समस्या दूर होण्यास मदत होते.

आवश्यक सामग्री
-पाच ते सहा बदाम
-दोन चमचे दूध

असा करा वापर
-भिजवलेले बदाम वाटून घेऊन जाड पेस्ट तयार करा
-दूधासोबत स्क्रब तयार करा
-चेहऱ्यावर स्क्रब लावल्यानंतर हलक्या हाताने मसाज करा
-दहा मिनिटे स्क्रब चेहऱ्याला लावून ठेवल्यानंतर स्वच्छ पाण्याने धुवा
-आठवड्यातून दोनवेळेस तुम्ही बदाम आणि दूधाच्या स्क्रबचा वापर करू शकता

पपई आणि मधाचा स्क्रब

मान्सूनमध्ये पपई आणि मधाचा स्क्रब तयार करुन त्वचेला लावू शकता. खरंतर, पपईत पपॅन नावाचे एंजाइम असतात, जे डेड स्किन सेल्स एक्सफोलिएट करण्यासह पिगमेंटेशन कमी करण्यास मदत करते. मधामुळे त्वचेत ओलावा निर्माण होतो. (Pigmentation Problem in Monsoon)

सामग्री
-दीड कप पिकलेला पपाई
-एक मोठा चमचा मध

असा करा वापर
-पपई स्मॅश करुन मधासोबत स्क्रब तयार करा
-चेहऱ्यावर स्क्रब लावा आणि हळूहळू हलक्या हाताने मसाज करा
-स्क्रब चेहऱ्यावर 10-15 मिनिटे लावून ठेवल्यानंतर कोमट पाण्याने धुवा
-या स्क्रबचा आठवड्यातून दोनदा वापर करा

आणखी वाचा :

पायांना पडलेल्या भेगांच्या समस्येपासून दूर राहण्यासाठी कामी येईल हा घरगुती उपाय

‘अशा’ प्रकारे आपल्या टूथब्रशची काळजी घ्या आणि आपली ओरल हेल्थ टिकवा