High Heels Disadvantages : उंच टाचांच्या चपला म्हणजे सौंदर्य आणि फॅशनचं प्रतीक असलं, तरी त्या घालण्याचे आरोग्यावर अनेक दुष्परिणाम होतात. अनेक महिला उंच टाचांच्या चपला विशेष प्रसंगी किंवा दररोज ऑफिसला जाताना वापरतात. सध्या मार्केटमध्ये वेगवेगळ्या प्रकारच्या हाय हिल्स पहायला मिळतात. याशिवाय आउटफिट्सनुसार हाय हिल्स घातले जातात. पण अशा चपलांमुळे उंच वाटते, चालण्यात आकर्षकपणा येतो आणि आत्मविश्वासही वाढतो, पण या सौंदर्याच्या मागे शरीरावर होणारे ताण आणि त्रास अनेकदा दुर्लक्षित राहतात.
उंच टाचांच्या चपलांमुळे शरीराची ठेवण (पोश्चर) बदलते. चालताना पाय नैसर्गिक पद्धतीने वाकत नाहीत, ज्यामुळे गुडघे, मांड्या आणि पाठीचा कणा यांच्यावर अनावश्यक ताण येतो. या ताणामुळे पाठीचे दुखणे, मणक्यांची झीज आणि दीर्घकाळ टिकणारे स्नायूंचे दुखणे सुरू होते. तसेच, टाच उंच असल्यामुळे संपूर्ण वजन पायाच्या पुढील भागावर येते, ज्यामुळे बोटांमध्ये दुखणे, सूज येणे आणि ‘हॅमर टो’ किंवा ‘बनियन्स’ यांसारख्या पायांच्या विकृती निर्माण होतात.(Health Care Tips)
High Heels Disadvantages
अशा चपलांमुळे चालताना संतुलन राखणे कठीण होते, ज्यामुळे पाय मुरगळणे, पडणे किंवा इतर अपघात होण्याची शक्यता वाढते. विशेषतः वयस्कर महिलांसाठी हा धोका अधिक असतो. याशिवाय, उंच टाचांमुळे पायात रक्ताभिसरण नीट होत नाही. रक्ताभिसरणावर होणाऱ्या परिणामामुळे व्हेरिकोज व्हेन्स, पाय सुजणे किंवा रक्ताच्या गुठळ्या तयार होण्यासारखे गंभीर त्रास उद्भवू शकतात.(Marathi Latest News)
गुडघ्यावर येणारा ताण आणखी एक मोठा धोका आहे. उंच टाच घातल्यामुळे गुडघे पुढे झुकतात आणि त्यामुळे गुडघ्यांवरील दाब वाढतो. यामुळे गुडघ्यांचे सांधे झिजू लागतात आणि संधिवात होण्याची शक्यता वाढते. पायाचे स्नायू आणि टाचेला लागणाऱ्या नसा सतत आकुंचन पावतात, ज्यामुळे चालताना किंवा विश्रांती घेतानाही दुखत राहते.(High Heels Disadvantages)
=================
हे ही वाचा :
Apple Cider Vinegar Disadvantages : अ‍ॅपल सायडर व्हिनेगरचा वापर करताय? या गोष्टीही ठेवा लक्षात
Beauty Tips : काजळ लावल्याने डोळ्यांना होतात ‘हे’ लाभ
==================
अशा दीर्घकालीन परिणामांमुळे उंच टाचांच्या चपला घालणे केवळ सौंदर्यासाठी मर्यादित ठेवावे. अशा चपला सतत घालण्याऐवजी फ्लॅट, ऑर्थोपेडिक किंवा मध्यम उंचीच्या आरामदायक चपलांचा वापर आरोग्याच्या दृष्टीने हितावह ठरतो. थोडक्यात, सौंदर्य तात्पुरते असते, पण आरोग्य दीर्घकालीन असते. त्यामुळे उंच टाचांच्या आकर्षणाला बळी न पडता, शरीराच्या आरोग्याची काळजी घेणे जास्त महत्त्वाचे आहे.
