Diwali 2025: भारताचा सर्वात मोठा आणि आनंददायी सण म्हणजे दिवाळी! प्रकाशाचा हा उत्सव फक्त दिवे लावण्यापुरता मर्यादित नाही, तर तो आपल्या जीवनात सकारात्मकता, श्रद्धा आणि नात्यांचे बंध मजबूत करण्याचा प्रतीक आहे. दिवाळीचे हे पाच दिवस धनतेरस, नरक चतुर्दशी, लक्ष्मीपूजन, बलिप्रतिपदा आणि भाऊबीज प्रत्येक दिवसाला खास धार्मिक, सामाजिक आणि भावनिक महत्त्व आहे. चला जाणून घेऊया, या पाच दिवसांच्या मागचं अर्थपूर्ण माहीती.
Diwali 2025
पहिला दिवस धनतेरस: आरोग्य आणि संपत्तीचा हा दिवस मानला जातो दिवाळीची सुरुवात धनतेरसपासून होते. या दिवशी समुद्रमंथनातून भगवान धन्वंतरि अमृतकलश घेऊन प्रकट झाले, अशी पौराणिक कथा आहे. त्यामुळे हा दिवस आरोग्य, आयुष्य आणि संपत्तीचं प्रतीक मानला जातो. लोक या दिवशी सोने, चांदी, धातूची भांडी किंवा झाडं विकत घेतात, कारण ते घरात शुभत्व आणि धनलाभ आणतं असं मानलं जातं. आरोग्य आणि समृद्धी या दोन्हींचं संतुलन राखण्याचा हा दिवस आहे.
Diwali
दुसरा दिवस नरक चतुर्दशी: अंधारावर प्रकाशाचा विजय या दिवशी भगवान श्रीकृष्णाने नरकासुर नावाच्या राक्षसाचा वध केला होता अशी कथा आहे. त्यामुळे याला चोटी दिवाळ किंवा काली चौदस असेही म्हणतात. या दिवशी पहाटे उटणं लावून अभ्यंग स्नान करणं, म्हणजेच शरीर आणि मन दोन्ही शुद्ध करण्याची परंपरा आहे. याचा अर्थ जीवनातील नकारात्मकता, राग, मत्सर आणि अंधार दूर करून नव्या ऊर्जेचं स्वागत करणं. (Diwali 2025)
Diwali
तिसरा दिवस लक्ष्मीपूजन: संपत्ती आणि प्रकाशाचा उत्सव दिवाळीचा तिसरा दिवस सर्वात महत्त्वाचा मानला जातो. या रात्री देवी लक्ष्मी पृथ्वीवर भ्रमण करते आणि जिथे स्वच्छता, प्रकाश आणि श्रद्धा असते, तिथे ती स्थायिक होते. म्हणूनच या दिवशी घर साफसफाई, रांगोळी, दिवे लावणं आणि लक्ष्मीपूजन करण्याची प्रथा आहे. हा दिवस केवळ धनाचा नव्हे, तर मनाच्या समृद्धीचा आणि कुटुंबातील ऐक्याचाही उत्सव आहे. (Diwali 2025)
================
हे देखील वाचा :
Dhanteras : धनत्रयोदशीला धन्वंतरी पूजन का केले जाते?
Vasubaras : वसुबारसच्या दिवशी काय करावे, काय करू नये!
Dhantrayodashi : धनत्रयोदशीच्या दिवशी यमदीप दान करण्याचे महत्व
Diwali
चौथा दिवस बलिप्रतिपदा (पाडवा): प्रेम आणि नात्यांचा सन्मान पाडवा हा दिवस राजा बली आणि भगवान विष्णू यांच्याशी संबंधित आहे. विष्णूंनी वामनावतार घेऊन बलीराजाला पाताळात पाठवलं, पण त्याच्या भक्तीमुळे त्याला वर्षातून एकदा पृथ्वीवर येण्याची परवानगी मिळाली. म्हणून या दिवशी बलीराजाचं पूजन केलं जातं. हा दिवस पती पत्नीच्या नात्यातील आदर आणि समतेचं प्रतीक आहे. स्त्रिया आपल्या पतीच्या दीर्घायुष्यासाठी प्रार्थना करतात आणि एकत्र सण साजरा करतात.
Diwali
पाचवा दिवस भाऊबीज: नात्यातील ममत्व आणि संरक्षणाचं वचन दिवाळीचा शेवट भाऊबीजने होतो. या दिवशी बहिणी आपल्या भावाचं औक्षण करतात, त्याच्या दीर्घायुष्याची प्रार्थना करतात, तर भाऊ बहिणीला संरक्षणाचं वचन देतो. हा दिवस फक्त नातं साजरं करण्याचा नाही, तर भावंडांमधील प्रेम, स्नेह आणि जबाबदारीची जाणीव करून देतो. दिवाळीचे हे पाच दिवस आपल्याला शिकवतात प्रकाश फक्त दिव्यांत नाही, तर आपल्या कृतींमध्ये, विचारांमध्ये आणि नात्यांमध्ये असावा.
हा सण केवळ आनंदाचा नाही, तर धर्म, संस्कार आणि सकारात्मकतेचा उत्सव आहे.
