Kitchen Tips : अंड्याचे पदार्थ चविष्ट आणि पौष्टिक असले तरी ते बनवल्यानंतर भांडी, कढई किंवा पातेल्यांना येणारी दुर्गंधी अनेक गृहिणींसाठी मोठी डोकेदुखी ठरते. अंड्यातील सल्फरयुक्त घटकांमुळे ही तीव्र वास येतो, जो साध्या साबणाने धुतल्यावरही कधी कधी जात नाही. मात्र काही घरगुती उपाय वापरल्यास ही दुर्गंधी सहजपणे दूर करता येते.
लिंबू आणि मीठाचा वापर करा
लिंबू हा नैसर्गिक डिओडरायझर आहे. अंड्याचे पदार्थ बनवल्यानंतर भांडे कोमट पाण्याने धुऊन त्यावर लिंबाचा रस आणि थोडं मीठ चोळा. काही मिनिटं तसेच ठेवल्यानंतर पुन्हा धुतल्यास दुर्गंधी पूर्णपणे निघून जाते. स्टील आणि नॉन-स्टिक भांड्यांसाठी हा उपाय अतिशय प्रभावी आहे.
व्हिनेगर किंवा बेकिंग सोड्याची ट्रिक
व्हिनेगर (सिरका) आणि बेकिंग सोडा हे दोन्ही दुर्गंधी शोषून घेण्यासाठी ओळखले जातात. एका भांड्यात गरम पाणी घ्या, त्यात थोडा व्हिनेगर मिसळून संबंधित भांडे 10–15 मिनिटं भिजत ठेवा. पर्यायाने बेकिंग सोड्याची पेस्ट करून भांड्याच्या आत चोळा. यामुळे वास तर जातोच, शिवाय भांडे स्वच्छही होतं.
Kitchen Tips
कॉफी पावडर किंवा चहाची पत्ती वापरा
कॉफी पावडर आणि वापरलेली चहाची पत्ती ही दुर्गंधी शोषून घेण्याची उत्तम क्षमता ठेवतात. भांड्यात थोडी ओलसर कॉफी पावडर किंवा चहाची पत्ती घालून काही वेळ ठेवा. नंतर साध्या पाण्याने धुतल्यास अंड्याचा वास नाहीसा होतो. हा उपाय विशेषतः प्लास्टिकच्या भांड्यांसाठी उपयुक्त ठरतो.
उकळत्या पाण्याची आणि कोळशाची पद्धत
भांड्यात उकळतं पाणी ओतून त्यात एक छोटा कोळशाचा तुकडा टाका आणि झाकण ठेवून काही वेळ ठेवा. कोळसा दुर्गंधी शोषून घेतो, तर गरम पाण्यामुळे अंड्यातील तेलकट अवशेष निघून जातात. हा उपाय पारंपरिक असला तरी अत्यंत परिणामकारक आहे.
===========
हे देखील वाचा :
Winter Weight Gain : थंडीत काहीजणांमध्ये लठ्ठपणा का वाढतो? जाणून घ्या कारणे आणि प्रभावी उपाय
Parenting Tips : मुलं सतत शांत राहत असल्यास सावध व्हा; यामागे असू शकतात ही 5 महत्त्वाची कारणे
Skin Care : त्वचेला येईल 10 मिनिटांत ग्लो, टोमॅटोच्या रसाचा असा करा वापर
==========
उन्हात वाळवणं – सर्वात सोपा उपाय
भांडी नीट धुतल्यानंतर थेट उन्हात वाळवणं हा सर्वात सोपा आणि नैसर्गिक उपाय आहे. सूर्यप्रकाशातील किरणे दुर्गंधी निर्माण करणाऱ्या जंतूंना नष्ट करतात. विशेषतः नॉन-स्टिक किंवा प्लास्टिक भांडी उन्हात ठेवल्यास वास पटकन निघून जातो.
Latest Marathi News | News in Marathi | Live news Updates in Marathi on Trending Topics
