मणिरत्नमचे हे सर्वोत्कृष्ट चित्रपट तुम्ही पाहिले नसतील तर काय पाहिले, पाहा OTT वर

प्रसिद्ध चित्रपट निर्माते-दिग्दर्शक मणिरत्नम यांनी दक्षिणेतील जवळपास प्रत्येक मोठ्या कलाकारासोबत काम केले आहे, तर बॉलिवूडसाठीही त्यांनी उत्तम चित्रपट बनवले आहेत. 2 जून 1956 रोजी जन्मलेले मणिरत्नम आपला 65 वा वाढदिवस साजरा करत आहेत. सिनेसृष्टीतील या दिग्गज दिग्दर्शकाने अनेक उत्तमोत्तम चित्रपट इंडस्ट्रीला दिले आहेत. तर त्यांच्या वाढदिवसानिमित्त आपन त्यांच्या काही उत्कृष्ट चित्रपटांबद्दल जाणून घेऊया, जे तुम्ही तुमच्या फोन स्क्रीनवर म्हणजेच OTT वर आरामात पाहू शकता. (Mani Ratnam Birthday)

रोजा (1992)

अरविंद स्वामी आणि मधु स्टारर मणिरत्नम यांचा चित्रपट रोमँटिक थ्रिलर चित्रपट होता. या चित्रपटाने त्या वेळेनुसार चांगला व्यवसाय केला. या चित्रपटाने प्रेक्षकांच्या मनात एक वेगळे स्थान निर्माण केले. हा मणिरत्नम चित्रपट तामिळनाडूतील एका साध्या मुलीची कथा आहे जी आपल्या हरवलेल्या पतीच्या शोधात आहे. रोजा हा चित्रपट त्यावेळी हिट ठरला होता. हा चित्रपट तुम्ही Amazon Prime Video आणि Zee5 वर पाहू शकता.

गुरु (2007)

गुरू या चित्रपटात ऐश्वर्या राय आणि अभिषेक बच्चन दिसले होते. हा चित्रपटही खूप गाजला. या चित्रपटात एका माणसाचा प्रवास दाखवण्यात आला आहे जो एका छोट्या गावातून व्यवसाय करण्यासाठी बाहेर पडण्याचा निर्णय घेतो आणि एक दिवस स्वतःहून एक यशस्वी माणूस बनतो. फिल्म गुरू हा एक उत्तम चित्रपट आहे. तुम्ही ते Netflix वर पाहू शकता.

युवा (2004)

युवा एक असा हा चित्रपट क्लासिक चित्रपटांमध्ये गणला जातो. अभिषेक बच्चन व्यतिरिक्त, विवेक ओबेरॉय, राणी मुखर्जी, करीना कपूर खान, ईशा देओल सारखे कलाकार या चित्रपटात दिसले होते, ज्यामध्ये 4 वेगवेगळ्या लोकांच्या कथा पडद्यावर दाखविण्यात आल्या होत्या. हा चित्रपट तुम्ही Netflix वर पाहू शकता.

बॉम्बे (1995)

मणिरत्नम चित्रपट शेखर मिश्रा नारायण आणि शैला बन्स यांच्या प्रेमकथेचा मागोवा घेतो, जे गुपचूप लग्न करून मुंबईत स्थायिक होतात. दोघांनी आपला सुखी संसार थाटला, पण मुंबईतल्या दंगलीने सगळंच उद्ध्वस्त केलं. मणिरत्नमचा हा सर्वोत्तम चित्रपट तुम्ही Voot वर पाहू शकता.

दिल से (1998)

मणिरत्नम यांनी दिग्दर्शित केलेला हा चित्रपट बॉक्स ऑफिसवर फारशी कमाई करू शकत नाही, परंतु लोकांना हा रोमँटिक ड्रामा आवडतो. या चित्रपटात शाहरुख खान आणि मनीषा कोईराला यांच्या प्रमुख भूमिका आहेत. चित्रपटाची कथा दहशतवादी पार्श्वभूमीवर आधारित आहे. नेटफ्लिक्स व्यतिरिक्त तुम्ही हा चित्रपट Amazon Prime वर पाहू शकता.