Personal Growth Tips : कंम्फर्ट झोन अशी एक स्थिती आहे ज्यामध्ये व्यक्ती एखाद्या क्षेत्रात काम करण्यासाठी घाबरतो. कंम्फर्ट झोनमधून बाहेर पडून काहीतरी नवे शिकण्यासाठी भीती वाटत राहते. याशिवाय कंम्फर्ट झोनमधील व्यक्ती कधीच नव्या गोष्टी शिकण्याचा प्रयत्न करत नाही. जसे की, तुम्ही एकाच कंपनीत दीर्घकाळ काम करताय आणि कामात मन देखील रमते तर ही स्थिती तुमच्यासोबत निर्माण होऊ देऊ नका. कारण या स्थितीमुळे तुमच्यामध्ये एक कंम्फर्ट झोन निर्माण होतो, जो भविष्यात तुमच्यासाठी धोक्याचा निर्माण ठरू शकतो.
कंम्फर्ट झोन तुमच्या पसर्नल आणि करियर ग्रोथमधील मोठा अडथळा आहे. यामुळे तुम्ही नेहमीच काहीतरी नवी शिकण्याची इच्छा ठेवली पाहिजे. जेणेकरुन तुम्ही कंम्फर्ट झोनमधून बाहेर पडू शकता. कंम्फर्ट झोनमधून बाहेर पडताना तुम्हाला सुरुवातीला थोडा त्रास होईल पण याचा तुमच्या आयुष्यावर नक्कीच सकारात्मक परिणाम होईल. जाणून घेऊयात कंम्फर्ट झोनमधून बाहेर पडण्यासाठी तुम्ही कोणत्या टिप्स फॉलो केल्या पाहिजेत याबद्दल अधिक….
कंम्फर्ट झोन ओळखा
कंम्फर्ट झोनबद्दल ओळखायचे असल्यास तुम्ही सर्वप्रथम तुमच्या भविष्याबद्दल विचार करा. याशिवाय तुम्ही कोणत्या गोष्टींमध्ये अधिक कंम्फर्टेबल होता हे देखील पाहा. जसे की, एखादे काम करताना तुम्हाला आरामदायी वाटते किंवा ते काम तुमच्यासाठी सोपे आहे असे. पण कंम्फर्ट झोनमधून बाहेर पडण्यासाठी अधिक वेळ घेऊ नका. (Personal Growth Tips)
तुमचे ध्येय ठरवून आयुष्यात पुढे जा
करियरमध्ये पुढे जाण्यासाठी तुम्ही आयुष्यात काही ध्येय ठरविली पाहिजेत. ध्येयाच्या मार्गावरुन चालताना तुम्हाला अनेक अडचणींचा सामना करावा लागेल. पण त्यावर तुम्ही तोडगा काढून पुढे जाता त्या दरम्यान तुम्ही कंम्फर्ट झोनमधून बाहेर पडत असता हे नेहमीच लक्षात ठेवा.
टप्याटप्याने आयुष्यात पुढे जाण्याचा प्रयत्न करा
आयुष्यात पुढे जाण्यासाठी टप्याटप्याने काही पावले उचला. तुमच्या यशासाठी काय केले पाहिजे याकडे लक्ष द्या आणि त्या दिशेने काम करा. जेव्हा तुम्ही एखादी नवी गोष्टी शिकता तेव्हा हळूहळू तुम्हाला पुढे जेण्यास मदत करते. तसेच आयुष्यातही पुढे जाण्यासाठी घाई करू नका. विचारपूर्वक काही निर्णय घ्या.
सकारात्मक राहा
तुम्हाला कंम्फर्ट झोनमधून बाहेर पडायचे असल्यास सकारात्मक राहणे अत्यंत गरजेचे आहे. यामुळे तुम्ही आयुष्यात नवी गोष्टी शिकताना देखील त्याकडे सकारात्मक दृष्टीकोनातून पाहाल.
