Hydration : आपण दिवसातून पाणी पिणं किती महत्त्वाचं आहे हे सर्वांनाच ठाऊक आहे. परंतु एक प्रश्न अनेकांच्या मनात निर्माण होतो पाणी प्यायल्यानंतर शरीराला हायड्रेट होण्यासाठी किती वेळ लागतो? काहींना वाटतं की पाणी प्यायल्या लगेच शरीर ताजेतवाने होतं, पण प्रत्यक्षात शरीरात हा संपूर्ण प्रोसेस थोडा वेळ घेतो. चला, पाहूया या प्रक्रियेचं वैज्ञानिक स्पष्टीकरण आणि आरोग्य तज्ज्ञ काय सांगतात. (Hydration)
पाणी शरीरात कसं कार्य करतं? पाणी प्यायल्यानंतर ते सर्वप्रथम पचनसंस्थेमध्ये प्रवेश करतं. तेथून ते थेट लहान आतड्यात जातं, जिथून शरीरातील पेशींना आवश्यक तेवढं पाणी शोषलं जातं. ही प्रक्रिया सुमारे ५ ते १५ मिनिटांपर्यंत चालते. जर तुम्ही रिकाम्या पोटी पाणी प्यायलं, तर ते अधिक जलद शरीरात शोषलं जातं. परंतु जर तुम्ही पाणी अन्नानंतर प्यायलं, तर पचन प्रक्रिया सुरू असल्याने हायड्रेशनला थोडा अधिक वेळ लागू शकतो साधारणत ३० ते ४५ मिनिटं. (Hydration)
Hydration
शरीरात हायड्रेशनची गरज का महत्त्वाची? आपल्या शरीराचं सुमारे ६०% भाग पाण्याने बनलेला असतो. पाणी केवळ तहान भागवत नाही, तर ते शरीरातील तापमान नियंत्रण, पचनक्रिया, रक्ताभिसरण, विषारी द्रव्यांचं विसर्जन आणि मेंदूच्या कार्यासाठीही अत्यावश्यक आहे. तज्ज्ञ सांगतात की थोडीशी डिहायड्रेशन (dehydration) सुद्धा मेंदूची कार्यक्षमता, लक्ष केंद्रित करण्याची क्षमता आणि उर्जेची पातळी कमी करते. त्यामुळे दिवसातून किमान २ ते ३ लिटर पाणी पिणं आवश्यक आहे.
हायड्रेशनचा वेळ किती लागतो? आरोग्य तज्ज्ञांच्या मते, पाणी प्यायल्यानंतर शरीराला पूर्णपणे हायड्रेट होण्यासाठी साधारण १ ते २ तासांचा कालावधी लागतो.
जर तुम्ही व्यायामानंतर किंवा उन्हात राहून पाणी प्यायलं, तर शरीर लगेचच त्या पाण्याचं शोषण करून पेशींमध्ये पोहोचवतं, कारण त्या वेळी शरीराला द्रवाची गरज जास्त असते. मात्र, अतिपाणी पिणं हानिकारक ठरू शकतं त्यामुळे हळूहळू आणि आवश्यक प्रमाणातच पाणी प्यावं. (Hydration)
हायड्रेशन सुधारण्यासाठी सोप्या टिप्स
सकाळी उठल्यावर एक ग्लास कोमट पाणी जरूर प्या.
दिवसभरात नियमित अंतराने थोडं-थोडं पाणी प्या, एकदम खूप नको.
पाणीशिवाय नारळपाणी, लिंबूपाणी, किंवा फळांच्या रसातूनही हायड्रेशन मिळवता येतं.
चहा, कॉफी, सॉफ्ट ड्रिंक्स यांसारख्या पेयांमुळे शरीर डिहायड्रेट होतं त्यामुळे त्याचं प्रमाण मर्यादित ठेवा.
====================
हे देखिल वाचा :
Winter Care : थंडीत नाक का बंद होतं? जाणून घ्या कारणं आणि घरगुती उपाय
Pneumonia : जागतिक न्यूमोनिया दिनाच्या निमित्ताने जाणून घेऊया या आजाराची संपूर्ण माहिती
पाणी हे आयुष्याचं मूलभूत तत्त्व आहे. ते फक्त तहान भागवण्यासाठी नव्हे, तर प्रत्येक पेशीला कार्यक्षम ठेवण्यासाठी गरजेचं आहे. तज्ज्ञ सांगतात की नियमित आणि योग्य प्रमाणात पाणी पिणं म्हणजे अनेक आजारांपासून बचावाचं सोपं आणि नैसर्गिक साधन आहे. म्हणूनच, पुढच्या वेळी तुम्ही पाणी प्याल, तेव्हा लक्षात ठेवा ते शरीरात आपलं काम शांतपणे करतंय आणि काही मिनिटांतच तुम्हाला आतून ताजेतवाने करतंय.
Latest Marathi News | News in Marathi | Live news Updates in Marathi on Trending Topics
