आजपासून शारदीय नवरात्र सुरु झाले आहे. आता पुढील नऊ ते दहा दिवस देवीचा जागर आणि उत्सव सगळ्यांना अनुभवता येणार आहे. वर्षातील सर्वात महत्वाचा उत्सव म्हणून नवरात्राला ओळखले जाते. या नवरात्रीच्या काळात अनेक ठिकाणी सार्वजनिक मंडळांमध्ये देवीची प्राणप्रतिष्ठा केली जाते. यासोबतच महाराष्ट्रामध्ये घराघरांमध्ये घटस्थापनेच्या पहिल्या दिवशी घटाची स्थापना केली जाते. या नऊ दिवसांमध्ये घरोघरी देवीची आराधना केली जाते. घटाची पूजा केली जाते. (Navratri 2025)
आता प्रांतानुसार किंवा आपापल्या रीती. पद्धतीनुसार घटाची स्थापना केली जाते. घटासोबतच अखंड दिवा देखील लावला जातो आणि घटावर फुलांची माळ देखील सोडली जाते. आता यातही बऱ्याच पद्धती आहेत. जसे काही काहींकडे नऊ दिवस फक्त झेंडूच्या ते देखील विशिष्ट संख्येमध्ये फुलांची माळ घटावर लावली जाते. तर काहींकडे विड्याच्या पानांची माळ लावतात. अनेकांकडे नऊ दिवस दररोज वेगवेगळ्या फुलांच्या माळी लावतात. मात्र तुम्ही कधी विचार केला आहे का, की या फुलांच्या माळी लावण्यामागे नक्की कोणते शास्त्र असेल?, देवीला नवरात्रामध्ये कोणती फुले वाहावी?, कोणती फुले वाहू नये? चाल तर मग आपण आज याबद्दलचीच माहिती पाहूया. (Marathi News)
तज्ज्ञांच्या माहितीनुसार फुलांची माळ घटावर बांधण्याला तसे कोणतेही शास्त्र नाही. घटावर माळ बांधणे म्हणजे एका अर्थी देवीला फुले वाहण्यासारखेच आहे. जेव्हा माळ बनवण्यासाठी कोणत्याही प्रकारच्या वस्तू नव्हत्या तेव्हा फुलं केवळ दोऱ्यात गुंफून देखील देवीला ही माळ अर्पण केली जात असावी. ही माळ आता घराण्याची रीत झाली असल्यामुळेच घटावर फुलांची माळ लावली जाते. प्रत्येक दिवसासाठी एक विशिष्ट माळ अर्पण केल्यानं देवी प्रसन्न होते. भक्तांना आशीर्वाद देते, असं मानलं जातं. अनेक ठिकाणी नऊ दिवस विविध फुलांच्या माळी लावतात. यानुसार तुम्ही नऊ दिवस नऊ कोणत्या फुलांच्या माळी लावल्या पाहिजे पाहा. (Todays Marathi Headline)
– पहिली माळ (Top Marathi News)
शेवंती आणि सोनचाफ्यासारख्या पिवळ्या फुलांची माळ.
– दुसरी माळ
अनंत, मोगरा, चमेली, किंवा तगर यांसारख्या पांढऱ्या फुलांची माळ.
– तिसरी माळ
निळी फुले. गोकर्णीच्या किंवा कृष्णकमळ|कृष्णकमळाच्या. फुलांच्या माळ.
– चौथी माळ
केशरी अथवा भगवी फुले. अबोली, तेरडा, अशोक किंवा तिळाची फुले.
– पाचवी माळ
बेल किंवा कुंकवाची वाहतात..
– सहावी माळ
कर्दळीच्या फुलांची माळ.
– सातवी माळ
झेंडू किंवा नारिंगीची फुले.
– आठवी माळ
तांबडी फुले. कमळ, जास्वंद, कण्हेर किंवा गुलाबाच्या फुलांची माळ.
– नववी माळ
कुंकुमार्चन करतात. (Latest Marathi Headline)
नवरात्रामध्ये देवीला पूजा करताना झेंडूचे फूल वाहतात. झेंडूचे फूल हे ऊर्जा आणि उत्साहाचे प्रतीक मानले जाते. यासोबतच देवीला जास्वदांचे फुल अत्यंत प्रिय आहे. लाल जास्वदांचे फुल हे शक्ती आणि धैर्याचे प्रतीक आहे. लाल जास्वदांच्या फुलात देवीचा वास असतो असे म्हणतात. विविध रंगाची जास्वंद देवीला वाहने लाभदायक असते. गोकर्णाचे फूल निळ्या रंगाचे असते आणि हे फुल देवीला प्रिय आहे. नवरात्रीत प्राजक्ताच्या फुलांना प्रचंड मागणी असते. कारण हे फुल देवीला अत्यंत प्रिय असते. कमळाचे फूल लक्ष्मी देवीला अर्पण केले जाते. शिवाय हे फुल दुर्गा देवीला अर्पण केल्याने संपत्तीत वाढ होते. (Top Trending News)
=======
Navratri : जाणून घ्या घटस्थापनेत धान्य पेरण्याचे महत्व
=======
मात्र एक गोष्ट लक्षात ठेवा. जिथे देवीला अनेक फुलं आवडत असल्याने तुम्ही ती पूजेदरम्यान तिला वाहू शकतात, तिथे देवीला न आवडणारी फुले देखील आहेत. या न आवडणाऱ्या फुलांचा अजिबातच पूजेमध्ये समावेश करू नका. असे केल्यास देवी नाराज होऊ शकत्र. देवीला न आवडणाऱ्या फुलांमध्ये धोतरा, चाफा, रुई, तगर या फुलांचा समावेश होतो. (Social News)
Latest Marathi News | News in Marathi | Live news Updates in Marathi on Trending Topics
