विवेक अग्निहोत्री दिग्दर्शित ‘द कश्मीर फाइल्स’ या चित्रपटाने जम्मू-काश्मीरमधून काश्मिरी पंडितांच्या पलायनावर वाद सुरू केला आहे. यावर आतापर्यंत दिग्गजांची वक्तव्ये समोर आली आहेत. आता जम्मू-काश्मीर पीपल्स कॉन्फरन्सचे अध्यक्ष सज्जाद लोन यांनीही यावर प्रतिक्रिया दिली आहे.
विवेक अग्निहोत्री याच्यावर टीका करत राज्यसभेची जागा देण्याची विनंती त्यांनी पंतप्रधान नरेंद्र मोदी यांच्याकडे केली आहे. हा चित्रपट काल्पनिक असल्याचे सांगत सज्जाद लोन यांनी मंगळवारी आरोप केला की, असे चित्रपट बनवणारे देश द्वेषात बुडतील.
दिग्दर्शकाचे नाव आठवत आणि नंतर विवेक अग्निहोत्रीला ‘अतुल अग्निहोत्री’ म्हणत सज्जाद लोन म्हणाले, ‘मी पंतप्रधानांना आवाहन करतो की त्यांना राज्यसभा खासदार करा. नाहीतर ते अजून काय करेतील माहीत नाही.
====
हे देखील वाचा: ‘काश्मीर फाइल्स’ पाहिल्यानंतर अमरावतीमध्ये दोन गटात हाणामारी, १५ तरुणांना अटक
====
आता एक नवीन ट्रेंड आहे की विवेक अग्निहोत्री आणि अनुपम खेर यांच्यासारखे लोक राज्यसभेवर जाण्यासाठी उत्सुक आहेत. त्यानां राज्यसभेवर पाठवावे, अन्यथा तो या देशाला द्वेषात बुडवून टाकेल.” अशी टीका त्यांनी विवेक अग्निहोत्रीवर केली आहे.
‘काश्मिरी पंडितांचे दुःख कोणीही नाकारत नाही’
जम्मू-काश्मीरचे नेते म्हणाले, ‘काश्मिरी पंडितांचे दुःख कोणीही नाकारत नाही. काश्मिरी मुस्लिमांचेही खूप नुकसान झाले आहे आणि ते काश्मिरी पंडितांपेक्षा ५० पट अधिक आहे. तुम्ही फक्त एका समाजाच्या वेदनांचे दस्तऐवजीकरण करू शकत नाही. यामध्ये आपण सर्वजण एकत्र आहोत.
या अपघातात मी माझे स्वतःचे वडीलही गमावले आहेत. दक्षिण काश्मीरमधील अनंतनाग जिल्ह्यातील कोकरनाग येथे जाहीर सभेनंतर ते पत्रकारांशी बोलत होते. त्यांनी नॅशनल कॉन्फरन्सवर जनतेला मूर्ख बनवल्याचा आरोप करत त्यांचे नेते खोटे असल्याचे म्हटले.
विरोधकांनी या चित्रपटाला मुस्लीमविरोधी म्हटले आहे
काश्मिरी पंडितांच्या पलायनावर बनवलेल्या या चित्रपटाला विरोधी पक्षनेत्यांनी मुस्लिम विरोधी म्हटले आहे, तर भाजप नेते आणि अनेक चित्रपट क्षेत्रातील व्यक्तींनी चित्रपटाचे कौतुक केले आहे. या चित्रपटाला पंतप्रधान नरेंद्र मोदी, गृहमंत्री अमित शहा यांनी पाठिंबा दिला आहे.
=====
हे देखील वाचा: काश्मीर फाइल्स चित्रपटाचे दिग्दर्शक ‘विवेक अग्निहोत्री’ यांना सरकारकडून Y श्रेणीची सुरक्षा
=====
अनुपम खेर, मिथुन चक्रवर्ती, पल्लवी जोशी आणि दर्शन कुमार यांसारख्या स्टार्सनी ‘द काश्मीर फाइल्स’मध्ये काम केले आहे. या चित्रपटात सर्व कलाकारांनी उत्तम काम केले आहे, ज्याचे खूप कौतुक होत आहे. हा चित्रपट उत्तर प्रदेश, त्रिपुरा, गोवा, हरियाणा, गुजरात आणि उत्तराखंडसह अनेक राज्यांमध्ये करमुक्त घोषित करण्यात आला आहे.
