नेहमीच असे मानले जाते की, लग्नासाठी एक संस्कारी आणि उत्तम कमावणारा नवरा पाहिजे. अशातच दोघांमधील उत्तम नातेसंबंध हे लग्न दीर्घकाळ टिकवून ठेवते. मात्र आताच्या बदलत्या काळानुसार मुली सुद्धा प्रत्येक क्षेत्रात नोकरी करु लागल्या आहेत. लग्नासाठी त्यांना नोकरी करणे फारसे गरजेचे मानले जात नाही. अशातच काही वेळेस मुलांवर अधिक पैसे कमावण्याचा ताण जरुर वाढतो. (Indian Wedding)
इंडियन मॅट्रिमोनियल साइट शादी.कॉम द्वारे प्रकाशित करण्यात आलेल्या इंडियाज मोस्ट एलिजिबलच्या पहिल्या टप्प्यातील आकडेवारी असे सांगते की, भारती मुली लग्नासाठी पुरुषांच्या सॅलरी स्लॅबचा जरुर विचार करतात. म्हणजेच अधिक कमावणारी मुल अन्य मुलांपेक्षा फार महत्वाचे वाटतात. अशातच जर तुम्ही दीर्घकाळासाठी आयुष्यभराचा जोडीदार शोधत असाल तर सांगावे की कोणत्या स्लॅबमधील मुलगा हवा आहे. अशातच वेतनाव्यतिरिक्त अशा काही गोष्टी आहेत ज्या तुमच्या विवाहासाठी फार महत्वाच्या आहेत.
लग्नासाठी पैसे का गरजेचे?
लग्नासाठी जेवढा एकमेकांसाठीचे प्रेम आणि आदर महत्वाचा आहे तेवढाच पैसा ही महत्वाचा आहे. खरंतर लग्न म्हणजे एका नव्या घराची सुरुवात असते असे म्हटले जाते. अशातच खर्च हा फार मोठा मुद्दा असतो. जो सांभाळण्यासाठी पैशांची गरज भासते. हेच कारण आहे की लग्नापूर्वी मुलगा असो अथवा मुलगी त्यांची कमाई-प्रॉपर्टी अशा गोष्टी घरातील मंडळी तपासून पाहतात.
पैशामुळे लग्न मोडते?
पैशांमुळे होणारी भांडण आणि त्याचे कारण घटस्फोट हे सुद्धा एक कारण पैशासंदर्भातीलच आहे. पैशांच्या कमतरतेमुळे पार्टनर आणि मुलांच्या गरजा पूर्ण करता येत नाहीत. यामुळे उधारी घेत बसल्याने नात्यात तणाव आणि चिंता निर्माण होते. यामुळे काही वेळेस पार्टनरची स्थिती योग्य पद्धतीने हाताळता येत नाही. यामधून नात्यात फुट पडते. (Indian Wedding)
पुरुष मंडळींना लग्नासाठी कमावावे लागते?
जुन्या काळापासूनच आपल्या समाजात एक प्रथा सुरु आहे. त्यानुसार पुरुष मंडळी घराबाहेर जाऊन पैसे कमावतात आणि महिला घरातील काम पाहतात. परंतु आज २१व्या शतकात महिला सुद्धा पुरुषांच्या खांद्याला खांदा लावून काम करत आहेत. आता त्यांना अशा पुरुषांसोबत आपले आयुष्य काढावेसे वाटते जे अधिक पैसे कमावतात आणि अधिक शिक्षित आहेत. बहुतांश महिला अशा पुरुषांसोबत लग्न करु पाहत नाहीत जे त्यांच्यापेक्षा कमी कमावतात.
लाखो रुपये कमावणाऱ्या तरुणासाठी भारतीय तरुणींची पसंदी
अभ्यासातून असे ही समोर आले आहे की, ७ लाख रुपये ते १० लाख रुपयांदरम्यान वार्षिक वेतन असणारे पुरुष अन्य पुरुषांच्या तुलनेत ७ टक्क्यांपर्यंतच पसंद केले जातात. यामुळे अधिक किंवा कमी सॅलरी स्लॅब असल्याने पुरुषांची योग्यता वाढते किंवा कमी होते. लग्नासाठी सर्वाधिक मागणी ३० लाख रुपयांपेक्षा अधिक तरुणासाठीची आहे.
हे देखील वाचा- तुमचे नाते किती मजबूत आहे हे ‘या’ गोष्टींवरुनच तुम्हाला कळेल
लग्नासाठी ही गोष्ट सुद्धा पाहतात मुली
मुलींना अशा मुलाशी लग्न करायचे असते की, जे आर्थिक आणि मानसिक दृष्ट्या स्टेबल आहे. तसेच एकमेकांची आवड-नावड ही थोडीफार मिळती जुळती असावी. त्यांना प्रेम आणि सन्मान देईल. मित्रत्वाच्या नात्याने तो तिच्याशी वागणूक करेल.
