Hair Care : केसांच्या मुळांमध्ये सतत खाज येणे, कोरडेपणा जाणवणे किंवा स्कॅल्प सोलत असल्यास केसांची योग्य काळजी न घेतल्याचे हे स्पष्ट संकेत असू शकतात. बदलते हवामान, केमिकलयुक्त प्रॉडक्ट्स, तणाव आणि पोषणाची कमतरता यामुळे स्कॅल्प कोरडा होतो. अशावेळी महागडे ट्रीटमेंट्स न करता घरच्याघरी नैसर्गिक घटकांपासून तयार केलेले हेअर मास्क वापरल्यास काही आठवड्यांतच फरक दिसू शकतो. हे 5 हेअर मास्क स्कॅल्पला पोषण देऊन खाज, कोरडेपणा आणि केसगळती कमी करण्यास मदत करतात.
1. नारळ तेल आणि कोरफड जेल मास्क
नारळ तेल हे केसांच्या मुळांसाठी अतिशय उपयुक्त मानले जाते. त्यातील फॅटी अॅसिड्स स्कॅल्पला खोलवर पोषण देतात, तर कोरफड जेलमध्ये असलेले एन्झाईम्स खाज कमी करण्यास मदत करतात. दोन चमचे शुद्ध नारळ तेलात दोन चमचे ताजे कोरफड जेल मिसळून हे मिश्रण स्कॅल्पवर हलक्या हाताने मसाज करा. 30 ते 40 मिनिटांनंतर सौम्य शॅम्पूने केस धुवा. आठवड्यातून दोन वेळा हा मास्क वापरल्यास कोरडेपणा कमी होऊन स्कॅल्प मऊ आणि निरोगी होतो.
2. दही आणि मधाचा मॉइश्चरायझिंग मास्क
दही हे नैसर्गिक कंडिशनरप्रमाणे काम करते, तर मध स्कॅल्पला ओलावा टिकवून ठेवतो. केसांच्या मुळांना खाज येत असल्यास हा मास्क अतिशय फायदेशीर ठरतो. अर्धा कप दही आणि एक चमचा मध नीट मिसळून हे मिश्रण केसांच्या मुळांपासून टोकांपर्यंत लावा. साधारण 30 मिनिटांनी केस धुवा. नियमित वापराने स्कॅल्पमधील कोरडेपणा कमी होतो आणि केस अधिक चमकदार दिसू लागतात.
Hair Care
3. कांद्याचा रस आणि खोबरेल तेल मास्क
कांद्याचा रस केसांच्या वाढीसाठी ओळखला जातो, तसेच स्कॅल्पमधील इन्फेक्शन कमी करण्यास मदत करतो. दोन चमचे कांद्याचा रस आणि दोन चमचे खोबरेल तेल मिसळून हे मिश्रण स्कॅल्पवर लावा. हलक्या हाताने मसाज करून 20 ते 25 मिनिटे ठेवा. नंतर केस स्वच्छ धुवा. हा मास्क वापरताना आठवड्यातून एकदाच वापर करावा. काही आठवड्यांतच खाज कमी होऊन केस मजबूत होऊ लागतात.
4. मेथी दाणे आणि दही मास्क
मेथी दाणे स्कॅल्पसाठी औषधासारखे काम करतात. त्यामध्ये अँटी-फंगल गुणधर्म असल्याने डॅन्ड्रफ आणि खाज कमी होते. रात्रभर भिजवलेले मेथी दाणे बारीक वाटून त्यात दोन चमचे दही मिसळा. हे पेस्ट केसांच्या मुळांवर लावून 30 मिनिटे ठेवा. नंतर केस धुवा. आठवड्यातून एकदा हा मास्क वापरल्यास स्कॅल्प निरोगी राहतो आणि केस गळती कमी होते.(Hair Care)
========
हे देखील वाचा :
Beauty Treatment : Botox ट्रीटमेंट म्हणजे नक्की काय? काय आहे याचे फायदे
Tulsi Types : जाणून घ्या तुळशीचे ५ प्रकार आणि त्यांचे औषधी गुणधर्म
Tulshi Pujan : २५ डिसेंबरला साजरे होणाऱ्या तुळशी पूजनाचे महत्त्व
========
5. ऑलिव्ह ऑइल आणि अंड्याचा पिवळा बलक मास्क
ऑलिव्ह ऑइलमध्ये व्हिटॅमिन E भरपूर प्रमाणात असते, जे कोरड्या स्कॅल्पसाठी फायदेशीर आहे. अंड्याचा पिवळा बलक केसांना आवश्यक प्रोटीन पुरवतो. एक अंड्याचा पिवळा बलक आणि दोन चमचे ऑलिव्ह ऑइल मिसळून हे मिश्रण स्कॅल्पवर लावा. 20 ते 30 मिनिटांनी केस धुवा. नियमित वापराने केस मऊ, मजबूत आणि खाजमुक्त होतात.
Latest Marathi News | News in Marathi | Live news Updates in Marathi on Trending Topics
