महाराष्ट्रात शिवसेनेचे दोन गट पडल्यानंतर झालेल्या एनडीए सरकारचे माजी मुख्यमंत्री यांना मोठा धक्का बसला आहे. एका बाजूला जयदेव ठाकरे यांच्या नातेवाईकांनी बाळासाहेबांची शिवसेना म्हणजेच शिंदे गटाच्या बाजूने झाले आहेत. तर उद्धव ठाकरे यांचा चुलत भाऊ राज ठाकरे यांना सुद्धा शिंदे गटाच्या माध्यमातून एकत्रित आणण्याचा प्रयत्न केला जात आहे. अशातच मुख्यमंत्री एकनाथ शिंदे यांचा मुलगा श्रीकांत शिंदे यांनी राज ठाकरे यांची भेट घेतल्यानंतर युतीच्या चर्चांना उधाण आले आहे. (MNS-BJP)
खरंतर मुख्यमंत्री एकनाथ शिंदे यांचा मुलगा श्रीकांत शिंदे यांनी राज ठाकरे यांच्या निवासस्थानी जाऊन त्यांची सदिच्छा भेट घेतली. येथे मुख्य बाब अशी की, याआधी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी सुद्धा राज ठाकरेंची भेट घेतली होती. ही भेट सुद्धा राज ठाकरे यांच्या निवासस्थानी झाली होती.
मनसे युतीसाठी तयार होणार?
राज ठाकरे हे युती करतील त्याबद्दल त्यांनी स्वत:हून काही म्हटलेले नाही. पण त्यांच्या पक्षाचे एकमेव आमदार राजू पाटील यांनी असे म्हटले की, युतीच्या आव्हानाबद्दल राज ठाकरेंकडून चर्चा केली जाईल. जर त्यांनी भविष्यात युतीसाठी होकार दिल्यास आम्ही सुद्धा त्यासाठी तयार आहोत. तसेच त्यांनी आपल्या एका विधानात म्हटले की, मनसेला भाजप सोबत जाण्यासाठी अधिक विचार करावा लागणार नाही.
दरम्यान, श्रीकांत शिंदे यांनी राज ठाकरेंची भेट घेतल्यानंतर त्याला राजकीय दृष्टीकोनातून पाहिले जात आहे. परंतु शिंदे गटातील नेतेमंडळी ही या दोघांमधील भेटीला एक सदिच्छा भेट असल्याचे म्हणत आहेत. असे मानले जात आहे की, सातत्याने राज ठाकरे यांच्यासोबत भाजप आणि शिंदे गटातील नेतेमंडळी त्यांना युतीत सहभागी करुन घेण्याचा प्रयत्न करत आहेत. (MNS-BJP)
हे देखील वाचा- हिमाचलच्या पहिल्या मुख्यमंत्र्यांनी पदाचा राजीनामा दिल्यानंतर बसने केला घरचा प्रवास, खात्यात होते फक्त ५६३ रुपये
उद्धव ठाकरेंच्या शिवसेनेला भाजपकडून चहूबाजूंनी तोडण्याचा प्रयत्न केला जात आहे. त्याअंतर्गत शिंदे गटाला तोडून आधी एनडीए सरकार स्थापन केले. त्यानंतर शिंदे गटाने शिवसेनेवर दावा ठोकल्यानंतर बाळा साहेब ठाकरे यांचा मुलगा जयदेव ठाकरे यांच्या नातेवाईकांना दसऱ्याच्या रॅलीवेळी मंचावरुन शिंदे यांना दावेदार मानले. तसेच पक्ष तोडल्यानंतर शिंदे गटाच्या माध्यमातूनच भाजप कडून मनसे अध्यक्ष राज ठाकरे यांना सहभागी करुन घेण्याचा प्रयत्न करत उद्धव ठाकरेंना आणखी एक राजकीय धक्का देण्याचा प्रयत्न केला जात आहे.
