आश्रम या वेबसिरीजचे पहिले तिन्ही सीझन्स हिट ठरले आहेत. आता आश्रमच्या चौथ्या सिजनची प्रतीक्षा प्रेक्षकांना आहे. हा चौथा सिजन अधिक रंजक करण्यासाठी त्यात ज्येष्ठ अभिनेते नाना पाटेकर यांची खास एन्ट्री असल्याची चर्चा आहे. मात्र यासोबत नाना पाटेकर ‘लाल बत्ती’ या वेबसिरीजमध्येही प्रमुख भुमिकेत झळकत असल्याची बातमी आहे. (Nana Patekar to make OTT debut)
आश्रम या वेबसिरीजचे यशस्वी दिग्दर्शक प्रकाश झा हेच या ‘लाल बत्ती’ वेबसिरीजचे दिग्दर्शक आहेत. राजकारण आणि त्यामागचे सूत्रधार अशा आशयाची ही वेबसिरीज आहे. लाल बत्तीच्या माध्यमातून नाना पाटेकर ओटीटी प्लॅटफॉर्मवर पदार्पण करणार आहेत. याचबरोबर आश्रम या वेबसिरीजच्या चौथ्या सिरीजमध्ये नाना पाटेकर झळकणार आहेत.
प्रकाश झा यांच्या ‘आश्रम’ या वेबसिरीजने प्रेक्षकांच्या मनात आपली खास जागा निर्माण केली आहे. बॉबी देवल सारख्या अभिनेत्याला या सिरीजने पुन्हा चर्चेत आणले. सुरुवातीला त्यातील बोल्ड दृश्यांमुळे वादात सापडलेल्या या सिरीजनं भक्कम कथेमुळे उत्तम प्रेक्षकवर्गही लाभला. (Nana Patekar to make OTT debut)
=====
हे देखील वाचा – अरुण गवळींची भूमिका साकारणार ‘हा’ अभिनेता, ‘दगडी चाळ २’चा टीझर प्रदर्शित
=====
प्रकाश झा आणि नाना पाटेकर राजनीती या चित्रपटामध्ये एकत्र होते. 2010 मध्ये आलेल्या या चित्रपटामधील नाना पाटेकर यांच्या दमदार भूमिकेची छाप अद्यापही रसिकांवर अद्यापही कायम आहे. काही वर्षांपासून रुपेरी पडद्यापासून दूर असणारे नाना पाटेकर या सिरीजबाबत उत्सुक आहेत. यात नाना एका राजकीय नेत्याची भूमिका साकारणार आहेत. (Nana Patekar to make OTT debut)
राजकारणात दोन बाजू असतात. एक लोकांसमोर येते. दुसरी बाजू कायम झाकली जाते आणि त्यात बरीच रहस्य दडलेली असतात. हाच या लाल बत्ती सिरिजच्या कथेचा गाभा असेल. नाना पाटेकर यांनी आपल्या अभिनयाच्या आणि संवाद फेकीच्या जोरावर बॉलिवूडमध्ये अनेक हिट चित्रपट दिले आहेत. काही वर्ष पडद्यापासून दूर असलेल्या नानांच्या या पुनरागमनाच्या बातमीनं त्यांचे चाहते सुखावले आहेत.
दरम्यान प्रकाश झा यांच्या आश्रम सिरीजच्या तिसऱ्या भागानं हिटचे सर्व रेकॉर्ड तोडले आहेत. रिलीज झाल्यापासून काही तासातच मिलियन्स व्हूज या सिरीजनं पार केले. बॉबी देओल, अदिति पोहनकर, चंदन रॉय सान्याल, ईशा गुप्ता, त्रिधा चौधरी यांच्या प्रमुख भूमिका असलेल्या या सिरीजच्या चौथ्या सिजनचीही उत्सुकता आहे. प्रकाश झा यांच्या ‘लाल बत्ती’ सिरीजबद्दलही अशीच उत्सुकता प्रेक्षकांना आहे.
– सई बने
