Fridge Food : आजकाल व्यस्त जीवनशैलीमुळे अनेक घरांमध्ये पीठ मळून किंवा पोळ्या करून त्या फ्रिजमध्ये ठेवण्याची सवय वाढली आहे. सकाळच्या धावपळीत तयार पोळ्या खायला मिळाल्या की वेळ वाचतो आणि काम सोपे वाटते. पण फिटनेस तज्ज्ञ आणि न्यूट्रिशन कोचच्या मते, फ्रिजमध्ये ठेवलेल्या पोळ्या दीर्घकाळ खाल्ल्यास आरोग्यावर नकारात्मक परिणाम होऊ शकतो. विशेषतः वजन कमी करण्याचा प्रयत्न करणाऱ्यांनी आणि पचनाच्या तक्रारी असणाऱ्यांनी लक्ष देणे गरजेचे आहे.
थंड झालेल्या पोळ्यात वाढते ‘स्टार्च रेजिस्टन्स’ पचनावर परिणाम तज्ज्ञांच्या मते, पोळ्या थंड झाल्या की त्यातील स्टार्च ‘रेजिस्टंट स्टार्च’मध्ये रूपांतरित होते. अशा प्रकारचा स्टार्च शरीराला सहज पचत नाही आणि आतड्यांमध्ये पचनाचा ताण वाढतो. या स्थितीमुळे गॅस, अॅसिडिटी, पोट फुगणे, क्रॅम्प्स आणि अनियमित शौचाची समस्या उद्भवू शकते. हे पदार्थ पचण्यासाठी शरीराला अधिक ऊर्जा खर्च करावी लागते, ज्यामुळे थकवा जाणवू शकतो. त्यामुळे जे लोक रोज फ्रिजमधील पोळ्या खातात त्यांना हळूहळू पचनाशी संबंधित त्रास सुरू होऊ शकतो. (Fridge Food)
Fridge Food
वजन कमी करण्याच्या प्रवासात अडथळा ठरू शकते ‘फ्रिजची पोळी’ फिटनेस कोचच्या मते, वजन कमी करण्यासाठी ताजे आणि उबदार अन्न अत्यंत आवश्यक आहे. फ्रिजमधील पोळी गरम केली तरी तिच्या पौष्टिकतेत घट होतेच, शिवाय तिला पचण्यासाठी शरीरावर ताण येत असल्याने मेटाबॉलिझम धीमा होऊ शकतो. त्यामुळे कॅलरी बर्निंग कमी होऊन वजन कमी होण्याची प्रक्रिया मंदावते. सतत अशा पोळ्या खाल्ल्यास शरीर चरबी साठवण्याकडे झुकते, विशेषतः पोट आणि कंबरभोवती.
दीर्घकाळ ठेवलेल्या पोळ्यांमध्ये बॅक्टेरियाचा धोका अनेकदा पीठ किंवा बनवलेल्या पोळ्या २–३ दिवस फ्रिजमध्ये ठेवून खाल्ल्या जातात. पण पोळ्यांमध्ये ओलावा आणि गव्हाचे नैसर्गिक घटक असल्याने त्यात बॅक्टेरिया तयार होण्याची शक्यता वाढते. डोळ्यांना दिसत नसले तरी अशा सूक्ष्म जिवाणूंचा शरीरावर परिणाम गंभीर असू शकतो. काही लोकांना उलट्या, जुलाब, पोटदुखी किंवा फूड पॉइझनिंगसारखे लक्षणेही दिसू शकतात. त्यामुळे तज्ज्ञांचा सल्ला आहे की पोळ्या जास्तीत जास्त 12–18 तासांमध्ये खाणे सुरक्षित आहे. (Fridge Food)
==================
हे देखिल वाचा :
Fridge : जाणून घ्या फ्रिजमधून अचानक आवाज येण्यामागे नक्की कोणती कारणे असतात
Relationship Advice : रिलेशनशिपमध्ये गैरसमज टाळण्यासाठी कोणत्या मर्यादा ठेवाव्यात?
Mangalsutra :अशुभ समजल्या जाणाऱ्या काळ्या रंगाला मंगळसूत्रामध्ये का आहे महत्त्वाचे स्थान?
फ्रिजमध्ये ठेवायच्याच असतील तर या गोष्टी लक्षात ठेवा फिटनेस कोचच्या मार्गदर्शनानुसार काही सवयी अंगीकारल्यास धोका कमी करता येऊ शकतो. ताज्या भाजलेल्या पोळ्या थंड होऊ द्याव्यात आणि एअरटाइट डब्यात ठेवाव्यात. दोन दिवसांपेक्षा जास्त ठेवू नयेत. गरम करताना चक्क तव्यावर किंवा कढईत गरम करणे उत्तम मायक्रोवेव्हमध्ये फक्त मऊ होते पण चांगले गरम होत नाही. शक्यतो प्रत्येक जेवणासाठी ताजे पीठ मळणे आणि ताज्या पोळ्या बनवणेच सर्वात आरोग्यदायी आहे.फिटनेस तज्ज्ञांचे स्पष्ट मत आहे ताजे अन्न म्हणजेच चांगले आरोग्य. वेळ वाचवण्यासाठी फ्रिजमध्ये पोळ्या ठेवणे सोयीचे असले तरी ते शरीराच्या पचनतंत्रासाठी आणि फिटनेससाठी नुकसानकारक ठरू शकते. त्यामुळे शक्य असेल तेव्हा ताजे आणि गरम अन्न खाणेच उत्तम! (Fridge Food)
Latest Marathi News | News in Marathi | Live news Updates in Marathi on Trending Topics
