Old Dravid Language : दाक्षिणात्य अभिनेते हासन यांनी त्यांच्या नवीन सिनेमाच्या प्रसिद्धी कार्यक्रमात म्हटले की कन्नड भाषा ही तमिळमधूनच निर्माण झाली आहे. त्यांच्या या विधानावरून कर्नाटकात प्रचंड वाद निर्माण झाला. अभिनेते शिवराजकुमार यांचा उल्लेख करत केलेल्या या विधानामुळे राजकीय आणि सांस्कृतिक वातावरण तापले. कर्नाटकातील मुख्यमंत्री आणि स्थानिक संघटनांनी या विधानाचा निषेध केला. कमल हासन यांनी माफी मागावी, अन्यथा ‘ठग लाइफ’ हा चित्रपट कर्नाटकात प्रदर्शित करू दिला जाणार नाही, अशी भूमिका घेतली. त्यांनी न्यायालयात संरक्षण मागितले, परंतु निवेदनात माफी नसल्याने न्यायालयानेही नाराजी व्यक्त केली.
द्रविड भाषांचा उगम – ऐतिहासिक संदर्भ काय सांगतो?
द्रविड भाषांचे मूळ नेमके कुठे आहे? या प्रश्नाचं उत्तर भाषाशास्त्र, पुरातत्त्वशास्त्र आणि पुराजैवशास्त्र या सर्व क्षेत्रांतून मिळवावे लागते.भाषाशास्त्रज्ञ भद्रिराजू कृष्णमूर्ती यांच्या मते, द्रविड भाषांचा विस्तार दक्षिण भारत ते मध्य भारतआणि अगदी पाकिस्तानातील बलुचिस्तान (ब्राहुई भाषा) पर्यंत आहे.महाराष्ट्र, गुजरात, सिंध या प्रदेशांतील काही सामाजिक प्रथा व स्थानिक नावांमध्ये द्रविड प्रभाव दिसून येतो.
आदि-द्रविड भाषांचा नकाशा – कृष्णा-गोदावरी खोरे उगमस्थळ?
प्राचीन काळातील द्रविड भाषिक एकत्र राहत असलेला भाग म्हणजे कृष्णा-गोदावरी खोऱ्याचा परिसर, ज्यामध्ये आजचे उत्तर कर्नाटक आणि आंध्र प्रदेश येतात. याठिकाणी “सदर्न निओलिथिक” संस्कृतीचे पुरावे – धान्ये, मातीच्या झोपड्या, पाळीव प्राणी यांचे अवशेष सापडले आहेत.भाषाशास्त्रज्ञ साऊथवर्थ यांच्या अभ्यासानुसार, या संस्कृती आणि आदि-द्रविड भाषेतील वनस्पतींच्या शब्दसंपदेत ७३% साम्य आहे.महत्त्वाचे म्हणजे, तमिळनाडू किंवा दक्षिण कर्नाटक या द्रविड अस्मितेच्या आजच्या केंद्रांमध्ये हे सुरुवातीचे पुरावे दिसत नाहीत.(Old Dravid Language)
Old Dravid Language
तमिळ – द्रविड भाषांतील प्राचीनतम?
भद्रिराजू कृष्णमूर्ती यांच्या मतानुसार, तमिळ भाषा इ.स.पू. ६०० मध्ये एका जुन्या दक्षिण द्रविड भाषेतून फुटली.इ.स.पू. ३०० पर्यंत तमिळची लिखित रूपे सापडतात. म्हणजेच तमिळ ही पहिली लिखित द्रविड भाषा ठरते.यानंतर, मध्य तमिळ आणि मग आधुनिक तमिळ विकसित झाली. इ.स. ८००–१२०० च्या दरम्यान मल्याळम ही भाषा तमिळच्या काही बोलींपासून फुटली.
कन्नड – स्वतंत्र परंतु थोडी उशिरा लिहिलेली
कन्नडची मूळ भाषा तमिळ नव्हे, तर ती तमिळ आणि नीलगिरी भाषांसारखीच एक स्वतंत्र दक्षिण द्रविड भाषा आहे.कन्नडचे लिखित पुरावे इ.स. ४५० नंतर सापडतात, त्यामुळे त्या आधीचे चित्र स्पष्ट नाही. त्यानंतर ‘जुनी कन्नड’, ‘मध्य कन्नड’ आणि आधुनिक कन्नड अशा टप्प्यांत तिचा विकास झाला.
भाषांचा गुंता – राजकारणापेक्षा विज्ञान महत्त्वाचे
संस्कृत, प्राकृत, ऑस्ट्रो-आशियाटिक आणि द्रविड भाषा यांच्यात सातत्याने शब्दांची देवाणघेवाण झाली आहे. ऋग्वेदातील काही शब्दही द्रविड मूळाचे असल्याचे भाषाशास्त्रज्ञ मायकेल विट्झेल यांनी नमूद केले आहे.(Latest Marathi News)
===========
हे ही वाचा :
Monkey Man : दिल्लीतला मंकी मॅन नक्की कुठे गायब झाला?
Mango Diplomacy : मुघलांपासून मोदींपर्यंत, आंब्याने राजकारणही गाजवलंय…
=============
कोणती भाषा ‘सर्वात जुनी’?
तमिळ ही पहिली लिखित द्रविड भाषा असल्यामुळे ती अधिक प्राचीन मानली जाते.कन्नड ही स्वतंत्र द्रविड भाषा आहे, पण तिचे लिखित पुरावे तमिळपेक्षा नंतरचे आहेत.दोन्ही भाषांचा उगम एका आदि-द्रविड समूहातून झाला आहे, जो कृष्णा-गोदावरी खोऱ्यात राहात होता.त्यामुळे कन्नड आणि तमिळ दोन्हीच्या योगदानाचं मान्यतापूर्वक मूल्यमापन हाच शहाणपणाचा मार्ग आहे.
