झोप म्हणजे निरोगी आरोग्याची किल्ली असते असे म्हटले तरी वावगे ठरणार नाही. ७ ते ८ तासाची झोप प्रत्येक व्यक्तीला निरोगी आयुष्यासाठी गरजेची असते. आता झोप म्हटले की, अनेकांना आनंद होतो. झोप ही सगळ्यांनाच प्रिय असते. मात्र बऱ्याच लोकांना झोपल्यावर तोंडातून लाळ गाळण्याची समस्या असते. लहान बाळांच्या तोंडातून तर नक्कीच लाळ गळताना आपण बघतो. मात्र झोपल्यावर मोठ्या लोकांच्या तोंडातून देखील लाळ गळते. झोपेत उठल्यावर अनेकांना आपली उशी किंवा गाडी ओलसर वाटते. ते केवळ आपल्या तोंडातील लाळ गाळल्यामुळेच. (Health)
तोंडातील लाळ दातांची स्वच्छता, पचन संस्था सुधारणे यांसारख्या कार्यांमध्ये फायदेशीर ठरते. झोपेत असताना लोकांच्या तोंडामधून लाळ निघते, जे खूप सामान्य आहे. परंतू सतत असं घडणं ही एक गंभीर समस्या असू शकते. झोपेत तोंडातून लाळ येते हे कधी तुमच्या झोपेच्या स्थितीमुळे होते, तर कधी हे तुमच्या आरोग्याशी संबंधित समस्येचे लक्षण असू शकते, जसे की सायनस समस्या, आम्लता किंवा कोणत्याही औषधाचा प्रभाव. लाळेचा स्त्राव सामान्य वाटू शकतो, परंतु जर ते वारंवार होत असेल तर ते हलक्यात घेऊ नका. (Marathi)
तोंडातून लाळ ही फक्त एक सवय नाही तर एक प्रकारची स्थिती आहे, ज्याला तुम्ही आजार देखील म्हणू शकता. झोपताना तोंडातून लाळ येण्याच्या सवयीला स्लीप स्लीव्हशन म्हणतात. खरे तर, जेव्हा शरीर पूर्णपणे आरामशीर स्थितीत असते तेव्हा गाढ झोपेच्या वेळी लाळ बाहेर पडते. लाळ येणे ही एक सामान्य घटना असू शकते, परंतु जर ती वारंवार होत असेल तर ती गंभीर आरोग्य समस्येचे लक्षण असू शकते. (Todays Marathi Headline)
झोपेत तोंडातून लाळ का गळते?
झोपताना लाळ येण्याचे सर्वात सामान्य कारण म्हणजे झोपण्याची स्थिती. जे लोक एका बाजूला किंवा पोटावर झोपतात त्यांच्या तोंडात साचलेली लाळ तोंडावाटे बाहेर येते. खासकरून जर ते तोंडातून श्वास घेत असतील किंवा त्यांच्या अनुनासिक परिच्छेद अरुंद असतील तर. जेव्हा ते श्वास घेण्यासाठी जेव्हा तोंड उघडतात तेव्हा त्यांच्या ओठांमधून जमा झालेली लाळ बाहेर येऊ शकते. ज्यांचे नाक कोणत्याही कारणामुळे चोंदलेले असते, तसेच ज्यांना सायनसची समस्या असते अशा लोकांची देखील झोपेत लाळ गळते. कारण ही लोकं तोंडाने श्वास घेतात. (Top Trending News)
तज्ज्ञांच्या मते, तोंडातून जास्त वेळ लाळ गळत राहिल्यास ते न्यूरोलॉजिकल डिसऑर्डरची समस्या असू शकते. हे असे तेव्हा घडते जेव्हा आपले शरीर स्नायूंवर नियंत्रण ठेवू शकत नाही, तेव्हा रात्री तोंडातून लाळ गळते. त्यामुळे सतत लाळ गळणे हे स्ट्रोक, पार्किन्सन रोग, मल्टीपल स्क्लेरोसिसचे लक्षण असू शकते. तोंडातून लाळ येण्याचे आणखी एक कारण म्हणजे ऍलर्जी. तुमच्या शरीरात कोणत्याही प्रकारची ऍलर्जी असल्यास, लाळ ग्रंथी शरीरातील विषारी द्रव्ये काढून टाकण्यासाठी अधिक सक्रिय होते आणि लाळ अधिक गळते. स्लीप एपनिया ही झोपेशी संबंधित समस्या आहे, त्याच्या लक्षणांमध्ये तोंडातून लाळ येणे देखील समाविष्ट आहे. जर तुम्ही रात्री झोपताना जास्त प्रमाणात लाळ गळत असेल तर त्याला स्लीप एपनियाची समस्या कारणीभूत आहे. (Top Marathi News)
तोंडातून लाळ गळणे हे ॲसिडिटीचे संकेत आहे. ज्या लोकांना जास्त प्रमाणात लाळ येते त्यांना जठराची समस्या असू शकते. रात्री घशात अन्न अडकल्यामुळे, झोपताना तोंडातून लाळ गळू लागते. आपल्याला काही शारीरिक मानसिक समस्या जाणवत असल्यास , विशिष्ट औषधोपचार सुरु असल्यास तोंडात जास्त प्रमाणात लाळ स्त्रवते. त्यामुळे असे जर होत असल्यास डॉक्टरांकडून औषध बदलून घ्या. जेव्हा तुम्ही गाढ झोपेत असता तेव्हा कधीकधी तुमचे तोंड उघडे असू शकते. त्यामुळे लाळ वाहू लागते. (Latest Marathi Headline)
तुम्हाला जर का लाळ गळ्याची समस्या असेल तर गरम पाण्याच्या गुळण्या करा, पोट स्वच्छ ठेवा, पचनास जड असे पदार्थ खाऊ नका, तुळशीची पानं खा किंवा जेवल्यानंतर गरम पाण्यातून आवळा पावडर घालून ते पाणी प्या. संपूर्ण दिवसभरात योग्य प्रमाणात पाणी पिणे आवश्यक असते. शरीरात जर पुरेसा ओलसरपणा निर्माण झालेला नसल्यास तोंडात जास्त प्रमाणात लाळ तयार होते. त्यामुळे शरीराला पुरेसे पाणी द्या. दिवसभरात तोंड कोरडे पडण्याआधी किंवा तहान लागण्याआधी घोट घोट पाणी मधून मधून पिणे गरजेचे आहे. (Top Stories)
लाळ गळू नये म्हणून पाठीवर झोपण्याची सवय लावा. यामुळे तुमचे तोंड बंद राहील आणि लाळ बाहेर पडणार नाही. झोपण्यापूर्वी तळलेले आणि मसालेदार पदार्थ खाणे टाळा. खूप आंबट आणि गोड पदार्थ जास्त प्रमाणात खाल्ल्यास किंवा या चवीची पेयं जास्त प्रमाणात प्यायल्यास देखील हा त्रास होऊ शकतो कारण या चवींची तीव्रता कमी करण्यासाठी तोंडात जास्त प्रमाणात लाळ तयार होते. त्यामुळे लाळ जास्त गाळण्याच्या समस्येवर उपाय म्हणून आंबट गोड पदार्थ आणि पेयं कमी प्रमाणात घ्यावे. अती प्रमाणात लाळ स्त्रवणे यालाच हायपर सिक्रेशन असे म्हणतात. यावर उपाय म्हणून अनेक औषधं उपलब्ध आहेत. डॉक्टरांच्या सल्ल्यानुसार लाळेवरची औषधे घेता येतात. (Social News)
( टीप : या लेखात देण्यात आलेली माहिती आणि उपाय हे सामान्य ज्ञानावर आधारित आहेत. कोणतेही उपाय करण्यापूर्वी तज्ज्ञांचा सल्ला जरूर घ्यावा.)
Latest Marathi News | News in Marathi | Live news Updates in Marathi on Trending Topics
