जवळपास सर्वच दुग्धजन्य पदार्थ आरोग्याच्या दृष्टीने अत्यंत फायदेशीर मानले जातात. दुग्धजन्य पदार्थ अनेक प्रकारच्या जीवनसत्त्वे आणि पोषक तत्वांनी समृद्ध असतात. त्यामुळे त्यांचे नियमित सेवन केल्याने तुम्हाला अनेक प्रकारे फायदा होऊ शकतो. (Benefits of Buttermilk)
ताक हा देखील अत्यंत फायदेशीर दुग्धजन्य पदार्थ आहे. प्रोबायोटिक्स आणि सर्व पोषक तत्वांनी भरपूर असलेले ताक उन्हाळ्याच्या दिवसात खूप फायदेशीर मानले जाते. हे शरीराला हायड्रेट ठेवते आणि यामधून प्रथिने, फायबर, कॅल्शियम, सोडियम आणि व्हिटॅमिन बी-१२सारखे आवश्यक पोषण शरीराला मिळते. पोट निरोगी ठेवण्यासाठी आणि आतड्यांचे आरोग्य चांगले राहण्यासाठी ताक सेवन करणे फायदेशीर ठरते.
अभ्यासातून हे समोर आले आहे की, ताक पाणी, दुग्धशर्करा आणि दुधाचे प्रथिने कॅसिनने समृद्ध आहे. ताकामुळे विविध प्रकारचे फायदे शरीराला होतात. मात्र काही परिस्थितींमध्ये ताक पिण्याचे दुष्परिणाम होऊ शकतात. परंतु, या परिस्थिती अपवादात्मक असतात. आता ताकाचे फायदे आणि दुष्परिणामांची माहिती घेऊया. (Benefits of Buttermilk)
डिहायड्रेशनपासून वाचवण्यासाठी करते मदत
संशोधन असे सूचित करते की, उष्णतेमुळे होणार्‍या डिहायड्रेशनच्या समस्येपासून संरक्षण करण्यासाठी ताक सेवन करणे खूप उपयुक्त ठरू शकते. ताकामध्ये इलेक्ट्रोलाइट्सचे प्रमाण जास्त असते. विशेषत: याच्यात पोटॅशियम आणि पाणी जास्त असते. ताक प्यायल्याने उष्णतेशी लढण्यासाठी आणि शरीरातील पाण्याचे संतुलन राखण्यासाठी मदत होते.
हाडांसाठी आहे फायदेशीर
ताक कॅल्शियम आणि फॉस्फरसचा चांगला स्रोत आहे। तसेच त्यामध्ये व्हिटॅमिन-डी देखील असते. हे सर्व पोषक घटक हाडांसाठी खूप फायदेशीर ठरतात. हाडांची मजबुती टिकवून ठेवण्यासाठी आणि ऑस्टियोपोरोसिस सारख्या आजारांचा धोका कमी करण्यासाठी, ताकाचे सेवन महत्त्वाचे ठरू शकते. १३-९९ वयोगटातील लोकांवर ५ वर्षे केलेल्या अभ्यासात असे आढळून आले आहे की, ताकामध्ये असलेले फॉस्फरस हाडांची घनता २.१ टक्क्यांनी वाढवण्यास मदत करते. (Benefits of Buttermilk)
कोलेस्ट्रॉल नियंत्रणात ठेवते
उच्च कोलेस्ट्रॉल हे हृदयविकारांचे मुख्य कारण मानले जाते. ताकामध्ये असलेले पोषक तत्व कोलेस्ट्रॉलची पातळी नियंत्रित करून हृदयविकाराचा धोका कमी करण्यास मदत करते. ३४ प्रौढांवर केलेल्या ८ आठवड्यांच्या अभ्यासात असे आढळून आले की, दररोज ४५ ग्रॅम ताक पिल्याने कोलेस्ट्रॉल आणि ट्रायग्लिसराइड्स अनुक्रमे ३ आणि १० टक्के कमी झाले आहे. (Benefits of Buttermilk)
=======
हे देखील वाचा – केवळ दुधातच नाही, तर ‘या’ पदार्थांमध्येही आहे भरपूर प्रमाणात ‘कॅल्शियम’; हाडं राहतील मजबूत आणि तंदुरुस्त
=======
ताकाच्या दुष्परिणामाबद्दलही जाणून घ्या
ताकामध्ये सोडियमचे प्रमाण जास्त असते, त्यामुळे त्याचे मर्यादित प्रमाणात सेवन करावे. सोडियमचे जास्त सेवन केल्यास उच्च रक्तदाबाचा धोका वाढतो. तसेच ताकामध्ये लॅक्टोज ही नैसर्गिक साखर असते. अनेक लोकांमध्ये लॅक्टोज इन्टॉलरेंसची समस्या असते. अशा लोकांनी ताक सेवन करू नये. या स्थितीत पोट बिघडणे, जुलाब आणि गॅस सारख्या समस्या उद्भवू शकतात.
