आपल्या कॉमेडीने सगळ्यांना हसवणारा कॉमेडियन आणि अभिनेता कपिल शर्मा (Kapil Sharma) सध्या त्याच्या आणखी एका चित्रपटासाठी खूप मेहनत घेत आहे. नुकताच त्याचा व्यायाम करतानाचा फोटो सोशल मीडियावर (Social Media) व्हायरल होत आहे. यानंतर, त्याचे आणखी एक फोटो देखील समोर आले ज्यामध्ये तो पहाटे बाईक चालवताना दिसत होता.
त्याचे हे फोटो पाहून लोक म्हणू लागले की, कपिल चित्रपटाच्या शूटिंगसाठी वजन कमी करण्यावर भर देत आहे. तथापि, हे देखील पूर्णपणे सत्य आहे कारण त्याचा एक फोटो सोशल मीडियावर व्हायरल होत आहे ज्यामध्ये तो डिलिव्हरी बॉयच्या गेटअपमध्ये रस्त्यावर बाइक चालवताना दिसत आहे.
खरंतर, कपिल शर्मा सध्या त्याच्या एका अनटाइटेड चित्रपटाच्या शूटिंगमध्ये खूप व्यस्त आहे. त्याच्या चित्रपटाच्या शूटिंगमधून एक फोटो समोर आला आहे ज्यामध्ये तो एका कंपनीचा पिवळा टी-शर्ट घालून बाइकवर बसला आहे आणि त्याच्या पाठीमागे निळ्या रंगाची पिशवी लटकत आहे. ही तीच पिशवी आहे ज्यातून फूड डिलिव्हरी बॉय लोकांच्या घरी अन्न पोहोचवतात.
====
हे देखील वाचा: ‘अनावश्यक गोंधळ घालणे योग्य नाही’, काश्मीर फाइल्सच्या वादावर नाना पाटेकर यांची प्रतिक्रिया
====
याशिवाय त्याने डाव्या हाताला घड्याळ घातले असून काळ्या रंगाचे हेल्मेटही घातले आहे. फोटोत तो एका गरीब घरातील मुलाच्या रुपात दिसुन येत आहे, जो आपली गरज पुर्ण करण्यासाठी डिलिव्हरी बॉय म्हणून काम करतो.
जर तुम्ही कपिलच्या या चित्रपटाच्या शूटिंगचा फोटो पाहिला तर तुम्हाला चित्राच्या डाव्या बाजूला एका कारमध्ये ठेवलेला कॅमेरा देखील दिसेल. तर जवळपासची सर्व वाहने ट्रॅफिक सिग्नलवर असल्याने थांबलेली आहेत.
यापैकी एकाने कपिलचा फोटो काढून सोशल मीडियावर अपलोड केला आणि त्याच्या कॅप्शनमध्ये लिहिले की, ‘सरजी, मी तुम्हाला आज थेट पाहिले’. आणि यावर कमेंट करताना कपिलनेही अतिशय हटके उत्तर दिले. तो म्हणाला, ‘कुणाला सांगू नका’.
Kisi ko batana mat 🤓 https://t.co/3rCAjuPKva
— Kapil Sharma (@KapilSharmaK9) March 18, 2022
====
हे देखील वाचा: होळीच्या धूमधडाक्यात विवेक अग्निहोत्रीच्या चित्रपटाने केला विक्रम, चित्रपटाने पार केला १०० कोटींचा टप्पा
====
कपिल शर्माने ओडिशाचे मुख्यमंत्री नवीन पटनायक यांची भेट घेतली
कपिल शर्माने नुकतीच ओडिशाचे मुख्यमंत्री नवीन पटनायक यांचीही भेट घेतली होती. त्याचे अनेक फोटो सोशल मीडियावर व्हायरल झाले आहेत. या भेटीत त्यांच्यासोबत फिल्ममेकर आणि अभिनेत्री नंदिता दासही दिसल्या. मुख्यमंत्र्यांनी कपिलशी बराच वेळ चर्चा केली.
