Entertainment : दिवंगत अभिनेता डॉ. राजकुमार यांचा नातू आणि अभिनेते राघवेंद्र राजकुमार यांचा मुलगा युवा राजकुमार याच्या वैवाहिक आयुष्यात काही समस्या उद्भवल्या आहेत. अभिनेता लग्नाच्या पाच वर्षानंतर आपली पत्नी श्रीदेवी बायरप्पासोबत घटस्फोट घेणार आहे. गेल्या एक वर्षापासून कपलच्या आयुष्यात वाद सुरु असल्याचे सांगितले जात आहे.
रिपोर्ट्सनुसार, युवा राजकुमार आणि श्रीदेवी यांच्या परिवाराने दोघांमधील वाद मिटण्याचा खूप प्रयत्न केला. पण अद्याप दोघांमधील वादाची स्थिती मिटलेली नाही. अशातच युवा राजकुमारने घटस्फोटाचा अर्ज केला आहे. यावर श्रीदेवीकडून कोणतीही प्रतिक्रिया आलेली नाही.
वर्ष 2019 मध्ये लग्न केल्यानंतर राजकुमार आणि श्रीदेवी यांच्यामध्ये दीर्घकाळापासून वाद सुरु झाले होते. तरीही युवा सिनेमाच्या मुहूर्त कार्यक्रमावेळी दोघांना एकत्रित स्पॉट करण्यात आले होते. पण सिनेमा प्रदर्शित होण्यादरम्यान श्रीदेवी दिसली नाही.
पत्नीवर लावले गंभीर आरोप
युवा राजकुमारने घटस्फोटासाठी अर्ज करत पत्नीवर काही गंभीर आरोप लावले आहेत. युवा राजकुमारने म्हटले की, माझे नाते आता संपले आहेत. खरंतर, पत्नीने टॉर्चर केल्याच आरोप लावला आहे. पण सत्य काय आहे हे कोणालाच माहिती नाही. (Entertainment)
वडिलांच्या विरोधात जाऊन केला होता विवाह
अभिनेता आणि श्रीदेवी बायरप्पा यांनी वडिलांच्या विरोधा जाऊन विवाह केला होता. या दोघांना दिवगंत अभिनेते पुनीत राजकुमार यांनी सपोर्ट केला होता. आता लग्नाच्या काही वर्षानंतर दोघांमध्ये फूट पडली असून एकमेकांपासून विभक्त होण्याचा आता निर्णय घेतला आहे.