Momos : हिवाळ्यात खाण्याचा आनंद दुप्पट करणाऱ्या मोमोजची लोकप्रियता काही वेगळीच आहे. पण बाजारातील मोमोजमध्ये जास्त तेल, मैदा आणि अनहेल्दी फिलिंगमुळे आरोग्यावर वाईट परिणाम होऊ शकतो. त्यामुळे अनेक जण आता घरच्या घरी वेगवेगळ्या प्रकारचे हेल्दी मोमोज बनवण्याला प्राधान्य देतात. यामध्ये ‘पालक मोमोज’ ही रेसिपी चवीला जबरदस्त असून पौष्टिकतेने भरलेली असते. पालकातील आयर्न, व्हिटॅमिन A, C आणि फायबरमुळे हे मोमोज मुलांना, मोठ्यांना आणि फिटनेस प्रेमींना सारखेच फायदेशीर ठरतात. (Momos)
पालक मोमोज का असतात हेल्दी? पालक हा एक सुपरफूड मानला जातो. त्यामध्ये अँटिऑक्सिडंट्स, मिनरल्स आणि भरपूर प्रमाणात आयर्न असते. नियमित आहारात पालकाचा समावेश केल्यास हिमोग्लोबिन वाढते, रोगप्रतिकारक शक्ती मजबूत होते आणि पचन सुधारते. पालक मोमोजमध्ये मैद्याऐवजी गव्हाचे पीठ वापरले तर ही रेसिपी आणखी हेल्दी बनते. यामध्ये चरबी कमी असते आणि वाफेवर शिजवल्यामुळे त्यात कॅलरीजही कमी राहतात. म्हणून हे मोमोज वजन कमी करणाऱ्या किंवा डायटवर असणाऱ्या लोकांसाठी उत्तम पर्याय ठरतात. (Momos)
Momos
घरच्या घरी कसे बनवायचे पालक मोमोज? पालक मोमोज बनवणे अतिशय सोपे आहे. सर्वप्रथम 1 कप पालकाची प्युरी तयार करा. त्यासाठी पालक उकळत्या पाण्यात हलका ब्लांच करून थंड झाल्यावर मिक्सरमध्ये फिरवा. नंतर गव्हाचे पीठ, थोडेसे मीठ आणि ही पालकाची पेस्ट एकत्र करून कणिक मळा.फिलिंगसाठी बारीक चिरलेली कोबी, गाजर, कांदा, लसूण आणि काळी मिरी एकत्र परता. चवीनुसार मीठ घाला. तयार कणकेचे छोटे पोळीसारखे गोळे करून त्यात हे फिलिंग भरा आणि मोमोजच्या आकारात बंद करा. 10–12 मिनिटे स्टीमरमध्ये वाफेवर शिजवा आणि गरमागरम सर्व्ह करा.ही संपूर्ण प्रक्रिया कमी तेलात होते, त्यामुळे हेल्दी स्नॅक म्हणून याचे सेवन करता येते. (Momos)
========================
हे देखिल वाचा :
Cortisol Detox: स्ट्रेस हार्मोन कॉर्टिसोल का वाढतो? जाणून घ्या नैसर्गिकरीत्या कमी करण्याचे उपाय
Winter : शरीराला उबदार ठेवणाऱ्या ‘या’ चविष्ट सूप रेसिपी नक्की तरी करा
Winter Recipe : खास हिवाळ्यातच खाल्ले जाणारे स्पेशल पदार्थ
==========================
चवीत आणि आरोग्यात दोन्हीमध्ये फायदेशीर पालक मोमोजची चव इतर मोमोजपेक्षा अधिक हलकी आणि फ्रेश असते. पालकामुळे मोमोजला छान हिरवा रंग येतो जो दिसायलाही आकर्षक वाटतो. यामध्ये असलेले फायबर पचन सुधारते, तर आयर्न शरीरातील ऊर्जा वाढवते. मुलांना हिरव्या भाज्या खायला आवडत नसतील तर ही रेसिपी त्यांना आवडेल अशी शक्यता जास्त आहे. तिखट चटणी किंवा पुदिन्याच्या डिपसोबत हे मोमोज खाल्ले तर चव आणखी वाढते.
हेल्दी स्नॅकचा उत्तम पर्याय बाजारातील फ्राइड स्नॅक्स किंवा तेलकट खाद्यपदार्थांच्या तुलनेत हे मोमोज आरोग्यदायी आणि कमी कॅलरीयुक्त असतात. वजन नियंत्रित ठेवण्यासाठी, हलके खाण्यासाठी किंवा ऑफिस/शाळेच्या टिफिनसाठीही हे उत्तम पर्याय आहेत. हिवाळ्यात पालक सहज मिळत असल्यामुळे आपण हा पदार्थ नियमितपणे आहारात समाविष्ट करू शकतो.
Latest Marathi News | News in Marathi | Live news Updates in Marathi on Trending Topics
